亮在底層@Biore超持久清爽UV底霜

又黎到防曬既季節，自從上年開始有左白蝕，對於防曬就更加著緊。
用量之多，我平、貴既防曬都會用，而最近收到呢枝Bioré防曬底霜。
記得以前去親台灣，一定要入手幾枝Biore既防曬自用加手信，所以對佢都幾有期待。
而且登陸香港之後，就更易入手啦。

Bioré 超持久清爽 UV 底霜 (珍珠柔粉) HK$129.9/ 30g

全系列一共三款，供不同膚色使用(包括長效控油配方、珍珠柔粉及修飾柔粉)
皆由日本製造，兼通過過敏性測試及無香料。




夏天既底妝比較影溶，想維持一整日真係唔易架。
但Bioré 今次正正係主打高防曬度及防脫妝功效。
少有既SPF50+ PA++++最高防曬系數，可以用作妝前底霜，防水、抗油、耐汗，仲可以撫平細紋及毛孔，同時亦係為全面阻隔紫外線既防曬霜。


我就好滿意佢既唧頭，唧出黎好細緻，易於操控用量。


手上係珍珠柔粉色，有提亮膚色同增加光澤感既效果，推開睇到肌膚感覺明亮左，但完全唔會有層野咁，效果好自然。

上面效果自然有光澤，有稍稍撫平細紋及毛孔既效果。
一般留係公司，去到放工時間會開始乾同出油，但基本上個妝容都可以維持到。
同系列仲有長效控油配方同修飾柔粉既選擇，可以因應自己既需要去擇。


Biore超持久清爽UV底霜
萬寧獨賣 #All made in Japan

「產品及有關資料由品牌提供」