早前出值左shu uemura color atelier發佈會，即刻試下玩妝先：）
當日好多男神、女神、仲有由植村秀國際藝術總監unchiide，帶領佢既專業彩妝團隊遠道而黎，幫派位人氣shuGIRLs度身訂造5個截然不同既東京街頭造型。
當日大會希望帶出東京既色彩，將好多個東京景點，新宿、原宿、表參道都搬左黎呀，仲有化妝師Stand by幫你立即變身"be a shuGIRL"，全新100色color atelier系列眼影係齊到，好在有MUA幫我揀，估唔到橙色上眼咁靚架XD
現場仲有東京至Hit既街頭甜品，彩虹沙冰透心涼得黎仲好靚呀：）
100隻唔同顏色，唔同質感既color atelier系列眼影，可以放入自由專屬彩妝盒內，眼影同胭脂都可以放架，每粒眼影後面都有色號，用完想補貨只要跟返色號買就唔會錯：）
我今次就想以東京五光十色既夜景做創作，黎個小玩妝。
一向我都比較少用eye base打底，但玩妝想顏色出D、貼服D，一枝好既eye base係絕對不能少既，而且仲可以令眼妝Keep得更持久，眼周、眼袋都無咁易起乾紋架。
通常我會用無名指拎好少既份量點上眼皮位，再打圈搽開。
有無留意今次我少有地收埋左個齊陰：）
眉毛特登用左之前限量版既dark rose(紫紅色)自動武士眉筆＋染眉膏完成既，襯返一陣化個眼妝架。
閃底既顏色四圍都有，通常唔會太差既，最多係閃得唔夠精細者。
但睇眼影質量有幾好，就要睇Matt色先會知，無左閃粉，上得均唔均勻都一眼睇得出。
color atelier最厲害既地方係夠均勻，顏色點Blend都唔會一達達，自然既層次感輕輕一Blend就出現，真係要自己親身試先知好用同唔好用既眼影，分別可以有幾大。
順帶一提，Yandy係眼腫人，閃既眼影好易令對眼更腫，所以今次大部分都係Matt色。
平時一般出門化成咁就好夠，加埋眼線已經可以出門，自然有層次感既眼妝，三、兩下手勢就完成左。
個淺啡色仲可以用黎做陰影位，非常之百搭。
跟住我用左隻紅色放係眼既前半部分，因為係Matt色，放膽少少落色，唔洗擔心眼腫架。
眼頭就再用少少白色mix埋令眼妝更有層次。
加後半部眼線，同埋自然偏濃密款既假眼睫毛，眼妝就完成啦。
簡簡單單，但帶有霓虹燈感覺既眼妝，誇張得黎好吸晴。
胭脂我用埋眼影既粉紅色黎做，比平時重少左少少，因為眼妝都比較勁，要帶返出好氣息，唔可以太蒼白架。
嘴仔就做左個好輕微既咬唇妝。
上唇比較薄，一笑就唔見左，所以我上唇會搽哂成個，下唇就搽2/3，再用手指係邊緣印開。
laque supreme shimmer漆繪閃炫唇彩係我好鐘意既系列，cover唇色cover得好好，擦頭好易控制，上色度高又夠輕薄，呢隻PK 07 S色好艷麗，搽出黎好有輕熟好既感覺。
對住100隻色我完全選擇不能，你地又會揀咩色呢?
希望大家鐘意今次既妝啦：）
shu uemura Facebook Fan Page連結: https://www.facebook.com/shuuemura.hk
shu uemura 網頁連結: http://www.shu-uemura.com.hk
shu uemura 微博: http://weibo.com/shuuemurahk
shu uemura Instagram: http://instagram.com/shuuemurahk#
「產品及有關資料由品牌提供」
沒有留言:
張貼留言