相信愛美既朋友仔都收到風，日本彩妝品牌Eleanor已經登陸香港啦！！！
結合美妝與藝術既魔法品牌，「being Beautiful never goes out of Art」為品牌創作概念，認爲女性的美純粹而優雅，是外在美和内在美巧妙的結合。
為慶祝品牌正式登陸香港，Eleanor係銅鑼灣希慎廣場地下設置藝術彩妝玻璃屋，靚到以為自己去左歐陸式庭院呀>////<
有外表得黎，都需要內涵既，即刻用試下呢盒魔幻鑰匙粉嫩美妝組合。
一盒有化妝既基本所需。
♥ 啞緻防曬兩用粉餅SPF20PA++ ($358 /12g) *#01 亮白膚色
♥ 幻彩明亮四色胭脂 ($248 /8.6g) *#01 仲夏之戀
♥ 纖長捲曲睫毛膏 ($170 /6.5g)
♥ 閃亮豐盈唇膏 ($180 /3.4g) *#08 淺橙色
♥ 高顯色水潤唇膏 ($180 /3.4g) *#07 酒紅色
♥ 高顯色水潤唇彩 ($150 /5.8g) *#08 蜜桃粉紅
♥ 魔鏡 ($ 268 /1pc)
粉盒既彩繪非常精緻，真係好有藝術感XD
加埋包邊金屬設計，帶有淡淡古典氣息，再加埋魔幻鑰匙既設計，少女心完全爆發：）
粉餅配上粉樸，四色胭脂配上胭脂掃，非常貼心，無理由唔帶住出街吸晴啦！
♥ 啞緻防曬兩用粉餅SPF20PA++ ($358 /12g)
粉質都幾細緻，做到啞緻妝效，加上SPF20PA++，好岩夏天用黎補妝，#01 亮白膚色對我黎講就白左少少，所以睇落粉感比較重少少，好在佢帶01亮白膚色，02自然膚色及03健康自然膚色三色選擇，相信買返岩色號就會非常自然啦。
♥ 幻彩明亮四色胭脂 ($248 /8.6g)
個人私心推薦呢個四色胭脂，每一隻色都可以可單獨或混合使用，MIX埋亦非常自然。
色調、質感各異都有唔同，珠光色仲可以做埋打亮修容，簡簡單單就打造出立體胭脂效果。
共有01仲夏之戀，02秘密花園及03春櫻漫舞三色選擇。
手上呢盒 #01仲夏之戀，橙橘蜜粉色，感覺夠哂夏日。
P.S. 我之後亦試過用呢個胭脂做左今年好興既橙粉調眼妝，效果都好唔錯呀：）
♥ 纖長捲曲睫毛膏 ($170 /6.5g)纖長鬈曲，塑造娃娃美睫。合較短或扁塌睫毛使用
主打塑型纖維，質感輕盈既睫毛膏，特別設計刷頭輕易掃到短小的睫毛，尤其適合較短或扁塌睫毛使用。
眼睫毛一向弱小既我，當然要試下。
外型亦都係無得輸既，對呢個睫毛膏既表現我亦覺得好唔錯，掃三、兩下已經做到纖長效果，雖然捲曲度就唔太明顯，但來回掃都唔會結粒，根根分明既纖幼感覺令睫毛加添幾分秀氣，係我喜歡既類型。
♥ 閃亮豐盈唇膏 ($180 /3.4g) *#08 淺橙色
♥ 高顯色水潤唇膏 ($180 /3.4g) *#07 酒紅色
♥ 高顯色水潤唇彩 ($150 /5.8g) *#08 蜜桃粉紅
唇妝部分係Eleanor既強項，有三款產品。
睇到閃亮豐盈唇膏係偏向自然感，同自己本身唇色自然溶合既感覺。
而高顯色水潤唇膏就明顯帶水潤感，霧化唇紋既效果好明顯，顯色度亦好高。
再加埋高顯色水潤唇彩，唇紋完全被KO。
個人覺得日常用閃亮豐盈唇膏已經非常好睇，呢隻淺橙色亦好易襯，大部分日常妝都岩用。
放工有約會可以加埋高顯色水潤唇膏做個咬唇妝，重要場合加埋高顯色水潤唇彩加強光澤感就更吸睛啦。
Eleanor概念店：
銅鑼灣禮頓中心禮頓道77號禮頓中心地下網址: http://eleanor.world/
Eleanor 產品將於 Sasa Supreme 及指定莎莎發售。
「產品及有關資料由品牌提供」
沒有留言:
張貼留言