豆豉眼Yandy: 拯救乾燥櫻花季＠Marvin香港到著

岩岩由沖繩返到香港，幸運地觀賞左人生第一棵盛開既櫻花樹>////<

今次出遊其實真係好趕，由新年前開始忙忙碌碌，新年後拜左幾日年就正式要出發啦！

行李基本上係掉哂入唿就算既狀態XD

而天生死好命既我，非常好彩，無論保養品定運氣都大爆發！

沖繩係日本櫻花期最早既地方，1月尾已經有櫻花盛開，我今次2月尾先去，櫻花應該掉落得7788，但估唔到仲有盛開既一千零一棵：）

真係要超級感謝PR小姐既貼心，知我去旅行就為左準備左呢套簡單輕便既保養品。

日本天氣比香港乾燥好多，加上身心都處於疲憊既狀態，肌膚真係慘不忍睹>.<"

旅行前香港好鬼凍，我開左好多日暖氣，都係用佢地，感覺唔錯就帶左佢地返日本啦XD

♥ 全效修護玻尿酸保濕面膜 (HK$140/5pcs)

♥ Ginny Premium極致抗氧修護美容液 (HK$480/30ml)

♥ Ginny Premium 水嫩活膚保濕面霜 (HK$350/30g)

Marvin呢個品牌岩岩黎左香港無耐，Ginny Premium系列主打全面對抗肌膚衰老，但保濕度非常夠，而且質地仲超清爽，非常岩我呢D怕笠既混合性偏乾肌。

新年周圍拜年，每日只可以做到基礎保養，加上凌晨機飛去沖繩，之後直接出發玩足一日。

返到民宿時，我D肌膚鞋到好似砂紙咁呀>口<"

♥ 全效修護玻尿酸保濕面膜 (HK$140/5pcs)

肌膚狀態差到一個點，乜都唔洗講，洗個面，敷個Mask先。
一盒5片，不含香料、礦物油、酒精、對羥基本甲酸酯及矽。
主要功效係防止肌膚異常缺水狀況，改善肌膚因水油不平衡引發的出油狀況同增加返肌膚防禦力。
建議每週使用一至兩次，我係5日行程就敷左兩次。

面膜採用特別既「日本棉」彈性材料，加倍親膚和增強貼服效果，感覺幾厚實。

面膜紙整體係偏闊身既，但側面每邊各有三條剪裁線，小面的亦可以調整待好貼服，超級貼心既設計照顧到唔同面型需要，加埋有眼蓋位，唔係得個穿窿，可以敷埋眼袋位。

入面既美容液成分岩岩好，唔太會滴漏。

最正既係敷5-10分鐘就夠啦，好岩懶人XD

不過如係係缺水肌膚就可敷15-20分鐘，我當日都乖乖地敷足15分鐘，敷完覺得肌膚有種重新既感覺，乾燥感、不適感唔見哂，肌膚感覺清爽水潤。

如果皮膚感覺足夠保濕，就唔需要再搽保養品架啦：）

我就只係求安心咁搽左薄薄既面霜。

♥ Ginny Premium極致抗氧修護美容液 (HK$480/30ml)

美容液特別添加諾貝爾化學獎成分─C60富勒烯 (Fullerene)，抗氧化功能是維他命C既172倍，更含有金、銀等抗氧化成分，進一步提升抗氧化效果。
可以解決暗沉膚色，粗大毛孔，鬆弛皺紋，表皮粗糙，色素沉澱，乾燥、老化等各大肌膚問題，全面對抗肌膚衰老。

當中既荷荷巴油、水溶性膠原蛋白、蘆薈葉精華和柑橘皮精華，可以為肌膚即時補充水份，提升肌膚亮白度，令肌膚保持長效水潤和光澤感。

♥ Ginny Premium 水嫩活膚保濕面霜 (HK$350/30g)

面霜就蘊含3- 0-抗壞血酸、柑橘果皮精華、小球藻精華能幫助養分快速深入滲透至肌膚角質層，讓肌膚回復高密度滋潤狀態，感覺柔滑富彈性，而豐富的維生素C乙酯，更可有效抑制黑色素，淡化面部細紋和雀斑。同時有效抗禦外來刺激，預防乾燥問題惡化，提升肌膚自我防禦能力，紓緩因肌膚乾燥引起的不適。

佢仲可以當成面膜咁用，睡前取足量面霜塗抹於面部以及頸部，感覺肌膚乾燥時可以搽多幾層，自己調節適合既滋潤度，真係幾萬用架。