實用性x萬用妝@KIKO Milano亞洲首間全新概念店正式開幕

KIKO Milano分店開完一間又一間，今次仲係旺角西洋菜街開設全新概念店。

我地一齊黎參與新店開幕之旅啦!

亞洲首間由著名日本建築師KENGO KUMA專為KlKO MILANO設計既概念店，採用可持續發展元素，結合美容、科技、設計和彩妝。

全店以白色為主題，但帶出lRO - 日語代表色彩的意思，希望帶俾客人一種自由、純淨、優美和愛的感覺。

簡潔鮮明，突出五彩繽紛既彩妝品，天花板係用左KIKO logo組合而成，有格調得黎非常配合主題呢！

除左基本化妝空間之外，新店特設KIKOTRENDSETTERS區，客人可透過iPad 應用程式獲得唔同既彩妝及護膚建議，仲可即時上載新造型到個人社交媒體與好友分享，又或者八卦下世界各地既KIKO用家用左咩黎化佢地個靚妝，有咩HOT items。

一場黎到，我都入手左D彩妝品啦，等我即刻分享下先。

♥ INVISIBLE TOUCH FACE FIXING POWDER 啞緻定妝粉
♥ NEO NOIR CONTOUR DUO BRUSH 兩用面部專業化妝掃

♥ EYES 207 調色和陰影用的眼影掃

♥ VELVET PASSION MATTE LIPSTICK 舒適啞光彩色唇膏 #303 VELVET PASSION

兩用面部專業化妝掃係限量版新品系列 Neo Noir Collection既出品，兩端係合成纖維掃頭，綿密小巧，適合塗抹乳液和乳霜，如蜜粉、粉底和胭脂。

另外係專用於調色和陰影的眼影掃，毛質柔軟並有彈性，可以用於眼部仔細既輪廓打造。

揀呢兩枝掃主要係想帶去旅行用，兩枝都非常多用途而簡便，兩枝已經夠我化個基本妝容，帶去旅行就夠哂輕鬆。

同樣用左限量版新品系列 Neo Noir Collection 既SKIN MODERNIST 2 IN 1 FOUNDATION CONCEALER 2合1粉底遮瑕乳液，最近化妝都係用佢，愛上左佢個掃頭，太方便啦！

用量唔多，都係主要放左係瑕疵比較嚴重既位置，用短鬃扁形掃頭掃開。

底妝無痕細滑，均勻平滑既妝效非常加分。

如有需要做陰影都可以用佢掃架。

另一邊長鬃圓形掃頭適合用黎上光影，T-Zone、C-Zone、人中部位都非常到位，我會用埋佢做重點遮瑕，點上遮瑕膏後輕力點印，瑕疵完美遮蓋。

完成後掃上定妝粉。

♥ INVISIBLE TOUCH FACE FIXING POWDER 啞緻定妝粉
呢隻定妝粉我係一試愛上，幼滑感滿分，啞緻感覺特別岩香港偏潮濕既天氣，加上透明色，任何底妝都岩用。
無致痘成分，不含防腐劑，適合所有肌膚類型，特別容易出現油光或油性肌膚。


有如透明輕紗般既啞光妝效，似有還無既霧妝感加上無重既肌膚質感，啞緻得黎唔會變「面具」，固定妝效，維持妝容不變色。
用起黎方便簡單，價位只係百幾蚊，非常值得入手!


眼妝方面都係基礎眼妝，以一枝眼影掃完成成個眼妝，掃毛觸感舒適，鐘意佢夠精細，可以沿著睫毛根部、外眼角及在眼部摺處鈎畫輪廓眼妝，非常方便。

連眼線都唔洗畫，眼妝都非常得體。

不過我心思思想買多枝，一枝深色、一枝淺色仲更加方便。

KIKO Milano最出名既當然係唇膏，系列不單止非常多，每個系列既顏色都勁多，淨係睇都睇到眼花呀XD多

今次我就揀左BEST IN USA既VELVET PASSION MATTE LIPSTICK 舒適啞光彩色唇膏

主打啞光既系列，磨砂面非常易認，磁力開合好有手感，特殊方頭設計搽起黎更方便快捷。

我揀左泛用度高既 #303 VELVET PASSION，珊瑚色得黎帶少少甜美感，相信大部分女仔都可以輕鬆駕馭既顏色，啞面更添親和色，給予更加平易近人既感覺。

對於顯色度表示極之滿意，搽一層已經可以蓋過原有唇色，顏色同唇膏色相近，持久度都唔錯，質地幼滑易搽，不過滋潤度就稍為遜色啦，仲有少少顯唇紋，用之前要清一清D死皮同做好唇部保濕呀。

另外唇膏有陣云呢拿味，個人黎講唔太喜歡甜味，但整體都幾滿意，性價比係高既。

實用度非常高既幾件產品，預備我黎緊帶去旅行既萬用妝。

簡便打造優雅妝效，性價比高，係時間入貨啦：）

KIKO 網上商店: http://www.kikocosmetics.com/en-hk/ (在 35 個國家均有發售)

KIKO MILANO Facebook: facebook.com/KIKOMILANOHK

KIKO 香港地址:
海港城店: 九龍尖沙咀海港城 LCX +852 2405 1388
時代廣場店: 香港銅鑼灣時代廣場 B2 +852 2881 8803

「產品及有關資料由品牌提供」