聽聞 Hair value @ Elite Hair Group 有個頭皮既療程可以幫我解決到呢個問題，所以就約左上去試下：）
佢偏向開放式既Salon，幾有空間感又帶少少型格。
髮型師首先幫我檢查頭皮既狀況，發現頭皮既油分的確比較多，而後尾枕既位置亦有輕微既頭皮敏感。
所以都幾適合做今次既頭皮調理療程。
首先會用毛孔淨化液去溶解、清除毛囊入面既老化角質，同時可以調理油屑問題，令毛孔暢通舒爽。
淨化液噴上頭皮到有少少薄荷既清涼感，配合髮型師溫柔既塗抺，好似幫頭皮做按摩咁，過程都幾舒服架。
之後就包裹保鮮紙，幫頭髮稍稍加溫10分鐘左右，令毛孔淨化液發揮佢既功效。
之後就可以進行清潔啦，都會用返同一系列既，佢有三款唔同功效既洗髮水。
髮型師幫我揀左藍色既控油強健潔淨露，主力調節油脂同淨化角質層，強健髮根。
先簡單洗走岩岩既毛孔淨化液，洗既時候都係涼浸浸咁架，之後再洗多次，今次就會配合髮型髮既按摩，再等20分鐘俾潔淨露係頭皮到發揮功效，即使髮型師唔係做緊按摩，但薄荷既清涼感發揮作用，都好似不停按摩緊頭皮一樣，我好快就舒服到訓著左XDDD
最後既步驟用埋個紫光精華，佢係一個舒緩既保濕精華，搽係頭皮再用微電流幫助吸收。
有聲無乜特別感覺，精華都係涼涼地咁。
完成後就可以正常咁吹頭，唔洗再洗頭架啦：）
成個療程完成後再睇睇頭皮狀況，油淋淋無哂，頭皮明顯乾淨左唔少。
是乎頭皮狀況，一般呢個療程Keep住每星期一次，做4-6星期就可以清得乾乾淨淨，見得返個毛囊既窩位就為之最完美啦！
做左一次都覺得頭髮無咁易笠，感覺都唔錯，當係做個頭皮按摩享受下，輕鬆既頭皮保養。
Hair value @ Elite Hair Group
https://www.facebook.com/hairvaluesalon/
地點：旺角弼街62號1樓
時間：星期一至五11:00 - 21:00
「產品及有關資料由品牌提供」
沒有留言:
張貼留言