黎緊去日本唸住睇櫻花，點知櫻花已經落得7788T^T
好在好姊妹送左櫻花色既卸妝膏俾我，睇唔到櫻花，但有好姊妹，仲有RMK，其實我都好幸福呀：）
RMK MOIST CLEANSING BALM 保濕卸妝膏 (HK$270/100g)
櫻花色既包裝，本身好驚粉紅色既我都幾鐘意佢，淡淡地，加埋白色，成個感覺好清新。
成分方面，第一眼見到有鯊烯油即刻唔想用>.<
我本身既工作係鯊魚保育，自己用鯊魚製品當然NO NO NO!
但望真D，原來係提取自甘蔗既鯊烯油，拍手!
鯊烯最先係鯊魚既肝油到發現，係人體既重要元素，皮脂上含量最多，同人體成分最相近， 很容易被人體吸收，不單可以補充細胞氧氣，加速新陳代謝、激活細胞、促進細胞再造，而且保濕功效特強。
但後來發現鯊烯係植物都揾得到，唔係一定提取自鯊魚架，RMK就用左甘蔗去提取鯊烯油。
對RMK既好感度同次提升XDDD
除左鯊烯，產品亦加入左橄欖油、乳木果油、芒果奶油、牛油果油、玫瑰果油等既精華油成分，卸妝同時做到保濕修護。
蓋子好有質感，而且係掀開式的，用落好方便，一隻手就可以開關，貼心：）
附有小匙係蓋底，感覺衛生好多，卸妝膏都係櫻花色，好靚啊。
而且打開有優雅既玫瑰花香。
等我用黎卸下RMK UV Liquid Foundation既妝啦XD
當卸妝膏接觸到肌膚會轉化成油狀，今次拎既份量好似多左少少XD
大約一粒提子既份量就夠啦。
慢慢係面上打圈，一邊卸妝，順便按摩。
之後濕手將化妝品同卸妝膏一齊乳化，再過一過水，乾淨哂。
同一般卸妝既過程都差唔多，落妝後感覺清爽又唔Dry，肌膚感覺軟軟的，Like!
最鐘意佢貼心既設計，解落非常順手。
成日有女仔問我：係咪唔化妝好D，我化左妝之後皮膚好似變差左>.<
通常問題就係出左係卸妝到，原來細問之下，都會發現佢地冇用卸妝產品。
一般清潔產品係做唔到卸妝既功效既，一般市面上常見既卸妝產品有卸妝水、卸妝油、卸妝乳，而今次用既卸妝膏係類似固體既卸妝油，卸妝能力強大，而且用量大減。
有時唔覺意，我都會玩到成手卸妝油，但用卸妝膏就更易於控制啦。
清潔做得好，皮膚都會跟住靚，我就覺得自己化妝之後D皮膚越黎越好，因為花多左時間同心機去卸妝，皮膚更乾淨清爽，自然越黎越健康啦：）
「產品及有關資料由品牌提供」
沒有留言:
張貼留言