2015年8月14日 星期五

搶哂鏡--> Singsing Rabbit X Will Or「It’s Brush Hour」

點解大家可以咁眼利?
上一篇shu uemura haute street 街頭藝術妝,無錯呀!我係換左新化妝刷呀XD
痴線架!!!居然發現到@口@

其實呢Set新刷又真係幾搶眼既,但搶眼到搶左我個妝T^T

我有少少唔想介紹佢...

其實我就係用左呢個Singsing Rabbit X Will Or「It’s Brush Hour」套裝專業化粧掃 $368



整組刷具內含粉底刷、鬆粉刷、眼影刷、唇刷、眉刷等共7支刷。
基本上已經可以Handle到大部份既妝容需要架啦。
外型用左粉紅X黑既配搭,可愛得黎都幾女仔。
配索袋雖然係幾方便,不過用完放返入個袋到成個袋就污糟哂T^T

傷心事唔好講,都係講返D掃啦!


一黎緊係試下個濕粉掃啦:)
Size同一般濕粉掃既刷頭Size係差唔多既,係枝桿短身D,用黎上底妝都幾順心,毛量唔算太厚,都拖得幾薄,不過要溫柔D上,唔係會起掃痕架。以旅行掃黎講,合格有凸啦。


碎粉掃同胭脂掃就偏細左少少,但太大枝又真係唔方便帶既。


毛量就幾夠豐厚同鬆軟,抓粉力都好唔錯。
碎粉掃用黎上胭脂就完美啦。
Well~如果你用定妝噴霧咪可以囉XDDD

眼部用既掃有3枝,我個人鐘意用毛量再豐厚少少既眼影掃做窩位,但出門旅行將就下都OK。
中間個枝我幾Like,可以用黎畫返眼影既輪廓位,做臥蠶位亦得。
最後斜角掃就令我有少少失望啦,毛量比較疏,好影掉粉,不過我飄左眉都無需要畫眉,用黎補下眼影色啦。


大範圍做眼窩,中間鈎畫輪廓,斜角掃我就咁用黎印返少少下眼影既漸層啦。


反而呢枝唇掃幾好上色,又易控制,有埋個蓋好衛生。


雖然唔係枝枝掃都岩哂心水,但For帶去旅行用都幾方便,咁樣一Set應該化咩妝都夠哂啦。


各大LOG﹣ON及Elite makeup Hong Kong有售

「產品及有關資料由植村秀提供」
Related Posts Plugin for WordPress, Blogger...