今日就同男友黎到佐敦搵食。
我同男友都好鐘意食串燒，今次BOOK早少少唔洗等餐死。
始終串燒人多通常都燒唔切，唔好彩真係有排你等。
環境不過不失啦，今次揀左OUTDOOR，吹住風熱辣辣咁食先最有"風"味XDDD
佢有個細爐仔，FOR你RE-HEAT返D串燒，畢竟OUTDOOR+天寒地凍，D串燒唔洗幾分鐘就吹到凍哂，有個爐仔HEAT住食又幾貼心。
未叫野食，先玩搵錯處XDDD
我認~我好衰XDDD
先黎個雙重芝士薯條，個汁少少咸味又幾CREAMY，放耐左都唔會結成硬塊，幾唔錯，不過個著條就唔係好夠薯香啦。
我仲用左D芝士汁黎點雞肉食，好味!!!
串燒由上到下:
雞皮: 好香脆，但燒得過火左少少，唔係好夠味，唔知係咪我唸住打邊爐，居然覺得佢有D似魚皮XDDD
雞肉: 都幾JUICY，肉質仲有D嫩滑感，帶少少咸味，香口得黎唔會好濃，幾有水準。
牛舌: 我沒試，男友就讚不絕口，但佢一向都喜歡牛舌啦，我唔會信哂佢。
螺肉: 都幾得意，未試過咁食螺肉，質感外面有少少脆，螺肉好有咬口，不過食落就冇咩味。
麻辣牛丸: 辣辣地，惹味得黎又幾香牛丸味，唔錯。
花甲是男友最愛，所以點黎試下。
個樣似蜆多過似花甲，細隻左少少咁啦。
但味道搭救，有少少似蒙古燒肉既調味，但比較清。
帶子同蠔，睇到都流哂口水。
芝士醬幾好味，但有少少COVER左帶子既香味，同埋我完全食唔到有煙肉。
蠔很肥美大隻，但感覺蒜蓉唔夠香口，再收多少少水會更讚。
蝦就真係要讚下，開邊燒加左芝士，好香口。
燒到有少少燶得黎，肉質仲有少少汁，VERY NICE!!!
飽魚又係大讚，好有鮮味，秘制醬汁好夾，JUICY得黎有咬口，必試!
羊架我麻麻地，冇試到，男友話味道OK，但就勁肥囉。
冬天D羊要儲脂肪過冬嘛XDDD
整體食物質素都係水準之上，不過除左個芝士醬之外就冇乜特色可言，可以係醬料方面下D功夫。
蠔同扇貝都勁抵食，$68有3隻大大隻。
海鮮類的大推!!!
雖然食物水準整體好好，但就冇下次啦。
辣味燒魚翅，我問過店員，佢話係真魚翅，所以我自己係唔會再幫襯啦。
沒有留言:
張貼留言