火熱W-POLISHED SUMMER 夏日美妝分享會＠ADDICTION

日本人氣度非常高既ADDICTION，上年進註香港時已經引起一陣熱潮，今次Yandy就黎到中環分店，參加W-POLISHED SUMMER 夏日美妝分享會，由ADDICTION專業化妝師教授夏日美妝重點和如何打造精緻輪廓。

未上堂先興奮，一入到店已經俾99色眼影吸引左，係ADDICTION最最最剎食既皇牌，色調柔和而通透，可以做到層次多變既漸層效果，仲有齊啞緻、珠光、金屬、絲滑質感，一定要試。

仲可以自己組合，保證每一粒眼影都用得著，加埋胭脂、光暗影都可以，一盒屬於自己既眼影。

其實除左眼影之外，我無用過ADDICTION既其他產品，趁呢個分享會好好感受一下。

夏日美妝既重點絕對唔可以忽略一個完美既底妝。

♥ADDICTION 防曬霜SPF50+/PA++++

先用無色透明、水漾質感既防曬霜打好個底，水潤既質地，唔化妝都可以直接當防曬用架。

♥ADDICTION 調色防曬粉底霜SPF50+/PA+++ 

結合防曬、妝前底霜及粉底3大修護效果，一支就能輕鬆地完成底妝既粉底霜，霧面妝感，遮蓋毛孔、凹凸粗糙同膚色不均等問題有效果非常優越，妝容唔單止有種素肌感，仲有種清爽健康既光澤感。有5種色調選擇。非常心動想入手既產品。

♥ADDICTION 完美遮瑕套裝
專業三色套裝。可以遮黑眼圈、痘印同瑕疵，仲可以用左上個格做光影。質地細滑，推開變成柔焦效果粉體，唔需要定妝架，非常方便。

上完個底妝定一定妝，又一令我心動既產品。

♥ADDICTION 蜜粉餅
非常少有設計成粉盒Size既碎粉，Size比起一般Cushion仲要薄身，加埋又厚又軟既粉撲，好岩帶出街補妝，粉質細緻，仲好有透明感。蘊含皮脂吸收粉體，妝容更持久，妝感更清爽。

完美底妝完成，黎個點晴。

♥ADDICTION 胭脂液
岩岩推出現隻全新色調， 係創辦人AYAKO傾心獨家研製既明星產品黎架！
平時既胭脂液唔快手推勻好易搞到一達達，但ADDICTION 胭脂液放耐左依然好易推開，仲唔會一個「烘」，如果你唔識用胭脂液，由ADDICTION 胭脂液開始輕鬆升級啦：）

個人試過後推薦#13係帶粉嫩色既自然Highlight色
#14係無珠光既輕熟女裸粉色，淡淡既自然好氣息，非常適合Everyday Makeup
如果你喜歡搶眼妝容既話，推薦你試下#12閃耀著金色珠光既珊瑚橙，好似將一抺黃昏美景咁醉人吸晴：）

夏天一條唔會溶到變熊貓既眼線非常重要：）

♥ADDICTION 色彩眼線筆
筆觸柔滑，眼線順滑緊貼肌膚，濃密發色，妝效持久，我試過係手的確係幾好畫，不過甩唔甩就真係要試上眼先知，但幾鐘意佢有埋眼線棉棒頭可以用黎Blend返鬆個線條。除左基本色，仲有一系列CHIC別緻色彩，色澤細緻，想玩color eyeliner既話係好選擇。 

今年繼續My Lips But Better風，呢隻唇膏相信大部分女仔都可以輕鬆駕馭。

♥ADDICTION 透亮唇膏
唔好俾佢既顏色嚇親，望落好似好實色咁，但一搽上嘴其實係透明感高既清澈色調。
怕粉紅色既女仔可以好似我咁試下#009既透明桃紅粉，時尚得黎夠自然，係今年夏季既大熱色黎架。


最後唔好唔記得要幫指甲們著返件靚衫：）

♥ADDICTION NAIL POLISH
上個月先岩岩推出既甲油系列，護膚品級呵護你既指甲，5種新穎質感、47種色調俘虜四周既視線。

New York Style色調、配合完美光澤感、速乾度令人期待。

去完呢場W-POLISHED SUMMER 夏日美妝分享會，真係有種引火自焚既感覺^^"
不過好既產品唔怕試，我都入手左少量彩妝，好用既就再同大家分享啦！

ADDICTION Website：http://www.hk.addiction-beauty.com/cn/

ADDICTION FacebookPage：https://www.facebook.com/addictionbeautyhk/

「產品及有關資料由品牌提供」