一到防曬季節就唸起一舊炭既自己XD
而家雖唔算白，但至少唔再會被誤成賓妹了。
其實我用防曬既速度係所有保養品之冠，本身就易曬黑既膚質(我覺得比曬出斑好)，補防曬次數之密，加上大量水上活動，潛水、Wake Board等，一個夏天可以KO 10枝以上既防曬^^"
所以我用既防曬產品係是乎唔同情況同需要的，唔係條數都幾襟計。
Bioré UV係我中學時期已經會用既開架防曬產品，仲連續四年成為日本No.1銷量防曬品牌*。
以前去台灣必定大量入貨，呢幾年進駐香港易入手好多了：）
今次就收到兩款Bioré UV皇牌既防曬產品
♥ Bioré UV長效清爽防曬噴霧 (HK$99.9 / 50g)
♥ Bioré UV冰爽透涼防曬啫喱 (HK$84.9 / 120ml)
其實呢兩枝我上年已經用緊架啦XD
♥ Bioré UV長效清爽防曬噴霧 (HK$99.9 / 50g)
SPF50+ PA++++針對戶外活動既防曬產品，強效防水耐汗，蘊含天然蘆薈及尤加利精華，有高度保濕功能，為日曬後既乾燥肌膚補充水分。
仲有羅漢柏精華，有助防止肌膚因日曬而泛紅。
最鐘意佢小巧輕便既設計，帶住係手袋都唔覺重，仲可以倒噴，用起黎非常方便。但基於我極易曬黑既膚質，我係日常用的XD
早上出門前，唔洗1分鐘就噴哂全身，出得門口，岩哂我呢D唔到最後一分鐘都唔起身既死懶鬼XDD
佢有長效輕透配方 (Silicone Powder)，透明不泛白，令肌膚全日清爽柔滑、不黏膩。
噴上肌膚時感覺一陣涼，有瞬間降溫既舒爽感，仲可以保持肌膚冰爽涼快。
噴既時候會有少少酒精味，但散左變左好淡既橙香味，感覺唔錯。
隔10-15cm來回噴4-5次，防曬就可以均勻分佈肌膚表面，加強隔離紫外線，提升防禦效果。
如果唔小心距離太近噴既話，就會噴成一小陀XD
不過都唔洗驚，推返開就可以啦，感覺同沒噴既肌膚質感差唔多，我有時會唔記得自己噴左未XDDD
另外，呢枝噴霧係面部、頭髮及全身適用既，但要注意用係面部時最好先噴係手心，再搽上面，唔好直接噴落面到啦。
但我自己日常既面部保養品已經有防曬度數，所以唔會再用呢枝搽面。
總括黎計，佢係性價比非常高既防曬品，加上便利性，同泛用性(面部、頭髮及全身適用)，非常值得入手。
♥ Bioré UV冰爽透涼防曬啫喱
噴霧雖然方便，但以我既高用量，當然會再配合再平價D既選擇啦。
防曬啫喱有齊噴霧既優點，極速冰涼配方，高度保濕功能，防止曬後泛紅，只係防曬系數得返SPF30 PA++。
我主要用佢黎補搽，反正人已經返到公司，花多少少時間搽防曬都無所謂啦XD
價錢比噴霧平，量亦多少少，加上啫喱用量少D，慳多DD。
學生妹應該都會用得唔心痛，因為防曬真係要豪氣地用，搽既量唔夠係防唔到曬架：）
售賣點： 各大個人護理用品零售連鎖店及超級市場有售
產品查詢電話： 2866 3776
沒有留言:
張貼留言