知性美感妝容＠THREE 2018 S/S Makeup Collection

大家聖誕節快樂！
話咁快2017年黎到尾聲，但2018年既彩妝已經搶閘出場啦>////<
今次率先試THREE 2018 S/S Makeup Collection，2018年1月1日先正式發售啊！
可以搶先試實在太榮幸啦!!!

當日THREE既日藉型男化妝師Yuta san仲專誠黎到香港，為我地親身揀色同化妝♥
搞我到心跳到不行XDDD

一小時SPA享受‧評價LPG M6 Alliance@SOHO Beauty

聖誕前夕，各女士都進入備戰狀態，準備以最佳形象出場。
雖然我對節日無乜概念，但美容瘦身對我黎講係例行公事，今次就評價第十代LPG M6呢個快速變靚既療程，等大家趕係聖誕前做最後衝刺啦：）


LPG M6相信大家都聽過啦，今次就黎到中環呢間SOHO Beauty做佢地既Endermologie療程，呢個療程以天然非入侵性聞名，最厲害係佢地既即刻提升效果，簡直令全球女士都雙眼發光XD

♥Kiehls X Mickey Mouse 節日限量版大巡禮♥

滿滿既聖誕氣氛湧上大街小巷，早前Yandy已經偷步進行聖誕購物啦：）

趁住【Kiehls X Mickey Mouse 2017節日限量版巡禮HOLIDAY PARTY】即時入手唔少限定節日套裝，聖誕抽獎自用都好抵呀!
仲換上左藝術家 Kate Moross設計既一系列聖誕新包裝，靚>////<

秋冬微光感小清新妝容‧LUNASOL

黎到秋冬，楓葉色眼妝X乾燥玫瑰唇都紛紛出爐。
而LUNASOL卻反主流推出【淨化妝容 Candle Night Collection】
以溫暖感光茫、明澄既發色，打造具有柔和妝感既冬日暖心妝容。


【LUNASOL Candle Night Collection】2017 Winter
♥ WARM CANDLE EYES 燭光雙色眼影組 (HK$340@) 限量3款
♥ DEEP ＆ SHINE LINER 閃爍雙色眼線筆 (HK$250@) 限量3款
♥ OIL LIP BALM 透亮潤唇膏  (HK$260@) 限量3色
♥ COLORING SOFT CHEEKS 柔色胭脂組  (HK$230@ *粉盒$100@、胭脂掃$70@分別發售) 全2款
♥ NAIL FINISH N 晶炫甲油N  (HK$140@) 限量3色

旅行唔怕乾爭爭‧搭叮叮歐遊@Elizabeth Arden經典8小時潤澤系列

當有個靚仔出現係叮叮之上，話帶你歐遊...

係呀，無錯!
早前Yandy登上Elizabeth Arden經典8小時潤澤系列電車，俄仔Ansheles做導遊，玩均成架叮叮，太美好啦!!!

當卸妝變成享受＠dermalogica

因為要遮蓋白白既關係，我近來幾乎每日都全妝出門。

有返咁上下強力既遮瑕，就要有返咁上下潔力，所以我最近轉用左新既卸妝產品。


水嫩潔容乳霜 PreCleanse Balm ($448/ 90ml)
上年起愛上左霜狀既潔面產品，呢隻仲係唧唧裝，更方便衛生，仲有個潔面指套，非常貼心。

Klorane帶俾你‧漂染鎖色修護小秘訣

由上年開始無間斷不停染髮，開始覺得每次染髮後，顏色越黎越KEEP唔到，好快就甩哂色。
原來染後修護都好重要，因為漂染過程中容易令髮幹帶來傷害，除左剪哂佢，其實有更好既選擇。


KLORANE主打染後修護既護髮用品。
♥ 紅石榴鎖色修護系列
♥ 燕麥奶滋養順滑免沖水洗髮噴霧

D.UP眼妝好物入貨@美容展

美容展係一年一度入貨既大日子，一般我都會入定一年要用既化妝品、消耗品。
而D-UP就係我每年必到既攤位!!!


