2015年9月29日 星期二

High Tea食呢D先夠High!

冇啦啦開大餐XD
話說約左某日去海洋公園玩,時間又太早,於是Join左朋友黎個High Tea:)

呢個Tea堅High架XD
唔係平時食個D cake咁簡單,係fusion西餐High Tea!

係尖沙咀既CHEF STAGE de Eddy Chu,對住個海景食Tea,所以住窗邊有著數呀!

登登!頭盤先上!

生蠔、蟶子、鮑魚,帶子,仲有大蝦,睇到都流口水呀!!!
咁既陣容都係$500有找,不得了!

你睇隻生蠔大過我隻手,我食左濃味個款,淡淡海水味加少少鐵味,最正係夠鮮味,好Juicy!

蟶子好爽口,脆身有咬口。
鮑魚醃過架,幾特別,而且好有味道同咬口。
大蝦唔痴殻,啖噍肉!

帶子配埋個蜜糖麵豉汁太好味啦,忍唔住要Encore:)
個汁點形容呢?有少少花生醬既香味,但又有少少咸味,少少甜,加埋帶子鮮甜肉嫩,我食左超多!

再黎係西班牙48個月橡樹果級別黑毛豬風乾腿,淨係個名都夠哂勁啦XD
唔似一般HAMS得個咸味,好有果香,味道慢慢滲出黎,超正!
菠蘿我就冇配啦。

海鮮黑毛豬肉骨茶,好特別啊!
肉骨茶本身都幾好飲,加埋海鮮中和左陣苦澀味,多左份鮮甜味,必試!

對比之下個黑松露磨菇湯就冇乜特色啦,不過濃郁既黑松露味搭救,菇味同黑松露味都飲得到,互相輝映。

食西餐食到有BB鴿都係第一次XD
外層香脆,肉嫩又Juicy。

松露煮日本年糕係呢到既必食推介,梗係點黎試下啦,好香好Creamy,但年糕好少,一人兩舊冇左,有少少唔多夠喉。


最後以美國熱脆薄餅卷配雪糕作結。
外層好香口又唔霖,入面包既好似係香蕉? 
但食落似係吉士,總之好味XD
呢餐High Tea夠哂High啦掛?

呢間餐廳既食物都好有特色,加埋fusion元素,好多野估你唔到,創意+新鮮感都有齊。
最正係價位好親民,一般西餐價錢就食到酒店級既創意同味道。
抵! 值得一試。
Related Posts Plugin for WordPress, Blogger...