2016年4月7日 星期四

升級底妝成就春夏完美妝容‧RMK UV Liquid Foundation


最近終於都回暖啦:)
新妝容既詢問度超高,其實化妝方法無轉到喎,轉左既係新粉底XDDD
果然底妝就係成個妝容既靈魂所在。




Yandy轉左既底妝產品就係RMK,人人都讚好,但我一直都無用過既品牌。
今次一試之下真係不得了,咁多人力推既產品,的確係有佢優勝既地方。

專業調色底霜 RMK Basic Control Color (HK$ 180)
防曬水漾粉底液 UV Liquid Foundation SPF 50+ PA+++ (HK$ 370)


埗入夏季,最不管忽視既就係防曬,上妝前先用RMK長效防曬底霜打個底先,質地水潤得黎夠哂清爽,完全無防曬個種油膩感。


專業調色底霜 RMK Basic Control Color (HK$ 180)
把膚色調整至理想狀態,放大肌膚本身既透明感,平時自持皮膚唔錯,忽略左調色既步驟,簡單既一小步的確可以令成個底妝提昇到另一個層次。


手上係 #04珊瑚色,可以為肌膚加添紅潤感,質地水潤好推,有平滑膚質既效果。


防曬水漾粉底液 UV Liquid Foundation SPF 50+ PA+++ (HK$ 370)

終於到我最期待既粉底啦,三大專為對抗夏日而設既功能:
♥ 高效防曬度數SPF50+PA+++
♥ Lasting Film粉底配方,瞬間於臉上形成透明薄膜,大大加強妝容既持久度
♥ 蘊含RMK 護膚品既護膚成分,隔絕紫外線或冷氣對肌膚的傷害

山桑子精華及酸橙果皮精華為肌膚即時補充水分;
具抗氧化效果的巴西鼠尾草精華給予肌膚透明感;
能增加血液循環、同時具抗炎、抗氧化作用、有效收緊毛孔的迷迭香精華;
加上能全面滋潤肌膚的乳木果油,為肌膚全日保持水漾滋潤狀態。

質地方面感覺係比精華再水少少,推開會有霧化感,而且好輕薄,好似無搽野咁自然舒服,個人超鐘意既個質感。

用量好少就夠,延伸性很好,亂咁推都咁貼服,遮瑕力只屬一般,有需要可以再補遮瑕膏,但對我黎講都好足夠,夏天既底妝都係輕、薄、透最舒服,當然持久力亦係著眼點啦。

好鐘意妝效好有水漾、透薄既質感,粉底同肌膚好似溶為一體,膚色望落均勻有光澤。
重點係自然度極高,就好似天生素肌咁,仲唔洗上碎粉定妝添。

化返個日常妝,明明無做過咩特別野,成個妝容效果好似提升左咁,搶眼度up+

用左兩次,RMK UV Liquid Foundation已經成為我大愛既粉底液
最近Keep住日日用發覺佢持久度真係超級抵讚,平時午後我都會有少少浮粉/輕微既脫妝問題,用RMK成日連油都無點出,妝感去到夜晚都係咁水潤。

今個夏天,你都試下舒適感+清爽感兼併既底妝體驗啦。

「產品及有關資料由品牌提供」

沒有留言:

張貼留言

Related Posts Plugin for WordPress, Blogger...