化妝對對於雙眼皮膠紙同假眼睫毛既消耗量真係好大，撞岩一日化姊妹妝既話，其實已經可以用消一盒假睫毛架啦>.<

拒絕亞婆手‧小甘菊護手

天氣微涼，秋意漫漫，一年入面最舒服既日子，但依然伴隨小煩惱。
秋冬季最令人煩惱既靜電又黎啦XDDD

唔知係咪我電力太強勁，而家出入公司拉門都開始會俾靜電電親^^"
痛都未至於好痛，但每次都會嚇一嚇，返工好醒神呀XDDD

又係時候要搽下Hand Cream啦。


德國 Kamill 應該唔會陌生，標誌性既草綠色配上小甘菊，行到邊都緊會見到，價錢仲非常親民。
係連續 5 年，德國銷量 No.1潤手霜黎架啦。
♥ 經典配方 全效護甲潤手乳液 Kamill Classic Hand Lotion ($39.9/ 125ml)
♥ 經典配方 全效護甲潤手霜 Kamill Classic Hand Cream ($34.9/ 100 ml)

頭毛亂飛的季節＠KERASYS

反覆既染燙，其實對於頭髮既健康點都有一定既影響，最近保留左中長髮，加上開始轉季，開始感覺到頭髮卡卡地...>.<"

♥ KERASYS 深層補水乳液 (HK$88/70ml)

♥ KERASYS 夜間修護精華乳 (HK$88/70ml)

最近既天氣大概係開始有一點點乾燥，但仲有一點點潮濕，太油太乾都唔得。
但用呢兩枝保養頭髮，效果同頭髮狀態都有所提升。

以植物撫平毛躁＠BOTANIST

天氣凍左之後，頭髮開始有D毛燥打結，試左個新認識既植物共存的生活品牌感覺又唔錯喎。


黎自日本既BOTANIST，產品成分90%以上來自天然植物，祟尚簡單就是美的生活態度，是著重天然植物成分和清水，以護髮及護膚用品為中心的生活品牌。

♥ BOTANIST保濕滋潤套裝
♥ BOTANIST清爽順滑套裝

天冷了‧吹gülsha玫瑰風帶走乾燥感

呢幾日突然爆凍，氣溫跌到16度，肌膚即時有投訴^^"
臨時臨急又唔知轉咩保養品，最簡單直接就係幫用緊既保養品加強抗敏修復力。

 gülsha 晨露純玫瑰精華油

優惠價:$267.3/20ml　(優惠期由2017年10月20日至2017年10月26日)

標準價:$499/20ml

骨膠原飲飲飲‧腳痛飛走哂!

媽媽最近成日話腳痛，呢隻台灣好hit既玻潤凝(Borunnin)，一日一枝，即開即飲，唔單止保護關節，仲可以美肌、明目。

玻潤凝Borunnin (HK$1,500/ 21枝)

3 大修護配方: 玻尿酸、軟骨素、葡萄糖胺構成保護金三角。
關節-->保持潤滑
肌膚-->防止老化
眼睛-->減緩乾澀

高質自拍‧萬用型既相機仔@Canon EOS M100

自拍係女仔生活既一部分，呢部Canon EOS M100主打自拍。

發佈會當然要即刻體驗一下新機啦：）

給Body的聖誕禮物＠The Body Shop

雖然仲係11月份，但各大品牌已經急不及待準備定大家既聖誕禮物啦：）
The Body Shop® 聖誕限定禮品2017
除左充滿創意，仲充滿愛心，傳播快樂。

今年對我黎講真係好艱難，翻天復地咁款，所以今年我特別要好好犒賞自己，放鬆身心。
亦都要好好感謝身邊一直撐住我既親友，係要花心機揀下禮物既。


The Body Shop®今年以「Play for Peace」做主題，同致力建立持久和平的英國慈善機構International Alert合作推行慈善計劃，為身處黎巴嫩的敘利亞戰難兒童重拾快樂童年，並學習係戰亂中尋回和平喜樂。

