認識Yandy既人都應該知道我係Part Time化妝師，而今次進修既項目我一直都爭左少少膽量去實行。
望到呢一堆工具，心水清既朋友應該知道我學左D咩啦：）
無錯！就係半永久化妝！
所謂既半永久化妝其實係大家成日聽到既飄眉、霧眉、立體眼缐丶水晶柔唇丶髮際線上色等等，再深入D好似醫療級既頭皮髮線上色技術丶乳暈半永久上色術丶白斑症丶條痕丶疤痕遮覆都係非永久化妝既範疇。
今次點解會係最忙碌既12月進修都真係非常少見。
我自己係行動力一般既人，但做咩都會唸清唸楚先做。
之前都有朋友係呢間K Beauty到做過唔同既半永久化妝，效果都好唔錯。
而令我忙到發癲都一定要上堂既最大原因就係金院長啦！
成個課程係由韓國KSH半永久專業學院金院長親自授課。
3日間朝九晚六 (9:30am -6:30pm) 理論與實習兼有真人示範。
外加10小時畢業後另加10小時自選時間培訓練習，學駐粉底術丶育睫毛及眉目術
畢業後即獲韓國認可文憑証書。
仲送埋飄眉工具一套價值$4,000。
金院長今次係最後一次黎香港教學，佢係韓國一早已經唔會親自教，所以機會真係眨下眼就無左，你明點解我忙到癲都一定要揀12月呢一班啦。
上堂時有粵語翻譯，翻譯小姐幫金院長翻譯左好多次，講解非常清晰，有條理，基本既問題，幾乎已經識得解答XD
一班只有6位學生(我地12月個班臨時開既，得4位學生添)，練習時仲有助教貼身指導，雖然係助教，但都係韓國評委級導師黎架。
確保你落既每一筆，做既每一步都係正確既，仲會握住你手俾你感受真正落刀時既力度同感覺。
課程內容包括：
-皮膚學
-半永久化妝理論
-色彩配調學
-飄眉丶自然柔眉丶霧眉技術
-隱形內眼線技術
-柔唇技術
-髮際線上色技術
-如何修正已紋眉的顏色及眉型
課程係理論與實習兼有真人示範。
通常會講左理論先，跟住做練習，唔同既手法同唔同組合既運用。
醫學用仿人皮直接做練習，即時知道上色同力度需求。
之後仲有素人做Model，可以睇到成個流程，由點同客人溝通、程序、過程中點樣安撫客人，處理唔同既肌膚、帶可能發生既突發情況等等。
除左人手Embo，仲學埋Digital，亦可以兩者配合。
除左眉毛，上下眼線、嘴唇、髮線都有即場示範。
畢業時就出埋證書啦，仲有三張咁多！
★ KSH KOREA Diploma
★ K Beauty Institute Certificate
★ IFBC Certificate
成個課程都好開心，金院長同美女助教超細心，唔會講完就由得你自己練，驚驚青青既我都覺得好安心，仲有翻譯姐姐同K Beauty既Janey，每一位都無私分享，學到技術同時俾到信心自己落手做。
整體感覺課程專業，仲有份人情味，雖然金院長唔再教，但新既韓藉老師都大有來頭。
講多少少我自己既感受啦。
其實揀學校既時候都好糾結，坊間亦有唔少單獨教授既課程。
揀K Beauty有三大原因：
★ 韓國KSH咁大間學院做Backup，真正韓國技術、師資
我自己覺得想學D咩都係由最正宗既手法學起，之後先再演化成自己既野。
由韓國老師教授最正規既技術，感覺對自己、對客人都係一個信心既保證，始終半永久化妝都會陪住你三、兩年，做得唔好客人要糾結三、兩年都咪話唔嬲豬。
讀完會有三張證書，我係唔太在意證書既，最緊要係實力，但亦都知道的確有唔少客人會留意化妝師帶咩資歷，亦係俾客人一個指標，所以有都有好處既：）
★ 10小時自選時間培訓練習，韓國技術配合港式實踐經驗分享
10小時自選時間培訓練習可以約Model去學校，由Janey親自指導。話就話係張皮到練到熟哂，但頭幾次做一定心慌慌，有Janey老師旁住，有咩事亦有Janey出手，對自己、對客人都安心D，化妝師最緊要係唔好做壞名。
★ 係香港上堂兼三日完成，方便又快捷
三日KO課程，對於成日忙忙碌碌既我就最適合不過，而且學完即刻可以約Model返學校試做，Follow up做得足，自立更有信心。
最後大家一定最想知價錢，成個課程係$18,800，應該算係中價，而且有包埋飄眉工具一套價值$4,000，顏料全部都係韓國KHS學校既，唔怕做完會變色/結粒等既問題。學校亦會安排學生到韓國參加各項比賽。
早前係假九龍海逸君綽酒店舉行畢業典禮及周年晚宴，我其實都好想去，不過已經再bi唔到時間出席啦T^T
當日除了邀得韓國學院的金抒炫院長遠道由韓國親臨外，亦請來眾多星級名人嘉賓，包括：香港小姐葉翠翠、知名演員陳嘉桓、顏子菲、Ms. Janey Chau、Mr. Joi Lau及人氣韓星梁在杓，為一眾學員頒發韓國社團法人國際美容家聯合會(IFBC)韓國半永久化妝畢業證書，以此對各位學員的付出予以加倍肯定。
K Beauty Institute是香港第一間美容學院註冊成為IFBC韓國社團法人國際美容家聯合會的美容機關會員，並獲IFBC授權為國際資格ISO認證教育機關。K Beauty Institute也是韓國KSH Korean Beauty Education Centre香港第一間分校，教授最優秀韓國半永久化妝術，包括霧眉加飄線丶立體眼缐丶唇部駐色及髮際線上色等，手藝超凡！ K Beauty Institute擁有星級專業團隊親自教授最優秀韓國半永久化妝技術，致力協助學員考取國際及韓國認可文慿，以最快捷及經濟方式取得專業紋繍認可資格。
更多資料可參考K Beauty網站：www.beautyqueenkr.com
「產品及有關資料由品牌提供」
沒有留言:
張貼留言