2015年9月16日 星期三

食扒‧親切貼心小店

等左唔知幾耐,我終於有得去旅行啦!
呢日本就同友人約左傾行程,約左係比較中心點既銅鑼灣。
搵到呢間樓上舖Donkey & Sheep,上到去都差唔多8/9點^^"
醫左肚先啦!


餐湯先上,其實個人唔多鐘意飲雜菜湯,沙律或餐湯,我呢個揀飲揀食既小朋友又唔食菜>.<
冇選擇之下都照飲,味道濃郁,鐘意菜湯就應該會鐘意呢隻味既,但我就麻麻地啦,如果可以有埋忌廉湯揀會開心D囉^^"

餐飲叫左玫瑰朱古力,賣相OK啦,有D拉花望下,但冇乜玫瑰味,朱古力又沈哂底,一般般啦!




小食拼盤,雞翼好正,蜜糖味兼香口,其他就普普通通,整體衰在炸粉太多。


法式蒜香牛油焗田螺,田螺幾好,冇怪味又唔會水汪汪,係細隻左少少者,不過精髓係個薯蓉到,綿軟順滑,質感一流!

Encore左個雞翼,原來有三隻味,蜜糖依舊好好味,另外係德國風味酸酸辣辣既Tabasco雞翼,我食幾多次都唔會識欣賞,中間個款我就冇試到。


終於到主菜啦,意大利飯有海膽同帶子((心心眼
雖然撈埋左食唔到海膽味,但都叫冇腥味。

當日廚師精選,正到爆,大大塊扒我最愛XD
食肉獸無誤。
外層香脆,內層綿軟,肉質香口,冇得輸!


太韌太乾? No way啦!
少少鹹味,唔落燒汁都好食到上左天>v<
大推!

整體食物中上,肉肉搶返唔少分。
店員好貼心兼斯文有禮貌,我地邊食邊傾到10點幾,突然發現成間舖無哂人,原來10:30收舖,店員居然無趕客,我地都識做轉地方再傾過行程XD
好真心,近年既餐廳真係少左好多人情味,咁又雙向既,真係見過某D客人唔多識DO。
呢間,我搵返久違既餐廳感覺。

BTW,呢間樓上舖叫Donkey & Sheep,但我冇食羊呀,下次再黎!
Related Posts Plugin for WordPress, Blogger...