痘痘期的特別呵護＠KIEHL'S青瓜植物精華系列

轉季時分，肌膚特別脆弱敏感，唔想塊面紅噹噹咁見人，就要俾佢最溫和既滋潤。

Kiehl’s一直以高效護膚專家見稱，青瓜植物精華爽膚水係60年代末已經面世，配方歷久不衰，時至今日依然是Kiehl's顧客的心頭好。最近就加入潔面乳新成員。
♥ 青瓜植物精華潔面乳 (HK$220/ 150ml)
♥ 青瓜植物精華爽膚水 (HK$220/ 250ml, HK$345/ 500ml)

青瓜植物精華系列係日常護膚程序為基礎，既補水又溫和，特別適合敏感肌。
加上草本芳香，能令人精神一振，簡單既保養都可以擁有猶如水療護理般既舒適感受。

貼心服務＠We're Shopaholics 有機護膚品店鋪

早前去左觀塘一間樓上舖，位置真係唔太就腳，但勝在店長親自搜羅左世界各地好用既天然有機產品，仲有好貼心既介紹，揀岩之後又可以網購。
如果你岩岩加入天然有機產品既行列，唔太知道自己用咩比較好，不妨花少少時間同店長學下野。

氣質系髮則@10/10 Christophe Robin《Dreaming Of Volume》

早前出席左 "Dreaming Of Volume" Christophe Robin 玫瑰豐盈淨化髮泥發佈會。


由創辦人兼法國知名的髮色專家Christophe Robin親身黎到香港為我地介紹產品，經常為眾多國際巨星設計髮色及染髮，星級客戶包括一代名模Claudia Schiffer, Kate Moss, 澳洲天后Kylie Minogue及法國影星Audrey Tautou, Sophie Marceau等等。Christophe認為，沒有健康的頭髮就沒有美麗的色彩，因此他研製了可為染後髮質作深層修護的護髮產品。

Targeted Effects S+G對抗初老‧修正肌膚酵素@IPSA

天生童顏，但隨著年齡增加，肌膚既老化漸漸係面容上顯露出黎。
皺紋、色斑雖然未見，但肌膚底層已經開始逐步發出一D肉眼睇唔到既潛藏初老跡象。

踏入25歲後既輕熟女，就要開始認識S 同 G啦!

有誰敢說「我不需要Tiffany」？終於等到【液態鑽石♥】

一講Tiffany，有幾個女仔可以講「我不需要Tiffany」？

珠寶首飾門檻太高，小資女如我未必可以豪氣入手。

但今次Tiffany & Co.就帶左一顆全新既【液態鑽石】準備俘虜一眾少女心♥

會笑的眼睛＠輕熟抗衰老保養好物

微涼秋風漸起，開始感覺到有D秋意，又係幫補養品換季既時間。
今次想同大家分享呢個超級適合輕熟女既抗衰老產品。
鐘意佢質地輕薄得黎夠潤，唔敢起粒粒，我岩岩先係痘痘地獄到行返出黎咋>.<"
最正既係好似可以填平哂所有細紋、表情紋，即時有效果，快速提升肌膚質素，仲有埋美白功能，趁住秋冬密密擊退黑色素。


SHISEIDO皇牌抗衰老美白系列Vital-Perfection
​​♥ SHISEIDO Vital-Perfection Wrinklelift Cream高效抗皺修護乳霜: HK$760 / 15m
♥ SHISEIDO Vital-Perfection Wrinklelift Mask高效抗皺修護膜: HK$570 / box (12 packs x 2 sheets)

舊區潮店‧一站式美甲髮型屋＠DRY CUT HAIR SHOP

識得Yandy既人都知道我係個宅，無乜事死都唔出門。

出左去都務實以最快既速度做哂所有野返去摺埋XD

之前成日係屋企玩7日變色護髮素，搞到個浴室五顏六色洗餐矇，已經被禁止再係屋頂染髮啦^^; 只好死死地氣去Salon啦！

今次就黎到呢間都幾近我屋企既DRY CUT HAIR SHOP。

座落係柴灣既係舊式商場，地方唔算大，最近擴充到兩個舖位，裝修帶種工業風設計，加上原木木質都帶點粗礦，加上偏重玩味的圖案，環境幾有格調架。

髮型師、美甲師都好Young，價錢仲好大眾化。

最正係，仲有個玻璃房位可以整埋甲♥呢點好加分呀！

方便我呢D宅宅可以極速完成所有要做既野摺返屋企XD

五感邂逅【美滴彈潤緊緻】肌膚觸感＠KANEBO

呢幾日開始有點秋意，有D人係轉季期間容易膚況不穩，我以前都無呢個問題既，但歲月無情，又黎痘痘大爆發T^T
加上之前個次非常多之前痘痘的痕跡，又要從根本做起。


除住年齡老化，環境污染，還有各種熬夜以及壓力都會令肌膚老化，失去應有既活力，吸收慢慢變差，肌膚既問題就慢慢浮現>.<"

