2015年11月2日 星期一

專業級底妝好幫手‧圓和邊角Ovo Beauty Sponge


今次黎到Ovo Beauty Sponge既開幕活動。
由兩位國際級化妝大師Klexius Kolby和Brian Hicks從Hollywood、New York將呢舊化妝棉帶到香港,仲係港美同步登場架,都幾威威豬。




成間舖剩係得呢舊Sponge賣,一個字--型!


當日請左星級化妝師小白即場示範,仲分享用呢舊Sponge既秘技,即時係個腦到"叮"左一聲,勁想即刻試上面呀。


即刻話你地呢個Sponge有幾勁:)
先講佢既來頭,由兩位國際級化妝大師Klexius Kolby和Brian Hicks聯手打造既底妝工具。
就咁睇個外型又好似冇乜特別,咪同平時見開既Sponge差唔多樣咋嘛,最唔同咪係變左黑色,好似懶係專業左囉?


但只要一拎上手,係就會發現佢既與眾不同。
質感柔軟纖細,而且每個Sponge既最後工序係經人手逐個加工,打造出人性化既高質素。
Sponge表面質地細緻平滑、彈性高,密度高之餘仲保有空間結構,從浸濕後擠壓出黎既水分充滿左汽泡,係MON前面既你應該都感受到呢個Sponge同一般Sponge既不同。


獨特既設計符合人體工學,用家可根據手形,挑選屬於自己的Ovo Beauty Sponge,而我呢個係S SIZE。

S SIZE浸濕後岩岩好=未浸濕既M SIZE。

最特別既三個不一樣係個彈性超好,軟硬岩岩好,超級易控制。

一般Sponge後面係平面,但Ovo Beauty Sponge就球面黎架,點用一陣話你知。

首創獨特圓和邊角設計,真係超級正中紅心!!!
係個前端位係有少少厚度,一般Sponge用唔到三、兩下呢個位就彎左,拖粉時好易搞到一D厚、一D薄,仲做唔到D細仔位,所以上妝我幾乎都唔會用Sponge,最多只係用黎印走D多餘既粉,或者修飾下掃痕之類。
即刻上妝試下先。


特別揀左泡泡狀既Base黎試呢個Sponge,泡泡好平均咁分佈係Sponge表面,上底妝完全唔會一達達。


黎到粉底液既部份,感覺夠透薄之餘仲比平時多左份水潤感。
用起黎好順手,三、兩下就Cover哂成面啦,仲無掃痕,唔覺意大力左都唔洗驚出事。


底妝要無瑕,當然要好好遮瑕,唔洗轉工具,同一舊Sponge就做到啦!
圓和邊角設計,只要用角位沾遮瑕膏,輕輕印上需要遮瑕既位置,一印就搞掂,連印返開邊緣位都唔洗,超級方便。


圓和邊角設計,遮黑眼圈同樣方便,用前端有少少厚度個位黎沾遮瑕膏,個黑眼圈咩形狀就整返差唔多個形,一印就遮好黑眼圈啦!
爽到你唔信。


後端個球面就可以用黎卜,膏狀胭脂,輕輕力印上面頰位置完全唔會一達達,邊緣效果仲好柔和添。
上埋層碎粉就正正係大家超鐘意既白裡透紅感。


上完濕類,其實乾粉都可以用佢,本身Sponge既鎖水力好高,表面做到乾爽唔滲水,直接沾碎粉就OK啦,效果會比起用碎粉掃上更平均。

成個底妝只要一個Sponge就搞掂哂,用起黎舒適順手、易控制,妝容更加係細緻無瑕到無得彈,仲充滿水潤感。
底妝既完成度真係要俾足100分,完全係專業既底妝效果。


洗Sponge亦夠方便,用日常既洗面產品,洗兩、三次就乾淨哂啦。

大愛呢個新既底妝好幫手,心思思想入手埋M同L Size...


「產品及有關資料由品牌提供」
Related Posts Plugin for WordPress, Blogger...