從頭皮做起‧Hairchitect Institute髮築師

Yandy突然頻頻去旅行，感恩XD
去旅行無辦法帶太多既護髮產品，更加想爭取每一分、每一秒去玩，所以出發之前，我通常都會密密處理頭毛問題，務求旅行時唔洗帶住太多煩惱絲XD

對上一次漂染完，Yandy即刻去Salon做左頭髮Treatment，效果非常唔錯。
但所謂煩惱絲其實真係帶左唔少煩惱俾我架^^"

解決左頭髮毛燥既問題，就到一直困擾住我既頭油問題。



今次係韓國面對乾燥既天氣，髮絲靚靚之餘，頭油問題亦有大改善。
一般我係香港，早上出門，食Lunch時頭油已經開始出黎同我Say Hi了，而呢張相係韓國下晏5/6:00pm左右。
頭油? 睇你唔到喎，望落仲係非常清爽輕柔既感覺。
直到我行街行到凌晨5:00am真係發左癲XDDD
返到酒店沖涼時，出奇地發現頭油並沒有想像中咁恐怖地呈現，只係一般係香港午後有少少油既情況。

係咪好想知我搞左咩呢?!


「Hairchitect Institute髮築師」頭皮膚理療中心，最近進駐時代廣場15樓既IL COLPO分店，Yandy就上左黎八卦下XD

Yandy一直覺得自己既頭髮唔夠濃密，好易出油，髮型師又只處理到髮絲問題。

但我又未去到甩頭髮、地中海要去脫髮、織髮中心。

「Hairchitect Institute髮築師」頭皮膚理療中心就提供左一個非常好既平台，以理論並輔最先進既理療科技，謹慎處理都市男女既頭皮膚健康和活髮問題，仲同時更引進世界知名的理療級活髮產品，如韓國的Ballvic，以及來自美國的Nioxin、Alterna等，可以俾客人買返去自己做護理，十幾年黎以功效與安全而口碑載譽架。

Yandy今次都獲益良多，更加了解自己頭皮上既問題，亦都更正面去面對。

填好哂資料治療師就基本知道我既護理頭毛既習慣，跟住就可以放大睇睇我既頭皮係出左咩問題啦。

呢個儀器會將頭皮放大，治療師就可以分析頭皮既狀況。

就咁睇，除左有少量既頭皮屑之外，Yandy都睇唔出自己既頭皮出左咩問題，但原來治療師話Yandy既頭皮油脂污垢太厚啦，阻塞左D毛孔令髮絲得唔到足夠既營養，而且仲壓住左D新生頭髮，髮絲過於幼弱、扁塌，所以望落就唔夠豐盈，成日覺得髮量太少。

知道問題所在就可以對症下藥啦，治療師幫我安排進行兩個療程，首先清除頭皮既化學殘留同清除返累積毒素既「頭皮膚再生療程」。
跟住配合儀器做返個微量子鐳射改善血液循環同打通經絡穴位，等頭髮生長得更加健康既「微量子鐳射頭髮再生療程」。

首先當然係要洗乾淨個頭先啦，清潔左髮絲，就到清潔頭皮，洗既時候感覺成個頭好清涼，好仔細咁按摩成個頭，務求每一吋頭皮都洗得乾乾淨淨，徹底去除頭部皮膚上既老化角質同化學殘留，適當既按摩唔單止舒服，仲可以提升返膠原蛋白同彈性蛋白，增強細胞既再生能力。

洗完頭返黎一照，頭皮上個層油脂污垢已經薄左唔少，顏色通透左，唔會黃黃灰灰咁，仲有好多新生頭髮彈返出黎。

一邊蒸氣住一邊搽返營養液，搽既時候同洗頭一樣涼涼地，好似俾個頭髮食緊薄荷一樣，夏天做特別爽：）
蒸氣主要係俾返足夠既滋潤度成個頭部，平衡油脂分泌。

搽均勻就可以吹返乾D頭髮，就開始「微量子鐳射頭髮再生療程」，改善血液循環同打通經絡穴位，減少脫髮，每條髮絲都生得強莊D。。
過程中治療師會一邊同你傾下計，Yandy從中都學左唔少頭髮相關既知識呀。


單次療程既效果已經好令人滿意，洗走左頭皮屑同油脂，頭皮皮膚乾淨左好多。
治療師話每一日洗頭其實係唔足阿架，久不久要幫頭皮做下深層清潔，咁D污垢先無得留底，同我地洗面既原理係一樣架。
而健康既頭皮毛引應該要好似火山窿咁，所以Yandy仍需努力，做多D頭皮清潔呀。

而家Hairchitect Institute髮築師進駐埋時代廣場15樓既IL COLPO分店，處理頭髮造型之餘，亦可照顧埋頭皮膚保養。


Hairchitect Institute 亦準備左首次惠顧俾心思思想試下既朋友：）

頭皮膚及頭髮 抗齡護理服務:  

• 頭皮膚健康檢測 (15分鐘) 

• 特訂療程優惠價 $398* (4o分鐘) (*Ballvic 活髮療程除外) 

Hairchitect Institute 的顧問檢測頭皮膚後，將向您作出最合適的療程建議。 

條款以及細則Terms & Conditions: 

• 此優惠只適用於首次惠顧； 

• 必須預約及於預約時說明享用此優惠； 

• 此療程有效期由即日垃起至2016年12月31日止 

• 如有任何爭議，Hairchitect Institute將保留最終決定權。

Hairchitect Institute髮築師

銅鑼灣店： 香港銅鑼灣時代廣場一期15樓1504室@ IL COLPO
預約熱線： 2882- 2374

尖沙咀店: 海港城 港威大廈 保誠保險大樓6樓602-4室@ IL COLPO PLATINUM
預約熱線: 2311-3960

營業時間： 周一至周五上午11時至下午8時 (星期一至五) ；
周末、周日及公眾假期上午10時至下午7時。

「產品及有關資料由品牌提供」