Sudio維修保養體驗‧一年內都有得保：）

唔覺唔覺，我既第一個Sudio藍牙耳機 Vasa BLÅ已經陪左我成年啦：）
唔知係咪同Sudio TRE爭寵，最近發現佢有少少連接上既問題，有時電話會認佢唔到。

所以我就上返Sudio官網睇下應該點搞，咁先醒起原來Sudio係有「一年保養」維修保養，即時聯絡客戶服務睇睇有冇得整整佢。

Kiehl's 2017全球慈善企劃‧動動手指傳遞關懷

「自閉症譜系障礙」(Autism Spectrum Disorder，ASD)

每68個美國兒童就有一位確診，但只要及早診斷及為自閉症兒童提供支援及關心，就可以改變佢哋嘅未來。

今次 Kiehl's聯同Oscars影帝兼慈善家 #MatthewMcConaughey 發起全球慈善計劃，以一連串既慈善公益活動支持同關懷患有自閉症兒童及佢哋嘅屋企人♥

堅‧無痛啪骨＠一正尚本堂 iONEtheory

相信大家都有聽聞過啪骨這會事。
我之前都試過啪骨，真係有效果既，但次次啪完都痛幾日>.<"
我仲好深刻有次啪完骨，第日去海洋公園玩機動遊戲痛到眼淚水都飛哂出黎XD

iONE theory 一正尚本堂聯絡我試做時，我都糾結左好耐試唔試，但佢地拍心口保證完全唔痛，咁八卦既我終於都受唔住誘惑，決定上去一探究竟。


iONE theory 一正尚本堂既創辦人陳耀堅教授係亞太區頭顱骨專家，十幾年前已經係徒手美容權威既始祖，最為人熟悉既就係之前新聞報導楊千嬅啪骨瘦面、戚黛黛推骨，令俗稱「啪骨」廣為人所認識，其實就係陳教授同佢團隊既功勞。

讓肌膚沐浴在玫瑰花海＠gülsha晨露純玫瑰活肌水

向來對玫瑰產品興趣不大，可能日常接觸到既玫瑰味都好化學，感覺好膩>.<"
但今次接觸gülsha 晨露純玫瑰活肌水，令我對玫瑰有少少改觀。

gülsha 晨露純玫瑰水50ml及200ml

以古法蒸餾技術，一點一滴萃取出極致矜貴的玫瑰純露；保留玫瑰最高活性，其活性成分更高達300多種，喚醒肌膚自然美。

種植個人專屬睫毛@孕睫術

天生豆豉眼既我，一直都好羨慕人地既娃娃大眼，Size就無得改變，但想對豆豉眼望落大D亦唔係不可能既任務。

除左眼線、眼影，睫毛對眼仔既放大效果亦係非常顯著既。

所以好早開始，我已經有用睫毛增長既產品。

百變唇妝‧無限色彩可能@shu uemura rouge unlimited

原諒我極之偏心shu uemura，從來都充滿色彩同玩味，令化妝變成遊戲♥
今次一口氣推出38款rouge unlimited 無色限唇膏！
由酒紅、橙紅、粉紅、鮮紅及裸色粉紅等應有盡有。
其中有4隻混色專用色調，塑造無限唇色>/////<

