Luna: Bring the moon along with you

去左轉旅行，成個星期無見啦，大家好!
今次想同大家分享下我今次去大阪旅行既妝容。





帶去既就係呢一套LUNA既產品。
今次同家人同行，妝容都係以自然為主，唔係嚇親老人家就唔太好啦XD
要靚得黎唔太誇張，底妝當然要夠水潤柔和，就好似自攜月亮，曬住月光咁既柔亮妝容：）

唔講太多，即刻開始化妝!

日本天氣比香港更Dry，夏季面部油脂同汗水會好容易令底妝氧化而變得灰暗。
LUNA2014年既時候以嶄新生產技術推出「高水份精華底霜」(又名爆水粉底)，並以此伸延出多種高效補濕底妝產品，緊有一款切合到你既需要。

呢一白、一黑既兩隻新出品，我最後係帶左白色去的。
♥ BRIGHTENING ESSENCE B.B. PACT 清爽亮白B.B粉底霜 SPF 50+ PA+++ (HK$278)
♥ ESSENCE WATER PACT EX 升級版高水份精華粉底霜 SPF 35 PA++ (HK$278)


♥ ESSENCE WATER PACT EX 升級版高水份精華粉底霜 SPF 35 PA++ (HK$278)
含70%高濃度水份精華，為肌膚持續補濕，質地好滑好Creamy，親膚度好高，妝容望落非常之咁水噹喵，遮瑕力中度偏高，用起來更加方便快捷。
我呢幾日係日本用佢，時間偏長，早出晚歸，午後就會出現小浮妝既狀況，但只要用紙巾印一印，再補返少少粉就無問題。
相信返到香港用會更正。


♥ BRIGHTENING ESSENCE B.B. PACT 清爽亮白B.B粉底霜 SPF 50+ PA+++ (HK$278)
含60%透明質酸補濕成份，仲有控油因子及抗氧化成份，有效減少面部油脂分泌及氧化之情況，輕透質感。亮白因子有助提升肌膚亮度，改善暗沉。
爆水力持續，個粉同樣Creamy，仲按得出水珠，遮瑕力中度。
我平時唔太好B.B粉底霜，因為真係好易變灰、變黃，永遠都唔岩色，但呢隻真係用足全日都唔變色，防曬度好夠，岩哂夏天用。

我一邊面用精華粉底霜，另一邊用B.B粉底霜，兩隻都係#23色，精華粉底霜個邊就光澤感重D，B.B粉底霜就自然D，皇牌果然寧舍不同，底妝好似有柔柔月光照住咁，朦朧得黎又清透，真係帶住個隨身月亮咁XD


♥ LONG LASTING TIP CONCEALER 亮澤遮瑕液 #02 (HK$108)
底妝之後就係遮瑕啦，呢枝我用完超Like，主要係用黎做眼底既遮瑕，有提亮眼底肌膚既效果，高效保濕，防止眼部細紋。

望落同一般遮瑕膏無乜分別，其實佢最特別既係高附着力，一印開好似痴住左係肌膚表面咁，持久度高到嚇親，仲唔會現哂細紋仔出黎。


除左遮眼底，我都係順便用黎遮埋痘印，效果都唔錯。
一枝搞掂哂全面既遮瑕，去旅行真係要慳得幾多得幾多，咁先有多D空間買野嘛XD


♥ 3D BLUSHER 啞致持久胭脂膏 (HK$128)

年紀越大越偏向乾肌，變得鐘意膏狀既產品。
#01 LOVELY PINK可以用作胭脂，#03 CONTOUR BROWN就可以做陰影，啞致既膏狀質地比一般胭脂更持久，設計內置有埋個海棉，上色更均勻連掃都慳返，帶去旅行真係勁方便。


直接用海棉印上面做陰影，操控更容易，位置更準確，都唔怕印到一條線，顏色幾岩亞洲人，效果自然。


胭脂一樣，顏色好粉嫩自然，淡淡地既櫻花好氣息。


♥ EYELIGHT BRUSH LINER 亮眼液體眼線筆 (HK$138)

今次既眼妝只用一枝眼線液完成，呢枝LUNA既眼線液大有來頭，係Allure 2014, 2015 Editor's Pick，顏色非常黑實，持久不混染。


筆尖粗幻適中，輕易就可以畫出纖幼眼線，仲易於填滿睫毛間空隙部份，加埋我最鐘意用既點點下眼線，一枝眼線液就可以做到成個眼裝。


唇妝亦是今年春夏韓妝的重點，LUNA推出多種顯色唇膏及唇彩，配合不同需要。

♥ RUNWAY TINT GLOW 補濕變色唇膏 (HK$148)
♥ RUNWAY CREAM LIPSTICK 持久亮彩唇膏 #01, #02 (HK$158)
♥ RUNWAY TINT GLOSS 透亮水漾唇彩 #01 (HK$128)


♥ RUNWAY TINT GLOW 補濕變色唇膏 (HK$148) 係我最鐘意既一枝，根據唇色自動進行補色，令唇色亮麗光彩。仲有保濕因子同防曬功效，而家去到邊我都帶住佢。

♥ RUNWAY CREAM LIPSTICK 持久亮彩唇膏 #01, #02 (HK$158) 係啞色系列，單搽比較現唇紋，我比較鐘意用左補濕變色唇膏打左底先，睇落效果無咁Matt， #01比較裸色，用黎做返淺個唇色岩岩好，再搽上#02隻色就變得好通透，橙得超靚，色澤持久自然。


♥ RUNWAY TINT GLOSS 透亮水漾唇彩 #01 (HK$128)

最後係唇中央加返少少唇彩，立體感up+，淡粉色色澤自然水漾，仲含有修護精華油同透明質酸，為雙唇補濕，減淡唇紋，咀仔更豐盈有彈性。

成套產品好易用、好易襯，重點係夠輕便，細細袋帶去旅行，掃都帶少幾枝，真係好方便。
即使想化埋眼妝都係帶多盒眼影組就夠用。
產品每件都好持久，唔擔心補妝問題，換一換唇色就唔怕俾人覺得日日都一樣。
日常出門用亦都無問題，簡單快捷，唔洗技巧就可以完妝出門，效果仲非常自然添。




原產地：韓國
總代理：遠東進口有限公司
客戶專線：(852) 2581 9965
銷售點：屈臣氏獨家發售

Facebook： https://www.facebook.com/Cosmetic.LUNA.HK

「產品及有關資料由品牌提供」