不過今次並唔係要做D咩療程，單純上黎了解一下醫學美容既新趨勢。
陳立明醫生、Solta 代表、Norgel Group代表講解同分享返最新既醫學美容最新動向。
陳醫生相信大家都好熟悉，Yandy之前打既Fraxel®、Botox同Restlyane都係由陳醫生操刀架。
今年佢仲出左本新書講下佢作為醫生，點睇市面上既一D美容產品。
不過今日就講返醫學美容既新趨勢先啦。
其實以前既醫學美容主要係頭痛醫頭、腳痛醫腳。
但而家時代唔同啦，要防患於未然，等到覺得有問題既時候先處理就慢左啦。
而療程亦都轉化為混合性，者係會用唔同既療程互相配合打造出更理想自然既效果，唔會好似以前咁，係人都一眼望到你整左容。
想知道咩效果最好當然係要咨詢醫生意見啦，但我地都應該要Update下自己對唔同醫學美容產品既認識，以免俾訪間一D美容院／黃綠醫生有機可乘。
首先有Norgel Group代表介紹佢地旗下既醫美產品。
Botox同Restlyane就聽得多，但其實同類型既產品Norgel Group都有，而且仲有佢地既獨特之處。
黎自德國既XEOMIN係新一代既純淨肉毒桿菌素，純唔純淨既分別就係個複合蛋白既含量。
統淨好處係更快見效，產生抗體同免疫反應既機會更細，者係唔會打多幾次就冇咁見效。
另外就係透明質酸Beltero®，醫生鐘意叫佢做B女，下次如果想到人話打左B女唔好嚇親呀XD
都係黎自德國既，係一種填充針劑，想個鼻高D、下巴尖D就要用佢啦。
佢既特別之處在於個密度係非單一性既，打落肌膚到會溶合得更好更平滑，冇咁影打到一粒粒架，可塑性高之餘，誘發發炎既機會更係同類產品之中最細既，安全又可靠。
範圍較大既塑形就再用到RADIESSE啦，KO皺紋、豐盈面型、提升輪廓都可以做到。
重會促進肌膚更新，激活膠原蛋白再生，Keep住18個月活化返你既肌膚，連手部都做得架。
做完療程緊係想第一時間Show下個靚樣，做完療程唔化得妝既概念要即刻Delete啦。
ColoreScience係不含人工香料、染料、酒精、刺激化學物、滑石粉(Tale)發礦物油既健康彩妝品牌，而且具備抗紫外線、抗氧化物既功效，仲有胜肽成分，有助修護肌膚。當中既礦物成分經過特別處理，唔會同水分子起到任何化學作用，者係唔會同你既肌膚搶水，唔會堵塞毛孔啊。
你睇下成隻手指放入浸住水既ColoreScience碎粉入面，手指包裹左一層碎粉出返黎，手指濕都唔濕下，完全係設計俾療程後用既化妝品呀。
好多荷李活既巨星都係用佢架。
最後就到Thermage®既療程啦，係全面改善膚質既療程，一次就可以光滑肌膚、抗老化、收緊
兼重塑輪廓。
以熱力令肌膚底層既骨膠原蛋白再生，肌膚會有即時收緊同提升既效果，膚質會因為底層既骨膠原蛋白再生慢慢變得更光滑細緻，輪廓更加立體緊緻。
同最近好流行既HIFU相比起黎，Thermage®係平均打落0-4.3mm入面，會有緊緻肌膚既效果。
而HIFU就係集中打1.5mm/3.0mm/4.5mm，主要係提升返下垂既肌膚。
Thermage®比較優勝既地方就係打一次就Keep到年幾，HIFU就要打多一、兩次先得啦。
最令人心動既位Thermage®可以做係眼既位置，魚尾紋呀，眼皮下垂都有得搞。
而生完BB既妊娠紋，十個女仔有九個都會有既橙皮紋，做完Thermage®都有好出色既效果。
打唔同部位要用唔用既探頭，每個探頭都有特定既深度同發數，呢個新出既Total Tip 3.0比之前做面既Face Tip 3.0加熱既皮膚範圍既雙倍，效果更顯著架。
如果大家對以上療程有興趣，不妨咨詢下Parkway既陳醫生呀：）
百滙皮膚中心Parkway Skin and Wellness
http://www.parkwayskin.com
http://www.parkwayhongkong.com/
Facebook Page: https://www.facebook.com/ParkwaySkinCentre
「產品及有關資料由品牌提供」
沒有留言:
張貼留言