夏天一到，化妝最令人煩惱既一定係眼妝溶到亂七八糟，最近就收到dejavu一系列既眼妝產品，等我即刻試下係咪對抗到夏天既熱浪啦：）
持久絢麗柔滑眼線筆 (自然黑/深黑色/深啡色) HK$98
眼線持久貼服 完美眼線隨心所欲
想打破「眼線筆不夠持久」呢個觀念，所以dejavu呢隻眼線筆以增量SILICON FIXER成份，對抗皮脂、汗液、淚水，令眼線不會暈染，眼線持續一整天。
筆芯比一般眼線硬實，更易於調整眼線粗幼，用黎畫公仔亦無有怕，但畫上眼時同樣做到柔軟順滑緊貼肌膚。
眼線的顏料成分，溫和不傷肌膚，畫上後於60秒內仲可以隨意暈開，勾畫眼部輪廓之餘，亦可以用黎畫煙燻眼妝架。
事先準備好底妝，為左想俾大家睇清楚D眼妝既部分，今次眼影留到最後先化。
先畫左內眼線先，筆芯只有1mm呠幼細，畫起黎都幾易控制，用黎畫內眼線亦唔篤眼，不過顏色上略嫌未夠黑實，但一般出門用就幾自然既。佢既筆芯比一般眼線硬實，比較易斷，所以畫既時候唔好扭太多出黎呀：）
佢既防脫妝能力真係超級值得一讚，畫上眼後幾乎完全唔會溶，經過成日既熱浪，居然同上妝時幾乎一模一樣，完全零暈染，非常之犀利!
Lash Knockout Extra Volume Mascara 魅惑濃密型睫毛膏 (魅力黑色) HK$118
平時我就好少搽睫毛膏既，因為天生睫毛實在零存在感，點搽都睇唔到>.<
但呢枝魅惑濃密型睫毛膏真係幾有驚喜，配合凝膠成分，令到搽睫毛既效果都好似戴左「假睫毛」咁纖長、濃密、捲翹，實現增量130%。
最滿意係佢就算搽幾層都好，出黎真係做到根根分明既效果，睫毛仲有種光澤亮麗感。
獨特薄膜能將睫毛包裹著，保護睫毛及避免因皮脂、汗水、眼淚、磨擦而形成暈染，唔會印到眼周，不過我本身睫毛都無乜力，去到午後會有少少Drop，要再補夾一下，而神奇既係，就算補夾，都唔會夾到D睫毛一節節，保持到根根分明既效果。
呢個係午後補夾完既效果，係咪完全睇唔出我補夾過呢。
而且更方便既係，卸妝只需用溫水，層薄膜就會好似脫殼咁卸走左架啦。
持久絢麗柔軟毛筆型眼線液 (亮黑色/亮啡色) HK$98
科學毛筆型既眼線液非常之咁易控制，用黎畫睫毛，每條都咁幼，咁精細，畫上眼絕對無問題啦：）
全新速乾型眼線液令眼線更持久，畫出黎顏色夠黑、夠實，連點返我招牌既下眼角位亦非常順心，畫粗、畫幼都好易控制。
眼線加入矽固定劑形成了具有防水效果的薄膜，能有效對抗皮脂、汗液、淚水，持久貼服更耐摩擦，不暈染，不易脫色，仲加入美容成分，溫和不傷肌膚。
同樣只需用溫水就可以簡單卸除啦。
畫好眼線，輕輕加返少少啡色眼影令眼妝更加柔和。
自然、亮麗既眼妝，都未化胭脂、唇妝已經好搶眼啦：）
同素眼比較，眼神當然超級加分，而且感覺自然唔浮誇，又有放大效果，最開心係見到平日零存在感既睫毛>v<
加返淡淡既胭脂同唇色，唔好搶左咁Bling Bling既電眼啊：）
整體對dejavu既眼妝產品都幾滿意，性價比幾高，特別喜歡睫毛膏搽出黎既效果，同埋眼線既纖細感，用落都幾順手，喜歡精緻妝容既你，絕對唔好錯過啊。
客戶專線：(852) 3607 9692
銷售點：莎莎、city super、 LOG-ON、Colour Mix、雅施、R.O.U.、千色店
網址：www.dejavu.hk
Facebook: dejavu HK
「產品及有關資料由品牌提供」
沒有留言:
張貼留言