除左眼線、眼影，睫毛對眼仔既放大效果亦係非常顯著既。
所以好早開始，我已經有用睫毛增長既產品。
當中最見效既係原本用黎治療青光眼既藥水，用幾個星期已經會睇到睫毛明顯增長，兼粗壯左唔少。
不過呢隻藥水係希副作用既，眼球有機會出現紅血絲，眼周會好似有一圈黑眼圈咁>.<"
所以一段時間之後我就冇再用啦，睫毛亦都打回原狀T^T
不過最近成日聽到孕睫術，幫你孕育出屬於自己真正既睫毛。
聽到好心動，我自己亦係學完半永久化妝之後，去左學埋「孕睫術」。
完全係驚喜：）今次就同大家分享下我既成果啦!
係療程前我既睫毛平均只有3-4mm，係比一般亞洲人既長度短左一倍。
天生對眼就比人弱，但係我做左2組(合共8次)既孕睫療程，最終既睫毛長度有成5-6mm，去返一般亞洲人既正常長度呀!!!而且毛量多左幾倍，濃密左唔少，係之前用過既咁多睫毛產品都做唔到既效果。
而我本身係幾乎完全睇唔到既下睫毛，亦都有無變有。
我嘗試過想影個Before，不過真係毛都睇唔到^^"
有呢個效果，對我先天不足既我黎講，已經非常滿足。
就算唔用尺去度，就咁肉眼都睇得到效果。
所謂既孕睫術其實係利用激活因子激活返休眠既毛囊，其實都係一般我地會搽係睫毛既增長液，我以前都分享過試用係有效果既，但有幾有效就要睇個人既吸收能力，亦都需要比較耐既時間。
但後來經過不斷既技術改良，發現利用納米晶片，打開睫毛根部的吸收通道，連同激活因子同生長液補充睫毛所需要既營養一齊做導入，就可以令吸收效果UP+++，真正發揮到激活因子既作用。
而且最令人滿意既係，激活左既睫毛係周期性既掉落後，重新生出黎既睫毛依然同孕睫後一樣又長又黑又強壯，因為孕睫術係真真正正激活毛囊本身，而唔單止係睫毛。
呢盒就係我今次用既孕睫產品，韓國製造。
HK$3,300/ 4次送埋家用睫毛精華 (原價: HK$3,800/ 4次，不包家用睫毛精華)
左邊兩枝就係激活因子，需要專業人士利用納米晶片，製造出輕微既皮損。
另外三枝就係自家可用既睫毛精華。
其實過程非常之簡單，只要清潔消毒好眼周附近，搽上激活因子，美睫師就會利用納米晶片係睫毛根部點印，過程會有少少吉吉地，但絕對稱唔上痛。
上、下睫毛來來回回做6-8次，大約10分鐘內就已經完全成個過程架啦。
一星期做一次，基本上四星期至八星期已經睇到非常唔錯既效果。是乎個人需要
自己返到屋企就搽呢三枝睫毛精華，不段補充睫毛生長所需既營養，令新、舊睫毛都茁壯成長。
一早一晚係搽係睫毛根部，中間白色個枝早、晚都搽係睫毛上，仲可以當睫毛打底用架。
做左4次療程，美睫師幫我用超級勁既顯微鏡睇返睫毛既狀況。
見到好多新生既毛髮慢慢長大緊，真係非常令人震奮：）
療程期間，美睫師知道我自己有學過孕睫術，所以就俾我自己試下幫自己做。
不過過程都需要唔少技巧同有一定危險性，建議都係交返俾美睫師做，既方便、又快捷。
我冇轉睫毛液，係孕睫既過程中我一直都有寫化妝文，拎返D眼妝Close up黎睇。
由左上搽完都唔多覺我有睫毛，去到右下，睫毛真係越黎越長、越黎越密，連下睫毛都見得到呀。
不過講到咁好，孕睫術都有佢既極限，激活因子可以做到既只係激活返休眠既毛囊，你本身既基因已經決定左你有多少毛囊，毛囊既數量亦都決定左毛髮既數量，所以佢只可以將你本身既睫毛做到最多、最黑、最長、最粗既狀態。
紅血絲、黑眼圈亦都完全無出現，唔傷肌膚、無藥性、無痛，種植個人專屬睫毛。
不過種都需要D時間既，而家開始，1-2個月就可以養出靚靚睫毛啦：）
不過種都需要D時間既，而家開始，1-2個月就可以養出靚靚睫毛啦：）
「產品及有關資料由品牌提供」
沒有留言:
張貼留言