2016年12月20日 星期二

疲倦肌處理‧亮麗地迎接每一天吧!


我承認,我係俾包裝吸引左既>////<
太太太可愛啦!

以日本傳統小食Mochi (麻糬) 做包裝, Klairs x Mochi 聯乘BB Cushion,唔知妝感係咪好似Mochi咁Q彈呢?




上妝前先用HIFU神水打個底,聽講呢枝HIFU神水係即時瘦面既法寶黎架!
用法係先噴濕全面。


再打圈按摩至吸收,肌膚飲飽水,亮澤感一定UP+,而且膚質望落都飽滿細滑左。


瘦面效果呢,真係有喎,感覺係收緊左,同未用HIFU神水個邊比較之下,仲亮白左唔少添。


做好基礎保養就黎試下可愛到震既Mochi BB Cushion啦:)
最近不得不承認,攰到爆開左...
晚晚都要出婚宴做問卷,返到屋企都凌晨啦,第二朝又起身返工,膚質大降,仲生左唔少痘痘>.<


Mochi BB Cushion既好處係補充水分和控油效果非常好,亦有一定既遮瑕度。
肌膚狀態唔好之下,用佢上妝都好貼薄,黑眼圈遮到7成左右,痘痘的話當然要另外做遮瑕啦,終於凹凸又勁紅^^"
順帶一提,Mochi BB Cushion係有埋防曬、美白、抗皺功效架。


顏色方面得一個色,對我黎講就白左少少,但整體效果我係幾滿意既。
我通常用完Mochi BB Cushion後會用返自然色碎粉定妝,順便可以Tune返岩D膚色嘛!
跟手化返個日常妝,基本上成日都Keep得到,成日都好水潤Feel架呢!

「產品及有關資料由品牌提供」
Related Posts Plugin for WordPress, Blogger...