Yandy今年雖然因為白蝕既問題,暫時唔敢同陽光玩遊戲,但係都有少少黑左,又唔用得美白住,今次呢Set野就幫到手啦!
![](https://blogger.googleusercontent.com/img/b/R29vZ2xl/AVvXsEiLVRT-ptWLTRvX0nsI6Ye96XmVuJB-BApRqZkSGl4OnkizRfWjg56sdTshGz28rqVvlT6vJNJi9ZGDprFz7mdoxBsDwP_qpWPTR8vKrZYmMqFC68xU2FWPBmoPLd92nVH81fKlId2JnIg/s640/007.jpg)
MAXgirl係黎自韓國既品牌,包裝充滿玩味得黎用色非常搶眼。
![](https://blogger.googleusercontent.com/img/b/R29vZ2xl/AVvXsEher_ffoone21x7PloSW_kCOT7CdAzIdi0EH5kq2m9a62oUQa0ag9uyB8X1xVbCPo_zynSep8lvc3WwqIUAtZwGZQtPFeEiX51FyF39j8QvtcPn_d878t1gJ_ZytTK7uAnh-dUE_Ac3DOc/s640/008.jpg)
呢枝Whitening Cream係佢地既皇牌,佢一枝集合左妝前乳霜+隔離+CC Cream+素顏霜既功效,以植物成分自然提升肌膚亮白度,一搽上去好似白左一達咁,但佢慢慢會同膚色溶為一體,膚色睇落即時透白左。
實際試俾你地睇,我本身面係比身體白既,膚色有少少不均,睇落偏暗啞、灰沈。
直接將Whitening Cream搽勻全面同身體,面色明顯白淨透亮,身體亦都係,不過都仲有少少兩截色,所以最近我淨係將Whitening Cream用係身,完全解決左我兩截色既問題呀:)
大家可以因應自己既需要,搽係暗沉肌膚既位置,如手肘、膝蓋,達到美白遮瑕效果。
佢個質地係比較稠身既,搽既時候會有少少難推,不過一推開就好快爽身,蘊含煙酰胺、馬齒筧、尿囊素等養膚美膚成分,持續使用,更有美白滋潤、改善膚色既功效。
**如果天氣比較乾燥,或者你本身係乾性肌膚,可以用自己用開既乳液以1:1的比例同Whitening Cream 混合黎用,秋冬都可以Keep住白:)
![](https://blogger.googleusercontent.com/img/b/R29vZ2xl/AVvXsEiaA8zV9tApRwMayBccBgh2OJgwz_IJ7FKbwCxAyTjrmNo7qpsSQlQcD3M3R7-H4qFfw6N9AQYz0bBy4RQwvrUKEDHe_OJyGNmpZXzVgW8QjHxwGwwOaCXP1CjzMk28U6UxDzHTNOyIv7U/s640/009.jpg)
CC Cushion,強調無妝感同透亮度既底妝,特別鐘意佢既粉樸,比一般Cushion粉樸略厚,柔軟感同彈性都大大提升,接觸肌膚既觸感非常舒服。
![](https://blogger.googleusercontent.com/img/b/R29vZ2xl/AVvXsEiIC4Zf-QCm_2VxLABiyOh9Rg3bePbIr26eMxlqGm3j740_9HBCDUw2t8K62I4jdpDseAZcoJxKAg8lPnyB_GS5DDTWBmzQ1f0V5lfX9nc0cqGqk9KwNSm19HeXxLcLFuYQVzTDytoqT1Q/s640/002.jpg)
個粉既顏色都係稍為白左少少,不過透明感重,所以上面後既效果唔會好死白,透返自己本身既膚色出黎,效果我都幾鐘意。
帶淡淡花香味,Coverage唔算太高,但痘印只唔唔突起,基本上都遮得到。
最正係妝感非常自然,但又做到提升輪廓既效果,留意我鼻翼位置立刻輪廓有致。
上完妝好似天生BB肌感咁彈滑。
![](https://blogger.googleusercontent.com/img/b/R29vZ2xl/AVvXsEjsMY3VkwkAKiMXSXBpKLWSgupF-G07SLT3PFJpKuSrR_jGxn9ahcyn378kQ9xgQa90ihqFfb_3e_pmuoPp7vxgz_iMMQt9ve0TM4UTxbRfiQ704u1AhXJwMM-9xoOcknDyGtViU2BIMnI/s640/012.jpg)
畫眉我係比較鐘意用眉筆都刷頭既組合,三角型既筆芯可以好精細咁勾畫每條眉尾,對於我呢類眉毛不整既人特別合適。
![](https://blogger.googleusercontent.com/img/b/R29vZ2xl/AVvXsEgAwOJ5TSQmKwVqzo5EK-40CJpbGHHkOBsyVXYf5paAXwqBLxQqvmUvELwC37zeUGxM7YszfJmhzi80mdbblsOMwXVdSCd2LHWdLA8lHmTmJhLj70bTupBaml8YXs79bBs87HuADtWG41E/s640/005.jpg)
