2015年8月10日 星期一

MY shu uemura haute street 街頭藝術‧色彩X線條の活力妝容

收到shu uemura都好一陣子>.<但忙到痴哂線,終於Bi到D時間出黎玩玩妝。
所以今次就用痴哂線黎做我創作既靈感啦!!!(大誤)

shu uemura vision of beauty 彩妝系列既第二章,haute street 街頭藝術面世啦:)
今次既目標係要帶出活力同色彩。
就等我試下創作充滿色彩同線條(痴哂線)既活力妝容啦:)




限量版街頭藝術眼影組合haute street palette HK$ 480 / 2 款色調 (cool x chic /warm x vibrant)

一盒有齊自然色調至鮮明珠光藝術色既6色眼影盤,以啞緻洗水質感既啡色輕易勾畫雙眸輪廓;眼影主色係帶灰調既,岩哂好易眼腫既亞洲人輪廓,彩暈染後帶出深邃效果;仲有珠光質感既鮮明藝術色調,創造專屬的特色妝容。
混和眼影主色,仲可以輕鬆塑造典雅秋冬造型添。
完全無唸過6隻色就可以化到自然妝、藝術妝同秋冬妝,好無敵。

第一次,緊係試左藝術妝先啦:)
看圖識字啦,今次用黃同橙MIX成條狀,扮扮哂graffiti咁,個妝係咪即刻帶街頭藝術感呢?
大家都知我眼腫到爆,用返帶灰調既眼影主色係眼既後半部,即刻消腫。
粉紅色?!又洗乜驚喎。
最後用啞緻洗水質感既啡色畫返上下眼線位,加強返眼部輪廓,咁就完成一邊眼啦。



街頭藝術最正就係乜都有,唔洗下下兩隻眼都Balance既,另一邊眼呢,我就用呢兩款產品啦!
限量版雙頭眼彩筆 eye color pencil HK$ 210 / 2 款色調 (cool x chic /warm x vibrant)

全新限量雙頭眼彩筆的色調猶如油漆般鮮明豐富,讓整個街頭妝容更顯高格調的時尚韻味。除了可以鮮明色調勾畫眼線,亦可跟相近色調的眼影混合使用塑造漸變效果,或者先以雙頭眼彩筆作眼影打底,再加上眼影令效果更顯色。


限量版炫彩防水眼線筆drawing pencil HK$ 190 全新限量2色 (M violet / ME brown)

持久不脫色防水配方,加上柔滑膏狀質感令描畫線條更順滑流暢,並有效防止色彩脫落、缺損及弄污,能大膽勾畫或精巧描畫前衛街頭風格的自然眼線。

另一邊我就照用返帶灰調既眼影主色幫隻眼消消腫先。
之後用M violet色炫彩防水眼線筆填滿下眼尾既三角位,放大隻同時又唔會搞到隻眼黑蚊蚊,影響左我充滿色彩既妝感。
之後就到限量版雙頭眼彩筆出場啦!
畫兩條長條型既色塊,好似貼左彩色膠紙既感覺,呢枝筆用起黎好似遮瑕筆,好好畫好上色,如果真係好嚴重手殘就是但搵張紙畫啦,咁條邊就一定直一直。

眼網完成,有時化妝真係可以好似街頭藝術咁,隨意D,隨時有驚喜架:)

限量版絲滑胭脂唇蜜 tint in gelato HK$ 220 / 4 種色調

4款限量色調加上獨特膏狀配方,可以塑造或透薄或豐盈既層次,極致豐潤或者柔和啞緻都任你揀:)
手上既係改street rose色,係好繽紛感覺既顏色。

第一下,我放左上鼻,好隨意咁抺左一下。
自然而來既藝術感XD

之後先用手指係胭脂位到印開,俾返面頰繽紛好氣息:)

限量版rouge unlimited唇膏及rouge unlimited豐盈閃亮唇膏 HK$ 220 / 共4 款色調

2款不同質感、4款限量色調的植村秀經典唇膏,能為時尚街頭妝容畫上完美句號。
我手上係都市霓紅city neon,歲月磚紅brick burgundy。


都市霓紅city neon係偏向自然感既唇妝,有通透感得黎Coverage好好,粉色女仔最鐘意架啦!
重點係呢隻粉色好Trendy,Pink得好Fashion,好易Carry唔老土,仲好襯到今次個妝,活力出哂黎:)


歲月磚紅brick burgundy俾我既感覺就比較成熟,係好有韻味既個種成熟感,我最近日常妝成日用佢。
呢隻比都市霓紅city neon再令身少少,用黎化韓式花瓣唇都好岩用架。

兩隻唇膏都好透薄,上嘴感覺好舒服,個色都Keep得好好,最緊要係唔會黏住黏住。



上次shu uemura vision of beauty 彩妝系列既第一章brave beauty勇の美將重點放左係底妝到,黎到第二章,haute street 街頭藝術就開始為一張面加添活力同色彩。
希望大家鐘意我呢個充滿色彩同線條既活力妝容啦:)

vision of beauty 彩妝系列 第二章 haute street 街頭藝術 29 July 2015 於shu uemura專櫃發售。

shu uemura Facebook Fan Page連結: https://www.facebook.com/shuuemura.hk
shu uemura網頁連結: http://www.shu-uemura.com.hk
shu uemura 微博: http://weibo.com/shuuemurahk
shu uemura Instagram: http://instagram.com/shuuemurahk#

「產品及有關資料由植村秀提供」
Related Posts Plugin for WordPress, Blogger...