Yandy係一年四季潤唇膏不離身既朋友，除左潤唇膏，我又會帶多幾隻唔同色既唇膏係身，方便花心既我可以隨時換色。
結果咪就係帶到成身都係唇膏囉XD
Kiehl's LIP BALM #1相信大家絕對唔陌生，每個女仔緊有過至少一枝既神臺級護唇膏。
而最近大吹MLBB（My Lips But Better）既唇妝效果，太令面既留返係屋企用啦。
全新【檸檬奶油潤色護唇膏系列】就做到MLBB既唇妝感，仲有SPF 25防曬保護兼12小時保濕呵護，無色＋3款透亮色調，外型簡約，包裝一睇就知咩色，方便使用，滿足哂花心既我：）
換上貼心棒狀，唔怕夏天溶哂，一年四季都可以帶係身。
高度保濕及撫平唇紋既效果同Kiehl's LIP BALM #1不相伯仲。
仲加入豐富抗氧化既檸檬奶油，香味都係淡淡既檸檬清香啊，咀仔緊係越搽越靚啦！
質地好似奶油咁又滑又滋潤，上嘴唔會油淋淋，帶少少亮澤感，重點係唔黏咀、唔痴頭髮。
無色既男仔都岩搽，效果滋潤得黎唔會搽到個咀令立立架！
除左無色 (Untinted)，另外仲有自然裸色 (Naturally Nude)、玫瑰桃紅(Simply Rose)同野莓紫紅 (Touch of Berry)三隻色，基本上已經襯到日常既8成造型。
自然裸色 (Naturally Nude)係我早上比較常用既色，岩岩上完妝，妝感最靚既時候，唇妝就盡量簡約，等人地既重點放係膚質同眼妝到啦：）
中午食完飯，我習慣補玫瑰桃紅(Simply Rose) 或者野莓紫紅 (Touch of Berry)，個樣即刻精神左，唇妝感夠哂MLBB（My Lips But Better），自然又易襯。
三隻色，唔知邊隻係你既心水呢？
個人特別推薦玫瑰桃紅(Simply Rose) ，搽一層擁有自然好氣色，搽多層會有少少似近期大熱既磚紅色，只入手一枝既話就揀呢枝啦：）
Kiehl's Facebook: http://www.facebook.com/KiehlsHK
Instagram: http://www.instagram.com/KiehlsHK
Weibo: http://www.weibo.com/KiehlsHK
Website: http://www.kiehls.com.hk/
「產品及有關資料由品牌提供」
沒有留言:
張貼留言