食個氣氛‧BBQ7080

最近韓風吹到呼呼聲，少不免約食飯要約韓少少。
今次就去左銅鑼灣呢間BBQ 7080。
入座時個待應同埋收銀既小姐真係OK無禮貌，比茶記仲惡劣，個下有唸過拉大隊轉場，但友人一直想試呢間，我忍!
話哂過門都係客呀，而家咁既服務態度真係唔要得...




牆上面係手繪卡通同風景畫，Keep住播K-Pop又幾好Feel既，有部份侍應仲係韓國人，有一刻會覺得自己去左韓國。

個抽油煙囪，拉上拉落都幾得意，重點係可以吸走D油煙，唔洗食到成身味。

前菜比起一般韓國菜少左好多，但都無所謂啦，反正我都係食肉獸黎既XD


生菜係無限供應既，唔夠就問待應拎啦!
望落都幾新鮮，不過都係個句食肉獸黎既XD
第一次黎，樣樣都點D啦，有雞、豬頸肉、豬皮。


乜都有牛一碟。


同埋鰻魚。


雞必點，大級好味：）
豬頸肉唔會死既，點少少辣醬就更正。
豬皮大力推薦呀!!!好有咬口，仲係養顏好物添，不過我就唔太鐘意點豆粉啦。
牛幾有牛味XDDD但肥膏超多...
鰻魚...本身已經唔鐘意食魚，仲要有唔少幼骨，同埋腥腥地，咬左細細啖試下就放棄左了。

整體食物不過不失，但偏貴唔係好值。
除左門口兩位亞姐級比較無禮貌，其他待應其實都幾好，仲好勤力換燒版同加水添。
如果想感受下韓風既話可以一試：）