2016年12月1日 星期四

蠔食聖誕大餐@Yours Milano

黎到12月係屬於聖誕既月份,Yandy一早已經排得密密麻麻。
雖然我又一次搞錯哂D日子^^"但死都要同好姊妹們食聖誕大餐:)


今次去左佐敦既一間意大利餐廳,場地唔錯喎,簡潔浪費既情調,餐枱係最近大熱既雲石紋,好有格調呢:)

相信好多朋友仔都幾鐘意食蠔既,呢間個價位好似幾抵既呢!


不過,預祝聖誕就緊係試聖誕大餐啦!
餐廳當然都早有準備啦:)
意國聖誕晚市套餐,$378/Set,價錢黎計都幾親民,話哂都係節日,加埋環境靚靚,值!


點餐後,即時有溫熱既餐包送上,係街到凍冰冰上到黎,有包包暖手同暖肚,真係好正:)
大家都知我鐘意食條條,微暖,脆口得黎唔會硬到咬唔開,界乎麵包同餅乾之間既微妙點。


我地除左套餐都另外叫左兩款小食,★巴馬火腿伴無花果沙律 同★香草田螺伴菠菜
巴馬火腿係無乜得輸既,包住無花果食感覺又幾得意,不過就甜左少少啦。
田螺個香草汁幾好,田螺已經拆好殻,一啖一粒幾爽。


前菜到,我揀左★招牌海鮮拼盤
新鮮生蠔:嗯...水洗過,幾乎無味,認真失望...
雞尾酒凍蝦:不過不失,但蝦味同酒味都欠奉...
翡翠螺:三款入面最OK的,但都係無乜螺味...
有少少失望既一環,但友人大讚另一款前菜帶子超正,我下次再有機會要轉款((握拳


黎到★鮮蟹肉南瓜忌廉湯
挽回不少分數呢!鮮蟹肉多到一個點,一啖湯有半匙係鮮蟹肉,真係無得輸,加上南瓜香濃得黎唔會搶走蟹肉味,忌廉亦唔會太稠,配搭完美:)


★香煎澳洲西冷扒黑松露菌燒汁
我最愛既主菜黎啦:)
大大塊牛扒,見到都心心眼>////<
肉味滿滿的,個人對澳洲牛牛係有少少偏心的,屬於比較有咬口的,嗯...咬到最後是有點累啦XD但咁大塊扒我食哂呀!可想而知有幾好味!


最後結尾既係★自家制芝直餅伴榛子醬
雖然我唔太好甜品,但呢個Size岩岩好,唔太甜,軟硬口感岩岩好,中和返岩岩食光光既巨大肉肉,感覺真不錯!

整體對食物既滿意度都唔錯,冷盤以外我都覺得好給力:)
加上環境很舒適,坐得幾寬敞,到聖誕時再加多少少節日氣氛,應該很不錯!
Related Posts Plugin for WordPress, Blogger...