懶小鬼恩物‧Chou Chou More

由於白蝕既問題，我而家落一落街都會化行妝，完全遮蓋白白位置，每日反覆上妝、落妝>.<

最近認識左令我放心懶既好物，絕對要落力介紹：）
好好清潔就係保養既第一步，如果卸妝同時仲外加潔面、滋潤同保濕一次搞掂，聽到都心動！

我的十年前後‧SK-II R.N.A.抺去歲月痕跡

人生有幾多個十年XD
睇返十年前既相，我唯一無變既只有影相遮住個包包面既習慣XDDD
化妝技巧真係三級跳左，以前我非常著重眼妝，仲要有咁彩得咁彩先開心。
青色既眼影我應該唔敢再用，眼線亦唔再一咪填到黑蚊蚊，留返D空間，眼仔更大粒：）
而家既我，最著重底妝，因為膚質已經不如從前啦T^T
唔多唔少歲月既痕跡都停留左係我面上，只要一日不保養，第二日上妝就即刻感受到「崩潰」，以前？保養係咩黎？食得架？

15日重整肌膚生態@absolution

最近一直都面對緊肌膚問題，雖然暗瘡總算告一後落，但就留底唔少難以退走既暗瘡印同疤痕T^T
話就話身體有自我修復能力，但修復總要時間，如果可以Speed up+++，極速回復無瑕肌就當然最好啦！


absolution La Cure Peau Nette 淨肌修復精華 (HK$620, 15枝x 1ml。)

創辦人Isabelle Carron相信，要真正修復肌膚，應排除果酸產品或醫學美容療程具入侵性的方法，以天然有機的針對性配方，真正有效溫和地從根本還原平衡「肌膚生態」。產品配方具淨化及幫助肌膚達到水油平衡的功效，令皮膚在兩週內重回正軌。改善泛紅或油脂失衡的情況，減淡甚至消除色斑並基本修復自身。

做好毛孔管理‧從Makeup Base開始@Dr. Young

最近忙於處理面上白蝕既問題，已經去到一個需要厚重妝容先可以隱藏既地步，所以我每一日都化妝，肌膚可以深呼吸既時間變少，毛孔...變大左T^T
要收毛孔真係唔係一朝一夕既事，而且最近都係優先處理白蝕問題，雖然醫生話無得醫，但我都努力試緊D偏方同向中醫求助，如果有效果再同大家報告。

毛孔問題都已經係老朋友啦XD
有時適當隱藏問題，欺騙一下自己都未嘗唔係一件好事>////<

♥ Dr. Young 絲質柔滑底霜
韓國醫學護膚專家Dr. Young應該都唔陌生。
不過Dr.乜，Dr.物既品牌真係好多，成日都會搞錯^^"

Sensations ·At once@EverColor

隱形眼鏡品牌Ever Color 登陸香港啦！
早前Yandy特登去左日本夏祭—面白祭參加開鏡儀式，今次當然係要分享下佢地既美瞳啦：）

今次試左兩款Ever Color既1day con，無論係鐘意自然系定異國風都無問題：）

無痛告別包包面＠終於要HIFU

雖然Yandy都算有個尖下巴，但人到中年，個包包面依然仲跟住我，最近有朋友話我似倉老鼠收埋左D野食係口入面，仲開始感覺到肌膚有D鬆弛T^T

對於HIFU療程，大家應該絕不陌生，ULTRAFORMER 第三代 HIFU我自己都做過兩次，不過就係做body，效果睇得到又唔係太痛，今次就決定處理下個包包面啦！

幼、薄、曲髮對策＠HIMAWARI 向日葵 EX 系列

由冬天開始慢慢將頭髮留返長，最近終於驗收成果啦：）

相信大家都知道我最近瘋狂漂染，短髮未必好覺頭髮既問題，但頭髮一長返，問題就現哂形T^T

不能美白的日子＠明色‧淨化排毒水X濃厚復活水

慢慢適應成為白白既日子，其實都有唔少野要注意。
其中一樣影響好深既係，要同美白講拜拜T^T
未成為白白之前，我一直都係鐘意同陽光玩遊戲既，美白幾乎係我既指定功課。
今個夏天雖然要避開陽光，但其實化妝品、塵埃、油煙、舊角質會係面上堆積，肌膚毒素排唔到出黎，就會加速老化，加上水份唔夠，肌膚望落就會變得暗啞>.<

