2015年9月17日 星期四

88細紋‧shu uemura 黃金琥珀的秘密


shu uemura time :)
次次收到shu都咁令人興奮呀!



聽講今次仲勁創新,同同米之蓮推介餐廳AMMO合作,推出左以ultime8黃金琥珀護膚系列為主題嘅黃金活肌下午茶。
係以黃金琥珀色同「吃出好美肌」為創作靈感嘅優雅英式健康下午茶黎架。
$308,兩位用,又幾抵食喎!
想試嘅朋友仔,就要快啲預約啦,推廣期由2015年9月1日至10月11日咋。

金鐘正義道9號亞洲協會國際中心
訂座電話:2537 9888
Website : www.drawingroomconcepts.com
FACEBOOK:AMMO Hong Kong

新意呢,又點會咁少呀?! ultime8黃金琥珀香薰出場!
黃金琥珀護膚系列除咗精油精華同潔顏油之外,仲有呢個黃金琥珀味嘅香薰啊。
等我聞住黃金琥珀味,試黃金琥珀護膚系列先:)

ultime8黃金琥珀潔顏油 (HK$370/150ml, HK$910/450ml)
8大草本活肌精華油,將潔顏提升至極致奢華香芬Spa享受,發揮最高水準嘅透徹潔淨力同護膚效果。
潔顏油係面上推開時嘅絲滑、柔軟感,加埋令人放鬆嘅香氣,落妝都好似做緊Spa咁呀>////<
當然不澀眼啦,乳化埋過水,感覺超乾淨!
仲解決埋8大基本肌膚問題添:)

ultime8黃金琥珀精油精華 (HK$890/30ml)
新推出嘅精油精華真係不得了,賦活能量配方含有8大精純活肌精華油,提升返肌膚水分含量及鎖水能力,加入天竺葵精油,傷口會復原得快D架。
淡淡嘅香薰治療對抗焦慮、抑鬱同埋壓力,仲有抗衰老效果。再用抗衰老因子刺激細胞再生,增強肌膚彈性同活力。

上妝之前用黎按摩肌膚,即時可以提升肌膚狀態,搽嘅時候非常柔潤,好似絲絨係肌膚上滑過嘅感覺,吸收快之餘,仲好鎖水添, 調節番基底嘅水油平衡,幫助補充細胞活力,唔單止細紋,觸感、彈性都唔同D啊!

全新雙色遮瑕組合 (HK$300/2.4g)
用完精油精華之後,其實膚質睇落已經好好>////<
但要打造無瑕嘅裸妝,就唔可以忽略遮瑕嘅部份啦。
專為亞洲肌膚而設既色調,仲有分紅調同黃調色,我呢盒係YR-L

因為之前遺留左唔少痘印未清哂,同埋黑眼圈都比較嚴重... 
呢盒雙色遮瑕組合嘅好處係,一盒就可以做到遮蓋同埋修飾瑕疵部份。

針對痘印嘅部份,用單色+海綿掃頭一點就cover左啦。
對付斑點同埋黑眼圈都可以用呢個方法去遮左佢架:)

如果你好似我咁,黑眼圈比較嚴重嘅話,咁就可以用遮瑕嘅顏色遮咗黑眼圈嘅部份先,然之後再用肌膚色調加以修飾同埋提亮。
用化妝掃頭幫手,遮瑕膏可以推到勁勁勁薄!

如果覺得比較難就,都可以先混合左啱自己嘅膚色,再用嚟遮瑕。
一盒三用,好方便:)

lightbulb白瓷光感蜜粉 (HK$330/15g)
雖然我一直都用緊shu嘅碎粉定妝,但而家咁興韓妝,底妝嘅光澤感自然係唔少得啦。
不過香港天氣始終比較潮濕,光澤感一個唔好彩就會變成油光滿面嘅感覺>.<
真係攞你命三千^^"

所以揀用黎打造光澤感既粉,一定要揀D睇落唔人工感嘅自然光澤。
呢隻蜜粉係我近期嘅大愛呀!
個蜜粉撲加厚左中央位置,上妝嘅時候更加均勻受壓。
面層嘅茸毛亦更易於抓住蜜粉同釋放蜜粉,成個撲更有質感。

全新油裹粉末複合物係包裹住油份既粉末、大雲母及透明珍珠粉。
唔係閃架,但就可以造到一種剔透嘅立體光澤感。
加埋氨基酸柔焦粉末,散射開D光線就會有柔肌效果架啦!

我會用左碎粉全面打個底先,如果你勤力嘅話可以細心D唔好上高光位。
個粉嘅新設計我都好Like,拎住個蜜粉撲連埋個粉,「一搖」就拎到好平均嘅粉啦!
真係好方便:)

想自然就好似我咁,全面上左碎粉之後就係高光位上lightbulb白瓷光感蜜粉,高光位係邊應該都唔使我再教啦?!T-Zone、C-Zone、同下巴,鐘意既話,人中都可以落少少。
彈性貼膚油份可以係體溫之下保持液態同膏狀之間嘅狀態,個妝會更貼薄,仲做到遮瑕效果架。

如果想韓味重D,全面用蜜粉上都可以架,因為呢個粉勁輕,上咗完全唔會有好重嘅粉感。
勁鐘意佢呀:)


rouge unlimited琉璃彩光透亮唇膏 (HK$220/12shades)
今次嘅眼妝同埋胭脂都係傾向自然系嘅,唔多講啦!
直接嚟到唇妝嘅部份,12款流光閃亮色調琉璃彩光透亮唇膏,打造彩色玻璃唇。
革新混合色素粒子技術,保持唇膏嘅剔透質感。
手上係最新推出嘅(左)S CR 340同(右)S PK 366。

偏重可以突出天然色澤嘅質感,因應每個人唔同嘅唇色,亦都會有唔同嘅變化。 
S CR 340係屬自然嘅珊瑚色,甜美又易襯。
S PK 366就有少少Party Pink嘅,又Sharp又搶眼。


因為係半透明感,兩隻色都好易Handle,保濕同滋潤度都好好。
透亮嘅感覺仲可以中和夏天既日曬後既暗啞感。
shu uemura國際首席彩妝師,淺野裕司仲教路,太陽由上而下照射,下唇會因為陰影而變得深色左,所以上唇搽深色唇膏,下唇搽淺色唇膏就可以令唇部層次更加分明啦。

久不久都真係要抽個時間,化返個靚妝氹下自己開心:)
滿足哂!

2015年9月1日全線shu uemura有售!

shu uemura Facebook Fan Page連結: https://www.facebook.com/shuuemura.hk
shu uemura網頁連結: http://www.shu-uemura.com.hk
shu uemura 微博: http://weibo.com/shuuemurahk
shu uemura Instagram: http://instagram.com/shuuemurahk#

「產品及有關資料由植村秀提供」
Related Posts Plugin for WordPress, Blogger...