秋冬微光感小清新妝容‧LUNASOL

黎到秋冬，楓葉色眼妝X乾燥玫瑰唇都紛紛出爐。
而LUNASOL卻反主流推出【淨化妝容 Candle Night Collection】
以溫暖感光茫、明澄既發色，打造具有柔和妝感既冬日暖心妝容。


【LUNASOL Candle Night Collection】2017 Winter
♥ WARM CANDLE EYES 燭光雙色眼影組 (HK$340@) 限量3款
♥ DEEP ＆ SHINE LINER 閃爍雙色眼線筆 (HK$250@) 限量3款
♥ OIL LIP BALM 透亮潤唇膏  (HK$260@) 限量3色
♥ COLORING SOFT CHEEKS 柔色胭脂組  (HK$230@ *粉盒$100@、胭脂掃$70@分別發售) 全2款
♥ NAIL FINISH N 晶炫甲油N  (HK$140@) 限量3色




♥ WARM CANDLE EYES 燭光雙色眼影組 (HK$340@) 限量3款
我一向比較少幫產品影特寫，今次真係靚到忍唔到手要加返張XD
EX 01 Warm Coral我會形容係大熱楓葉色既柔和版，比珠光效果再多少少既閃爍度，形造燭光反映既微光感，而且失手度奇低，又唔怕眼腫，化妝新手都可以簡單畫出今期流行既眼妝。


兩色畫出最基本型既眼妝，層次感淡淡地非常順眼，附帶既眼影棉棒Size岩岩好，下眼影都畫得到。
用熟左仲可以加入楓葉色/啡調加強眼妝層次感，好百搭易用。


♥ DEEP ＆ SHINE LINER 閃爍雙色眼線筆 (HK$250@) 限量3款
不過我今次直接就用佢既雙色眼線筆黎做清新無害感既眼妝。
EX02 Deep Red x Pink Shine 個人超鐘意佢呢隻啡紅調，帶少少輕熟既感覺，又有放大效果。
淺色微粉感，用係眼頭都唔會太over，閃粉粒子比眼影多少少又唔會太誇張。


重點黎啦，用啡紅色眼線畫出雙眼皮既尾端，呢招係唔夠時間痴雙眼皮既殺手鐧黎架，雙眼皮即時更深邃，眼睛立體感大大加強之餘仲有放大效果。
淡粉個邊用黎打亮臥蠶同眼頭位置。


眼妝望落柔和，但同時做到放大感，搽埋睫毛液，眼仔感覺好精靈。


♥ COLORING SOFT CHEEKS 柔色胭脂組  (HK$230@ *粉盒$100@、胭脂掃$70@分別發售) 全2款
01 Beige Red 我會形容係帶微閃感既水彩色胭脂，顏色好通透，唔會好粉感，三隻色打造層次同光感，顏色非常百搭。


望落好似有閃粉，但上面會變成薄紗一般既反光感，上面既效果似有還無，好似綿花糖既胭脂色，一試愛上。


除左胭脂，我都好鐘意用佢最淺個色做打亮，絕對唔係一行閃粉既打亮效果，而係有種迷霧感既透光感，非常吸睛。


♥ OIL LIP BALM 透亮潤唇膏  (HK$260@) 限量3色
EX03 Tint Bordeaux 唔好睇佢顏色好似好深，搽出黎係半透明色，有色潤唇膏咁，但發色平均，唔會搽到個嘴仔一達達。


搽上嘴感覺潤身得黎好輕薄，柔和既光澤感令唇紋隱形，帶出淡淡既好氣息，色調有輕熟感得黎又自然易接受，係近期非常深得我心既一枝>////<日日都帶住出門架XD


♥ NAIL FINISH N 晶炫甲油N  (HK$140@) 限量3色
加入左GEL甲行列之後的確係少用左甲油，但我對呢隻藍色都幾滿意。
EX67 Blackish Blue 望落好似好深好難handle，但搽上手非常顯白，不過對於比較粗魯既我黎講，甲油始終比較易甩。


整體妝容效果我超級鐘意，成個人感覺好Fresh，但感覺依然冬日，果然LUNASOL出品都很合我既口味，對於呢個【淨化妝容 Candle Night Collection】有講唔出既愛：）

更多產品資料：http://kanebo-hk.net/chi/lunasol/xmas17collection/

「產品及有關資料由品牌提供」