唔可以美白既日子，我都要Keep住明亮膚色：）

詢時問度極高，好多朋友都已經係萬寧見到佢既縱影...
★ 明色 Premium 淨化排毒水 ($168/ 180ml)
★ 明色 Premium 濃厚復活水 ($228/ 180ml)

來自星星的抗老美白保濕安瓶原液＠MYOSKIN

以前細個去海邊，最鐘意拎起D海星黎玩((因為笨手笨腳，淨係捉得到海星XD

有次唔小心將粒海星一分為二＠口＠，爆喊！

我叔叔個時就話我知，只要放返佢落海，佢就會變成兩粒海星！！！

當時既我死都唔信，大個左先知原來海星係擁有再生能力，就算撕成碎片都好，只要放返係海水到，每塊碎片都會慢慢生返成一粒完整既海星，非常令人驚嘆既再生能力。

相信我講到呢到，大家都知道今次既產品一定係同海星有關啦：）

♥ MYOSKIN海星幹細胞抗老美白保濕安瓶原液

當中最重要既就係以海星修復精華，配合科研提煉而成既專利成分JUVENTIDE™

「5分鐘見證健康肌膚」＠Kiehl's先試後買

作為化妝師，客人成日都會叫我推薦保養品。

我通常既建議都係要親身去試一試，撇除敏感、膚質等既基本條件，覺得保養品最重要既就係你會唔會的起心肝去用，你要真係覺得搽左感覺舒服，使用方便、用完有效果...先會克服到懶懶因子，早晚搽，咁先真正發揮到產品既功效。

如果唔係，買再多既保養品都只係浪費。

而最經常發生既情況係，買左返去，用左幾次先發現唔好用、唔岩自己、敏感...
如果係買之前可以試清楚，就已經可以大大減少以上既問題，可以將有限既資金用得其所。


Kiehl’s「5分鐘見證健康肌膚」，有專業嘅顧問服務代表幫您分析皮膚健康狀況，揀選適合您嘅Kiehl’s皇牌產品。

投入天然有機生活@Natural Organic Life (下篇)

上次介紹其中兩款NOL既抗痘基礎保養產品，主要係處理暗瘡炎症同加強保濕。

♥ NOL 紅蔘綠豆面膜粉 (HK$108/100g)

今次就介紹埋呢樣排毒既面膜粉，成分有紅蔘，含抗氧化物，能有效預防肌膚老化，舒緩細紋，令面色紅潤。

綠豆有排毒功效，有效去暗瘡、除濕疹，去面上T字位過多油脂，仲可以消炎美白緊緻肌膚。

調整生活步伐@Sudio TRE

當白蝕出現左係我生命之中，我開始去反思自己既生活習慣，的的確確係同健康扯唔上邊XD
坐言起行，除左飲食上開始左介口，運動亦要加強。

讀書時而期我係有跑步既，但換黎小腿發達既肌肉T^T
所以有好一段日子我都拒絕再跑步，有一段時間都有跳下舞、做下Yoga，久不久亦會去下GYM Room，但實在唔太喜歡...

最後又回歸跑步XD
唔知點解跑步時個人好易放空，唔需要任何思考，唔洗跟住人地做。
雖然係重複既步調，但景色不停轉換，呢個時候，配上輕鬆既音樂，成個人就好似去左另一個空間咁：）

食海鮮去旺角咩？

係！無錯，的確係去旺角食海鮮^^"

唔知係咪我個人認知出現左障礙，我覺得食海鮮一定係要去海邊XD
不過其實唔係海邊都有海鮮食既。

5+5@JAYJUN黑金童顏幻彩面膜

一向唔太喜歡敷面膜既我，早前因為無時間做保養，所以膚質大下滑T^T
最近得閒返D，密密敷Mask急救肌膚XD


♥ JAYJUN黑金童顏幻彩面膜
JAYJUN係韓國整容醫院出既面膜，一向都係韓妹熱棒既面膜之選，最Signature既就係會配埋後續保養品，非常貼心架。
最近正式登陸香港既屈臣氏啦！

投入天然有機生活@Natural Organic Life (上篇)

