其中一樣影響好深既係，要同美白講拜拜T^T
未成為白白之前，我一直都係鐘意同陽光玩遊戲既，美白幾乎係我既指定功課。
今個夏天雖然要避開陽光，但其實化妝品、塵埃、油煙、舊角質會係面上堆積，肌膚毒素排唔到出黎，就會加速老化，加上水份唔夠，肌膚望落就會變得暗啞>.<
唔可以美白既日子，我都要Keep住明亮膚色：）
詢時問度極高，好多朋友都已經係萬寧見到佢既縱影...
★ 明色 Premium 淨化排毒水 ($168/ 180ml)
★ 明色 Premium 濃厚復活水 ($228/ 180ml)
以開架黎講價錢的確有少少偏貴，但我用左一小段時間，真係覺得佢有D料到，仲非常切合我既需要。
★ 明色 Premium 淨化排毒水 ($168/ 180ml)
我自己本身膚色唔係黑，但望落硬係覺得好似灰左咁，有一段時間都好落力美白，但後來發現，美白未必有用，而且又比較耐先會睇到成果。
而家既我，亦暫時聽醫生話，遠離一下美白。
其實空氣染污物、微塵、油煙，仲自身既油脂、角質層堆哂係面到，當然灰左一層啦。
搽野亦都吸收得唔好。
呢個時候，簡單既排毒美肌，溫和咁清除D老化角質，徹底潔淨肌膚，就即時可以睇到效果啦！
卸妝洗面後，用排毒水浸濕化妝綿，打圈係肌膚上按摩，配合乳酸成分，軟化舊角質，溶解肌膚深層污垢，幫肌膚黎個大掃除。
清澈既花香味好舒服，加上保濕成分，抺完肌膚唔會Dry。
抺完張化妝綿會帶少少灰，但又不至於黃黃黑黑咁，感覺溫和。
原諒我既白白越黎越明顯，要化一化妝先敢上鏡。
我覺得排毒水最強既係用完肌膚即時有種透亮感，好似俾肌膚深呼吸左咁。
化左妝都感覺到肌膚既透亮度，一次去黃、減黑頭、去角質再補水。
而水收毛穴既效果真係幾見效，毛孔一下子收到好細好細，我而家清完黑頭都會用排毒水黎敷一敷鼻架。
★ 明色 Premium 濃厚復活水 ($228/ 180ml)
睇落只係一般既濃厚型化妝水，但其實佢有三個用法既。
用法:
更新導入液：作為潔面後第一個護膚程序，提升肌膚吸收力
高滲透輕乳液：潔面後立即使用，滲透至肌膚細胞，水油平衡
長效隱形鎖水面膜：作為晚上最後一個護膚程序，緊鎖滋潤成分
雖然佢比化妝水濃厚一D，算係比較稠身既水狀，一般我都會用完排毒水就直接搽上面。
特有既 Nanocube®技術，以微細保濕粒子打通肌膚管道，深入肌底，「輕乳液」同時亦係「導入液」，滲透度同保濕度極高，做到鎖水既效果，質感又夠清爽，好岩夏天。
如果開冷氣訓，可以臨訓前再搽多次當sleeping mask，唔會帶層野係面上要就住訓，但又做到高效保濕，唔怕俾冷氣抽乾水，朝早起身都咁水潤。
上妝前都可以用黎做急救MASK，早排肌膚搽類固醇搽到又乾又甩皮，上妝一副慘不忍睹>.<
即時拎枝復活水出黎用5分鐘敷返個Toner Mask，肌膚真係好似復活咁，上妝即時貼好多，甩皮位都無咁覺眼。
So Far兩款產品我都好滿意，特別係排毒水簡直係打救左要美白講拜拜既我，力推俾同我一樣唔可以用美白產品既SIS。
產品銷售點: 萬寧
「產品及有關資料由品牌提供」
沒有留言:
張貼留言