我一般會放平眉筆畫好底色同基本眉型,再用三角邊緣係眉頭、眉尾無乜毛既位置畫返幾條眉毛,令整體眉型更立體,最後再用刷頭刷鬆少少眉頭位置。
![](https://blogger.googleusercontent.com/img/b/R29vZ2xl/AVvXsEiM6kkCOMEm3gmsoLaI_jBqjSVlJ16-IY-w_Hog2Sm-uxGu2-Q12_71E2dgYFSvQSMsDiatXYXivS9B61ZEkIr9zaG6i309Jbhxsp2TCAyqaMr3pEQqr8kmemeweWf1fuyvoodVNDIP50c/s640/010.jpg)
呢個胭脂膏係我咁多產品之中既最愛:)
顏色係微甜既粉調,質感非常柔滑易推,而且唔易結塊,非常易於控制。
![](https://blogger.googleusercontent.com/img/b/R29vZ2xl/AVvXsEiMO5D2Ic1D8tuwSNdxi_mU8aj6zeppKBOgJ0JszTFKvS48CSuJR41m1BKyqAiOyTh1Qc-ogdmBntStK6adwO_Cinl168v9DcmNWuetE2pMcw2RQKaR8cM0zoUUjkXXGeRYyZbSMAx78c8/s640/003.jpg)
一般用胭脂膏我都會係手上印開少少先上面,呢隻,直接上就得啦,完全唔洗驚印到一達達,點印後好自然咁同本身肌色溶合,打造出自然粉嫩既胭脂效果。
![](https://blogger.googleusercontent.com/img/b/R29vZ2xl/AVvXsEjqmdc-SZ_-o1ENfvJfAnvk_UpqsSZZbfwM5WIxJ5NpHoP9OjRYhuoHjEb8bJBdu6XfiMIV5ZyonMC3Gpr3fEszEhEFflI_x9v1kZg-1fnJKwt6D-4pLjown4ukN5fNzCGmAo_W8OJDJ0Y/s640/004.jpg)
仲可以用黎做埋唇膏,令成個妝容更有完整感。
雖然就唔算太保濕,但顏色好自然架。
![](https://blogger.googleusercontent.com/img/b/R29vZ2xl/AVvXsEgx0Sn5F4YHR4MjFsDC0lVdNLxmcH37myvEObT8KW8JquJyLL7_KjQqMWKOylGzNfAjOHUad0YTNzV9I0BZtsDXuRydanRxQ4fW5uxeixBBsjpejgkXThYjUlvNCbwER95Laq2TtXo5EJE/s640/011.jpg)
眼影筆係萬用既白金色,好畫唔易起摺紋,打亮效果超強勁,唔係細緻類既閃爍效果,但非常吸睛。
![](https://blogger.googleusercontent.com/img/b/R29vZ2xl/AVvXsEjTn3T6I8Pis1zTSR2WmxiMJz7MD9SeiTL0FHUcUG8f5XInaLHGOhJwviNIDUsyMUPysSF-ze9ooufY57ArRlzemKZG_i28iH2t5QR1gM7pYrgEhdk5wxD_kCAutXmqkWWwAvA3_3yqEw0/s640/006.jpg)
我通常直接畫哂成個眼蓋當打底用,之後再搽既所有顏色都會爆閃架XD
今次我就加返之前出場既胭脂膏係眼尾,今年大熱呢類粉色調既眼妝呢。
之後補返眼尾既眼線,保持乾淨又明目既眼妝。
![](https://blogger.googleusercontent.com/img/b/R29vZ2xl/AVvXsEgoH0KKTgGMQZPReykQBryZnwy-jNbX-PJ4KVvdKuKf2X-IaQJiAVGKFL0zd5p37wKZI4hkCkw5vm9D54bU2axPRg2g9WUVI5WhSUNEpms8UCWsjGXWiBuCtBNioingtGhzawrUXobcnZ4/s640/013.jpg)
最後搽返唇蜜,我重點放係唇山同下唇中心位,加強唇部立體感,顏色帶少少倫紫既粉紅有助減淡唇色架。
![](https://blogger.googleusercontent.com/img/b/R29vZ2xl/AVvXsEhV4MRznIIYUYqoHOk0FFe9JLaFFV4PFN3jcGEhpaP52uKZ2qhg6f9LzSnf9SANeo-oz30wA8nyqCSHmjDu4w9sPfWz30ujBKgIexyekeSydFc3ibXbAj1UYGOQWZ6fl8wngWQDr8JMYHs/s640/014.jpg)
簡單自然又好有夏日感覺既妝容,今個夏天不妨一試啦:)
Maxygirl.com.hk
Maxygirl.co.kr
https://www.facebook.com/MAXygirlhk/
「產品及有關資料由品牌提供」
沒有留言:
張貼留言