早前家事、自身健康、公司等既壓力一齊黎，令我黎左個暗瘡大爆發>.<
今次都係揀左天然既產品去處理，而家冇再爆痘啦，開始處理緊D痘印。


NOL (Natural Organic Life) 係All-Ways 無添加天然專門店首個自家品牌，覺得太多的化學物質留在身體之內，對我們身體內部必定會產生副作用，鼓勵天然有機生活 (Natural Organic Life)。
主打以天然，有機材料為主，並以挑選有國際認証，認可的原材料為優先，尤其是擁有USDA，ECOCERT 這兩項國際認証，用以保証產品質素。

愛玩髮‧養出好質感髮質@MARC ANTHONY

Yandy本身髮質係偏幼又無力既類型，唔做任何造型既話係好似人地做左負離子既感覺，好順滑，超貼服既。
聽落好似幾唔錯，但就唔洗旨意有任何造型，因為由打底到完成成個造型起碼要搞個幾鐘，而且三小時之內會打回原形，就算係電髮都好，2星期內會變返負離子咁直，髮型屋直情拒絕做我生意>.<"
前年開始左漂髮後，髮質因為受損變得毛燥，但咁樣反而易於造型，個人感覺係開心既。


開始左漂左第一次頭髮之後，就開始不停轉換髮色，由短髮玩到長髮，不斷轉造型，普通出個街都會夾頭髮，終於Feel到有D卡頭髮啦^^"
係時候幫頭髮做下保養啦。

韓風夏季妝＠MAXgirl

過左半個夏季，唔知大家有無曬黑到？
Yandy今年雖然因為白蝕既問題，暫時唔敢同陽光玩遊戲，但係都有少少黑左，又唔用得美白住，今次呢Set野就幫到手啦！


MAXgirl係黎自韓國既品牌，包裝充滿玩味得黎用色非常搶眼。

穩定膚質＠肌美精‧低敏高效保濕面膜

我一向都少用面膜，但最近為左拯救我惡劣既肌膚狀態，的確勤力左好多。
除左將基礎保養都轉哂天然產品，亦加入保濕面膜。
其實我就唔係敏感肌黎架，不過而家係對抗白蝕既敏感時期，所以我揀產品都盡量小心。
肌美精專門為「敏感 x 缺水肌」而設既溫和溫和保濕低敏面膜，我用起黎就更放心。


♥ 低敏高效保濕面膜 (售價:HKD 68 /4 枚入)

Kiehl’s Loves香港‧藝術X創意X美食X環保X保養

我既Tote Bag形象唔知係咪太過深入民心？
收到Kiehl's送黎既Kiehl's Loves 限量版系列小驚喜，唔單止可以換新袋，仲可以去野餐同護膚：）

我的抗衰老之道＠瑞士Swissmiracle

我知道女生應該花時間好好照顧、保養自己，但係生活迫人，有時連照下鏡望下自己既時間都無，再加上熬夜、壓力、飲食不均...不良習慣都在加速著讓肌膚老化，我要求比較見效同簡便既保養，一步到位，全方位照顧肌膚需要既產品，而家要照顧埋我既白蝕，無幫助我唔介意，但至少唔好令佢擴散。

望住自己白蝕問題慢慢嚴重，心情好灰，但都係個句，仲有白蝕以外既肌膚要照顧，所以而家接保養品都會問得好清楚。

呢個係之前收到既產品，但望過成分都幾溫和，而且係瑞士品牌，感覺上安心，所以我都照試左。

Swissmiracle傳承瑞士引以為傲的活細胞科技，主力研究對抗肌膚老化問題，佢地既抗老精華配方，能夠提供展現肌膚健康、活力細胞所需的營養精華素，解決因年齡老化、環境侵害及現代生活壓力造成的肌膚問題。


♥ DNA基因活膚亮澤眼精華 (推廣價 $530/15ml)
♥ DNA基因活膚緊緻面霜 (推廣價 $590/15ml)
產品都係Made in Switzerland既。

最接近天然眼色既大美目＠FreshKon

男仔最驚女仔問既其中一個問題：「我今日有咩唔同呀？」

今次就想問下大家，「我今日有咩唔同呀？」
相信唔難發現身為眼鏡娘既我戴咗Con：）