旅行前之準備‧未出發‧先網購

Yandy今年做左好多野，搬屋、化妝、工作、Blog，每一日都係拖住疲勞既身軀達上床，真係好佩服自己XDDD

所以!!!我要好好咁獎勵自己呀!!!((目的達成XD

終於到我去旅行啦!!!
今次仲係同班好姊妹去可以瘋狂食食食同shopping既韓國!!!
超級期待：）

但我旅行前總會有「未出發‧先網購」既病XDDD
明明去到都係買買買，但我出發前永遠都忍唔住要買左轉先既>.<"

今次就同大家分享下我買左D乜啦XD

去旅行一對舒服嘅鞋仔絕對唔少得!
對鞋好唔好着真係好重要架，所以買鞋係我落足本嘅一個項目。


TIERNEY Slip On Plimsolls $1,000  $400
Nine West雖然以舒服嘅女裝鞋款見稱，但佢原來出左我最愛著嘅布鞋，真係完全唔知道^^"
呢對好artistic感，亦都夠百搭，行路應該都唔會辛苦。
最近ZALORA仲減緊價，唔係唔買對看門口呀?



明明係睇緊舒服嘅布鞋，不過又唔多覺咁睇埋...

哈哈，大大獲^^"
我又跌左落網購旋渦啦>.<
你地快D陪我一齊沈淪啦XDDDD

買完對靚鞋，為左慳返D彈藥都係平平地淘寶XD

第一件：


旅行收納袋 ¥10.8
我個人呢就比較不修邊幅嘅，但係同啲姊妹去旅行，如果將啲嘢周圍定，其實都幾唔好意思架^^"

所以今次都入咗幾個收納袋，希望可以將啲嘢整理返好少少啦。

過到去韓國，應該會係秋冬時節嚟嘅，所以都入左少少秋冬系列嘅衫，為求留返多D彈藥，我淨係揀左啲百搭款。


棒球風V領毛衣外套 ¥65.00
一件外套走天下XD

棒球風一向都係長興嘅款式，轉左毛衣質地，平凡中見不平凡，都幾特別架：）
試過上身，質地都幾唔錯，cutting幾修身，不過就有小小味，好在洗完就OK者。
 
秋冬新款日系小清新背带半身裙 ¥47.77
呢類裙好百搭架，配搭T恤或者恤衫都已經超好睇，感覺仲好有氣質添。


但係新屎坑嘅我已經忍唔住，着咗去海洋公園哈佬喂玩咗轉啦。

森系復古包 ¥47.77
眼利嘅朋友仔，應該會發現我去海洋公園哈佬喂用左個新袋，其實都係淘寶貨黎架咋XD
上次去街街嘅時候，見過呢一類型嘅包包好似容量幾多咁，但問價之後發現要成$3000，原來係Coach，不過係一間小店嚟架，又唔知係真定假，所以我都係放棄左。

淘寶嘅時候就順便淘左呢一個估計係抄Kate Spade款嚟嘅，我點知?
因為佢串錯字囉XD
但價錢不過係40幾蚊人仔，用來襯下衫幾好呀。
先唔理佢係咪抄款，但個袋真係幾靚， 之外佢個型同埋個款都幾好幾實用架。

今次既分享係咁多啦，下次就係我韓國返黎再同大定分享下我到時既戰利品啦XD