2015年9月20日 星期日

化妝品轉季‧SHISEIDO MAQuillAGE 2015 Autumn Winter秋冬彩粧系列

最近已經開始有少少秋涼嘅感覺,又係時候幫我嘅化妝品轉季啦:)
今次收到嘅係SHISEIDO MAQuillAGE 2015 Autumn Winter秋冬彩粧系列。
SHISEIDO MAQuillAGE Dramatic Mood Eyes (眼影) HK$240
SHISEIDO MAQuillAGE Lasting Foggy Brow (眉筆) HK$180
SHISEIDO MAQuillAGE Dramatic Melting Rouge (唇膏) HK$240

外型金光閃閃咁樣架,好有秋天嘅氣氛呀!




就由眉筆開始講起啦,我對眉筆嘅要求其實都唔算好高嘅,只有顏色啱、筆頭夠幼細,我就滿意架啦。
有效防水、防暈染,都Keep到成日。
呢枝眉筆嘅後面,有埋眉刷,對我來講方便度十足。


都係果句啦,雖然我已經飄咗眉,但係化妝嘅時候我都會畫眉架。 始終每一期流行嘅眉型都唔同,襯返唔同嘅妝容,都會改畫返啱條心水眉架。

而家咁流行韓妝,咁梗係要畫返堂一字眉啦。
填補返眉上下嘅空間,再用刷頭刷返鬆眉頭位置,其實已經畫完架啦。
不過我都習慣落返少少眉Gel,等堂眉冇咁深色。

之但係,我個齊陰永遠都遮左堂眉,有時我都唔明點解自己咁堅持要畫眉XD

嚟到眼妝嘅部份,SHISEIDO MAQuillAGE Dramatic Mood Eyes 眼影一向有信心保證,全新5款色調,粉末依然咁完美貼服。
而今次最特別嘅地方並唔係眼影本身,而係呢支上翹形眼線刷頭,見唔見到佢係微微向上斜呢,陣間再話你知點樣用啦。

首先我哋都係要話好眼部嘅輪廓,跟住眼影上面嘅指示就可以架啦,相信難你哋唔到嘅。 
繽紛色調配合自然系色調,帶出輕柔飄逸嘅光感漸層效果,顏色混和得好自然,動人光芒似有若無,好吸晴架。


然後眼影棒出場啦,將佢水平咁樣放係隻眼前,微微向上嘅呢個位置,就係你最靚嘅向上翹眼線位啦。

即刻用另一邊嘅斜角掃,點返全新研製嘅眼線啫喱,順着呢個向上斜嘅位置,畫返條靚靚上翹眼線先啦。
如果好似我咁,眼仔比較細嘅話,可以畫埋下眼角三角位,提升淑女性感神秘嘅眼神。


兩雙眼都係咁做,度住咁畫就唔怕唔Balance:)

平時出街嘅話,咁樣已經好電眼架啦,不過我今日就約咗朋友去海洋公園哈佬喂XD
都係搞搞新意思,化個搶眼小小嘅,眼型輪廓更深邃、比較有層次感嘅眼粧就最好不過啦!


用返畫眼線嘅眼線啫喱,轉返啱啱用黎度眼線位嘅嗰邊頭喎。
畫到雙眼皮為期一半,快手用啡金色係佢嘅邊緣位掃一層,再用淡紫色填滿成個眼窩,最後用幻彩藍色,做返眉骨嘅輪廓位置,一個超有層次同立體感嘅眼妝就完成啦!

最令我驚喜係,我早上返工前化妝,玩完海洋公園哈佬喂返到去都差唔多凌晨,個眼妝Keep左成17個鐘依然色彩鮮明,同完妝時一樣咁色澤分明,連眼摺位仲冇點甩,勁呀!


一個靚嘅妝容,一定唔少得一個靚嘅唇。
Dramatic Melting Rouge全新秋冬4色,主打性感魅惑的唇粧。
咪睇呢隻唇膏紅噹噹咁,就以為好難handle,其實搽出嚟係半透明架。
顏色夠有秋冬味得來,又唔會太難襯。
精華油會形成豐盈光澤膜層,密貼雙唇,令唇妝持久柔潤亮澤。
補濕修護成分,有效修飾唇紋,塑造柔滑美唇效果。

如果想唇色再Lady D,出得下大場面嘅話,只搽完下唇後停留2秒,等體溫溶化唇膏豐盈嘅精華油,然後再搽多次,就可以造到鮮明唇色架啦!


係咪成個感覺都轉哂季呢?

全新MAQuillAGE 2015年秋冬彩粧系列將於2015年8月21日於香港及澳門全線SHISEIDO專櫃有售。

官網: http://www.hk.shiseido.com/
Facebook: http://www.facebook.com/SHISEIDOHK
「是次產品由theZtyle.com提供」
Related Posts Plugin for WordPress, Blogger...