2016年12月5日 星期一

人生就係上完妝要落妝‧落完妝又化妝@Za


Za送左佢地最新既產品黎Yandy家:)
已經用左一段時間啦,人生就係上完妝要落妝‧落完妝又化妝,同大家分享下我點樣令每一日重複又重複既步驟變輕鬆啦!




全新速效卸妝水 (HK$89/ 300ml)

我一直都認為卸妝水,只要卸妝卸得輕鬆乾淨就係一枝好既卸妝水,但Za呢枝全新速效卸妝水除左可以輕鬆帶走面部彩妝(唇妝、眼線、眼影等)、底妝、污垢之外,連老化角質及黑色素都可以帶埋走@口@

卸妝力真係幾唔錯既,輕輕一抺我個底妝幾乎唔見哂,再仔細清潔一下眼部彩妝,係輕鬆既。

日常我既妝容都唔算太濃既,基本底妝加上畫眉,1-2色眼影再加返條眼線。
卸妝後感覺好乾淨,重點係唔覺Dry,0%油分、酒精、香料、感覺溫和不刺激,轉季天氣用都無有怕。

三張化妝棉就將我既日常妝卸得乾乾淨淨,兼潔埋膚,唔洗再洗面,仲免沖水,一抺就完成,減少對肌膚既磨擦。

再黎就化妝啦:)
Za美白光感氣墊粉餅 (HK$189/ 12g)

加入左維他命C有美白功效既氣墊粉餅,主打修飾毛孔瑕疵同8小時持妝力。

感覺真的有效修飾毛孔,質感亦非常輕盈透薄,輕輕上一層有D似有還無感既妝感,個人幾鐘意。
若加強遮瑕或修飾效果,亦可重覆拍 上同一位置,亦不會有厚厚妝容感覺。


稍稍既透亮感,加上均勻膚色既作用,遮瑕度並不太高,但我好鐘意呢種妝感呀XD


全面上妝後,明顯唔係零瑕疵既面具妝感,好有質感既妝容,明明剩係化左底妝,感覺都唔會好怪,足以證明佢自然感滿分,但同時修飾毛孔,效果我非常喜歡,最近返工都係用佢,全日都唔會浮妝,面對開始乾燥既天氣,水潤感都好充足,絕對夠撐到放工既妝容:)
用起黎方便又唔洗補妝,加上自然妝感,懶小孩表示十分滿意。

全新Za速效卸妝水 及  美白光感氣墊粉餅於指定屈臣氏、莎莎、R.O.U. 及Glam Beautique有售。

「產品及有關資料由品牌提供」
Related Posts Plugin for WordPress, Blogger...