2018年1月30日 星期二

空氣感SK-II 面霜‧無負擔冬日肌膚保養

身為Blogger,我最鐘意緊係試新野,識得我既朋友都知道我一有新產品就一定要試下既XD
今個冬天又俾我發現左一款絕世好Cream啦!

R.N.A.保濕面霜
SK-II R.N.A.輕盈立體緊緻精華霜 (HK$780 /50g, HK$1,140 /80g)

今年天氣時熱時凍,加上我既年紀都慢慢增長緊,肌膚真係有少少適應唔到天氣既變化,搞到出現脫皮既狀況,面頰仲乾到有D痛,真係咁耐以黎都未試過呀T^T

2018年1月28日 星期日

冬日亮眼妝‧dejavu冬日雪花限定版持久貼服眼線系列

近來既妝容我好鐘意畫偽雙眼皮XDD

收到dejavu全新冬日雪花限定版既持久貼服眼線系列,簡直令我畫得更加順心。

2018年1月25日 星期四

Kiehl’s Ultra Adventure‧新一年新挑戰!


2017年係充滿淚水既一年,係新一年新開始收到Kiehl’s 送黎既Ultra Adventure Kit,有可摺疊水樽、萬用刀、澳洲白茅小盆栽同特效保濕乳霜慈善限量版,為2018年注入滿滿既微笑正力量!

2018年1月24日 星期三

一連七日‧修復肌膚@ 「美肌職人」面膜

其實我一向係少敷面膜既,但之前可能搽左一段時間類固醇,皮膚差左,仲搞到毛孔好覺眼,所以見呢排得閒返少少,決定幫肌膚黎個小急救。


高絲Clear Turn全新概念面膜 「美肌職人」面膜
左: 美肌職人日本清酒保濕面膜
中: 美肌職人薏仁滋潤透白面膜
右: 美肌職人黑珍珠亮澤彈力面膜

2018年1月18日 星期四

水彩風春日彩妝@RMK

最近終於感覺到D溫意,又係時候物色一下春日個妝容啦:)

早前出值左RMK 全新「CHIC LIGHT SPRING」春日彩妝系列,以飄逸既水彩色為靈感,帶黎有如空氣般輕盈既妝感,即刻去體驗一下啦。

2018年1月16日 星期二

中藥‧內外調理‧治療頭部皮膚問題@德善健髮

[德善健髮]

所謂煩惱絲其實真係帶左唔少煩惱俾我^^"
Yandy頭髮一向比較薄同幼,岩岩算係解決左頭髮毛燥既問題,就到一直困擾住我既頭油問題。


最近認識左呢間以中藥藥粉處理其頭皮問題既德善醫療集團。
德善健髮療程百份百純正及一級上等藥材煉製成獨有外敷料,進行頭皮外敷治療,外敷治療是針對不同人士的頭部皮膚問題,如脫髮、頭瘡、頭油、斑禿、頭皮屑等,即時調配百份百純正的中藥藥粉處理其頭皮問題,中藥珍貴成份多達七、八十種藥材。

2018年1月14日 星期日

心動不如行動‧關於漂染的二、三事@boom salon

Yandy將頭髮留長左一排,又心思思搞下新花款。

今次就黎到旺角,主打女生髮型既Salon,等髮型師幫我轉下新Look:)
舖頭唔大,由花花連貫成個裝潢,特別係一入門口既花牆,影造型相真係一流。
我最欣賞係店內燈光有好好設計過,漂染時可以好清楚睇到髮色進行調整。
由兩位髮型師主理,當日就係 Gary Chan@Boom Hair親自為我造型。


其實我想係聖誕前搞搞個頭既,奈何聖誕真係忙到分唔到身,到我回過神已經過左聖誕啦XD
所以個頭真係慘不忍睹,個布甸頭同甩到MK金既髮尾,真係好orz...
我個人係唸住,反正個頭都已經衰到一個貼地,不如就玩盡少少,漂左佢,做我一直都想試既藍調,玩完一星期就剪哂佢,回歸短髮。

髮型師Gary就唔多捨得我岩岩留長左,話咁快又要剪,所以佢建議係漂染過程做好護髮部分,Keep到髮質同時滿足到我想玩色既慾望,咁Keep到長髮我又唔介意長髮多一排既:)
佢先幫我修剪整齊左髮腳。


