從夏天走到秋冬@YSL

黎到夏季既尾聲，秋冬系列妝品就爭先出場。

搶先同大家見面既係YSL 2016秋季SCANDAL COLLECTION彩妝系列。
以70年代時裝所展現既色彩組合，奪目搶眼既藍綠、翠綠、橙及酒紅色，絕對令人過目不忘。




想展現亮麗既色彩，要由乾淨清爽既底妝開始。
擁有明彩筆既透明亮光感，Touche Éclat Le Teint 明彩透亮粉底液加入高效配方，換上新世代改良版，擁有即時喚醒肌膚既神奇功效，即時為肌膚充滿電，唔洗訓都咁容光煥發。


的確，Yandy最近晚晚都四圍去做小精靈訓練員，睡眠時間大減之下，肌膚質素下滑到史上新底點。
直接將Touche Éclat Le Teint 昇級版明彩透亮粉底液 點係面上。


用濕粉掃掃開，淡淡既柔光感令肌膚質感大提升，膚色不均、暗沈、毛孔等既肌膚問題都一TAKE解決，望落完全係素肌感既亮麗底妝。


全新採光技術將半透明混合半囊體加入金色顏料內，克制油光之餘，感覺輕巧無感，輪廓仲立體左添。


遮瑕度有關成，我大大粒痘發紅腫脹，上完粉底已經唔多覺眼，加返少少遮瑕即時重現完美肌感。


眼妝方面，是乎需要，要輪廓有輪廓，要玩味有玩味。


充滿個性既限量版，帶有年代既交錯感，1970年既情懷配以時尚既鋒芒，大膽既配色令個性更立體。
基本既塑顏五色眼影盒，以唔同質感同色調打造Rosy Contouring，光澤感更特出，質感更柔滑。


先以塑顏五色眼影盒畫出基本眼妝，YSL Beaute彩妝創作總監Lloyd既化妝黃金法則話，深色用黎描畫眼線，最淺既色用係眉底同眼頭，中間色調用係眼蓋，就可以輕鬆掌控任何眼影。

基本眼妝日常返工、去街都已經非常夠睇頭，自然得黎有陣陣既柔和美感。


想造型更特出就可以配合限量版黎個個性化點精版，我今次就將中間既酒紅色撞上藍綠色，眼妝即時非常有亮點。


唇妝方面有絕色啞緻唇膏同彩蜜唇色水漾系列。


2016年秋季新色 絕色啞緻唇膏 N 211 DECADENT PINK


呢隻色相信任何女仔都可以HANDLE得好靚>////<
非常少女感既色調，換上啞色感即時多左份親和力，自然得好甜美。
少有啞色既唇膏做到呢種輕薄感，舒服到好似無搽野咁，但同時又Cover到唇紋，好似天生唇色一樣咁自然。


彩蜜唇色水漾系列 同來樣係2016年既新色，N 215 Violet Misty係帶少少紫羅蘭色既唇蜜。


係打左底既唇膏上加係中央位置，咀仔立體感UP＋
保濕度非常讚，夏天唔想搽潤唇膏可以直接用呢枝代替。
加上甜甜既香味，搽起黎心情都靚D。


單搽唇膏，定係加埋唇蜜各有各靚，我都成日心思思，轉黎轉去XD

轉季時分，肌膚狀況不穩但仍然可以Keep住一個靚樣，咖需要肌膚每日都係好狀態都可以擁有完美肌出門，咁先係王道!

產品詳情請瀏覽 YSL 網頁： http://www.yslbeauty.com.hk/tc/

「產品及有關資料由品牌提供」