2016年3月18日 星期五

三星期肌齡勁減5歲‧鑽光淨白肌Lighting up Yandy

早前去左SK-II,緊係要即刻試、即刻用啦:)
唔覺唔覺就用左成個月啦!


GenOptics Aura Essence 肌源鑽光精華
首創既鑽光淨白複方,經典Pitera™變成濃縮版,依舊有Pixel white™超解析光感鑽白因子、De-melano P3C 葵醯胺同UME Extract日本杏萃取物。
仲加入兩個全新成份Prunus Extract美國奇蹟西梅複合物同Inositol肌醇。
Prunus Extract美國奇蹟西梅複合物既優良抗氧化功效,可以清除細胞內沈積既黑色素,配合Pitera™仲有效控制肌膚發炎,藉以阻隔黑色素生成。
而Inositol肌醇可以刺激細胞中既溶酶體運作,加速分解UV10大傷害所誘發既黑色素同不良蛋白堆積。

GenOptics Spot Essence 肌源淨斑精華
Spot Resist Complex加入左全新成份Lumina Kelp Extract發光海藻萃取,抑制黑色素訊息傳送,同樣經典Pitera™變成濃縮版,都有De-melano P3C 葵醯胺,抑制未來色斑形成。

好易分,GenOptics Spot Essence 肌源淨斑精華係白雪雪既,GenOptics Aura Essence 肌源鑽光精華就幻彩色。

早上用白樽Spot,阻截黑色素產生,減少可見同隱藏色斑。
晚上用幻彩Aura,改善膚色同頑固色斑。

超鐘意呢個新既智慧定量滴管設計。
唔知你地會唔會好似我咁,保養品成日唔知用幾多先夠,個D所謂一粒豆既份量真係唔多明,你個粒係黃豆定蠶豆?同品種既豆都粒粒有分別啦。
直徑5cm份量?我唔通下下拎間尺度咩,少左可以加返D,多左唔通放返入樽咩?
而且搽得多又怕笠、又浪費,搽得少又驚無效果,次次唧之前都左唸右度^^"

所以呢個新既智慧定量滴管設計,完全解決左我既問題,每次拎既份量都一樣,仲唔洗自己泵,每次開瓶就自動吸好一管份量,一唧就用得。

我會直接點5點上面再推開,帶微香,質地乳液狀偏水感。
搽上面感覺幾清爽,唔覺得笠之餘好細滑,同好快吸收。
搽完即刻好有光澤、水潤感。

我痘印比較多,所以夜晚搽完Aura之後,都會再用少少Spot搽係痘印位,等佢去印快D。
而我都覺得幾有效果,因為我咁岩有粒新生既間瘡係額頭,唔洗三星期連影都無埋。


早晚兩隻精華既質地都幾似,個人感覺Arua再香少少。

不過講到尾都係結果最重要:)
即刻比較下第一次去Event時做既測試,同埋用左三星期早上Spot,晚上Aura既Magic Ring Test啦。

Event當日係美國返黎後無耐,兩個幾星期用住D唔多岩既保養品,肌膚質素暴跌到史無前例咁慘豬,但返到香港有落力急救過下,所以Texture個分突然爆燈。

用左神仙水+早上Spot,晚上Aura三星期,工作爆忙之下瞓得極少,當然唔洗旨意敷Mask啦,Texture回落返正常水平,但其他四個範疇都得到大提升!!!
之前跌出新低既Spot Control升左差唔多一倍上到74分。

肌齡都由26跌到21歲,三星期後生左五年,真係開心到要跳開心舞XDDD


新加入既「肌膚雲亮測試」功能,可以將皮膚底層形象化,透過量化臉上既斑點同暗沈,分析肌膚淨透度同淨透範圍。
一般如果有70分以上就唔錯啦!
我本身都OK有73分,用左三星期就變左79分啦,顯示我肌膚的確係進步中,個窗開得更大,距離鑽光淨白肌又近多少少:)
你地都快D開始全天候 8星期既亮白修護啦:)


「產品及有關資料由品牌提供」

沒有留言:

張貼留言

Related Posts Plugin for WordPress, Blogger...