然後就開始漂髮啦,主要漂既位置係髮尾位,Gary好細心咁係頭頂位置做左挑染,令之後既染色部分睇落更加自然流暢,漂髮既漸層效果亦做得好靚。
最重要係用左paimore既漂粉,唔傷髮質唔會漂完卡頭髮。
漂既時候都真係有D唔同,平時漂髮你感覺到漂粉搽上頭髮時都會卡卡地,但呢次真係好似搽Cream咁,順好多既。


漂完沖洗時,Gary仲幫我加左OLAPLEX,保護頭髮唔會變乾稻草,洗完吹返乾,個髮質好似仲滑過我未漂喎@口@
摸落係有輕微既既卡髮,但同我理解既漂完髮,有好大程度既差距,絕對係喜出望外呀。


漂完就到漂啦,Gary建議除左藍色之外,加入紫色加強層次感,而頭頂無漂既位就染個灰黑色,令成個髮色更統一變成冷色調,生出新頭髮亦唔怕布甸頭啦!
呢個設計真係為我度身訂造,下次無時間搞個頭都唔會太樣衰啦:)

染髮用既係日本LebeLcolour,色調柔和自然既霧粉感,唔會死死實實既。
我另一樣好安心既係Boom Salon會將用料係你面前即開即整,唔怕掛羊頭賣狗肉,帶保證得多。


話咁快就做好染色啦,淨係咁睇都已經好期待:)
雖然漂染真係坐到好攰,但心情真係好興奮又期待既,仲有少少不安XD


係時候睇成果啦:)
由灰黑色慢慢漸變落紫藍色,比我想像中更好睇呀>////<
染後仲會加多層Coat,鎖色兼固色,令髮色更持久,成個剪、漂、染講緊都係$1,380,抵!順帶一提,Boom Salon係用Dyson風筒架,真係又快又順,心思思又想洗下錢添XD


落完Coat,髮色更實鄭,Gary幫我即時夾左個曲髮,髮色既層次感大提升呀>////<
直髮乜都唔搞亦都幾有神秘感,成熟感UP+++


加埋花花牆做Backgroud,好有仙氣呀>////<


睇返個Before After,好似換左個人咁喎XDDD
留意返,個髮質睇落好多好多囉!!!
摸落都算滑,好輕微既卡,但絕對可以接受,冬天本來頭髮就係比較卡。


唔同Lighting下既髮色都有少少變化,係吸晴既,我好少係咁自拍架XD


Gary仲俾左D日常護理頭髮既Sample我返屋企用,keep到顏色過左一星期左右都仲見到有少少紫藍調,就算無Set曲都幾自然好睇。
本身預左染紫紫藍藍呢D色都係一星期左右貨仔,點知佢再慢慢甩多一星期望落有少少奶茶色,日日返工都有少少唔同色,好有新鮮感,仲想再玩耐D,我買左7日染色護髮素黎玩,漂左應該易上色D掛:)

玩完FB再報告XD
So Far染左兩星期我都仲覺得隻色幾靚,我覺得好幾抵玩呀:)

Boom Salon都仲有有其他服務,好似日本直療、負離子直髮等等既服務,有興趣歡迎查詢呀:)

Boom Facebook:https://www.facebook.com/GarychanHairstylist/

「產品及有關資料由品牌提供」

2018年1月10日 星期三

閃出韓式華妝光芒@LUNA X KYE

有留意開韓國野既朋友,相信對KYE呢個時裝設計品牌都唔會陌生,最近開架彩妝品牌LUNA同KYE就聯名推出左一系列彩妝品,實行由頭到腳都韓到底:)


LUNA X KYE 特別版彩妝系列
以金x黑做主調,閃爍艷麗,再加上一貫KYE既玩味風格,非常之咁搶眼。

2018年1月5日 星期五

日常妝轉換成亮眼派對妝容‧10秒鐘搞掂@shu uemura


當日仲係返工既日子,眼妝簡簡單單,但都花心機掃出太陽花睫毛。
咀仔平平無奇,成個妝無乜Focus,聖誕節無理由唔搶下鏡既。
臨放工收到shu uemura既lipsignature laque supreme漆繪水亮唇彩,救星到!
shu uemura絕對係信心保證,從來都唔需要擔心效果,即刻搽上咀去街街:)

Related Posts Plugin for WordPress, Blogger...