延長快樂減少衰老的秘密‧NUXE 全新牡丹睡蓮活膚褪紋霜

秋冬季，我開始鐘意用返D潤少少既野。
清爽既產品夏天用都仲得，一轉季就覺得皮膚好乾燥啦。
有時個樣呃得人，皮膚會令你知道咩叫歲月XD

今次試既係

NUXE Nirvanesque®全新牡丹睡蓮活膚褪紋霜 (HK$428/ 50ml)

對NUXE我係幾有信心既，用過佢幾款產品效果都好好。
成份天然，加上香味清新舒服，一直都係我愛用名單之一。



秋冬季就以牡丹睡蓮做主打。
Nirvanesque®系列適合肌齡30-40歲人仕，屬滋潤度較高的產品，更有舒緩緊張的效果。
不自覺既表情紋可是引起細紋既主因呀。

產品用上四大專利活性植物成份：
藍蓮子、蜀葵根、罌粟籽: 抑制壓力信號釋放，減少肌肉繃緊，有效舒緩肌膚緊張狀態
牡丹萃取物Tree Peony: 紓緩、放鬆神經，更令肌膚表面平滑，撫平細紋


完全格絕空氣既包裝令人好放心。


打開來就聞到淡淡既清香，個人好喜歡NUXE既香味。
天然又帶有清香感，唔老土，淡得黎岩岩聞得到，塗上面後似有若無既感覺令人好放鬆。


淺肉色既乳霜，質地好幼滑，推開既感覺好柔滑。
帶有小小黏既感覺好鎖水，皮膚即刻好有光澤，有種飲飽水既飽滿感。


一D比較潤既乳霜，質地都會較厚身，比較難推開。
牡丹睡蓮活膚褪紋霜既質地係好輕身、好易推，唔會對皮膚造成拉扯。
加上保濕及抗皺功效，成熟肌一定會喜歡的。


Touch Wood都要講句，我仲未有紋(眼紋另計啦)，但防患於未然嘛。
紋出現左就好難救，唔俾佢出現係最好既解決方便。
只要皮膚接受到，早少少用抗皺產品其實係好事，咁當然你又唔洗即刻幫個B塗抗皺產品。
我建議係25歲左右啦，皮膚肌能開始減慢，就要開始著重抗衰老方面既保養啦。
最後，都不得不提，Keep住皮膚靚靚既秘訣係要心情靚靚。
你睇下我幾童顏就知啦XD

「此試用品由 NUXE 提供」