2015年11月6日 星期五

哈韓吃貨‧炑八


去完韓國,依然對韓食念念不忘XD
今日就約左成班朋友去韓燒,炑八,韓文既意思係吃貨咁解,特登山長水遠去炑八韓烤荃灣店,因為呢間係新開張喎,同一般燒肉為主既韓燒店完全唔同,肉食當然都有,但呢間主打韓國海鮮,從韓國各地搜羅鮮甜味美食材,日日空運到港。

我明明係港島既另一邊都要乖乖坐個幾鐘黎試一試,我都夠哂朋友啦掛?




環境幾開揚,坐位亦唔太迫,邊吹邊食都幾盡情。


前菜我幾乎都唔會掂,因為我唔食菜架XD
最最最正係個爐邊有芝士同蛋任Fill,我地成枱起碼Fill左5/6轉,真係食極都有。

最近同韓國達人兼人氣插畫家 Sue Chang 推出聯乘推出 10 組「炑八韓烤潮語」,可惜我只對食物有興趣,著眼點去左限時推出既Meok Bang X Sue Chang 海鮮套餐XD


海帶子、韓式魷魚同蝦,仲有芝士生蠔。


連埋D貴妃妦燒一Round試下先。
芝士生蠔一般般啦,本身我唔太Like生蠔,貴妃妦好Juicy又夠鮮味。
帶子一定無死既,個蝦真係要讚,係剝左殼架,真係爽皮。


再黎燒飽魚!!!
勁勁勁甜猛,D飽魚燒緊時仲瘋狂地郁左好耐,新鮮到嚇親,爽口彈牙無得頂!


炑八韓烤從韓國入口原條新鮮鰻魚,話說韓國人係超愛食鰻魚,所以今次趁多人特登點黎試下,但我真心唔鐘意鰻魚,同佢做唔到朋友....


終於都食到食肉獸既最愛:)
牛肋骨+厚切五花腩!
牛肋骨好食到要Encore,五花腩都Nice,但食得多會有罪惡感。


黎到韓食既至尊醬油蟹,蟹我都係Like大閘蟹/肉蟹多D。
但如果回味一下韓國既感覺,呢隻絕對頂到癮。


回味韓國系列陸續有黎,年糕少少辣但夠香口兼有咬口。
人參雞...真係清到一個點...好似放左隻雞落煲滾水到...
但勝在石鍋上,熱辣辣飲感覺還好,雞亦夠嫩口。


芝士海鮮石鍋飯由待應即席泡製,一路撈、香味一路飄哂出黎,D芝士一絲絲咁真係睇到都流哂口水呀>////<
之但係食落又唔係太特別,但都叫贏左個勢,見住隔離枱食既話,一定唔忍唔住點一鍋囉XD


最後都係走唔甩甜品架啦,雖然唔太好又唔多食得冰,但我好鐘意佢係冰到加D細細粒既麻薯,搞到大家都係D冰入而尋寶呀XD

整體海鮮質素唔錯,肉肉當然好OK啦,熱食我覺得可以放棄都冇乜所謂。
鐘意佢既店員好親切,忙爆左都會記得Fill爐邊芝士,又會幫手燒同換爐板。
值得一試但對我黎講真係遠到爆開左,唔知其他分店有無海鮮食呢?

全新荃灣分店地址: 荃灣眾安街 2-8 號周合成大廈 1 樓
電話: 2527 1393
營業時間: 11:30 – 24:00
Facebook 專頁: https://www.facebook.com/meokbangbbq
Instagram: meokbangbbq

其他分店:
太子彌敦道 749 號歐亞銀行大廈地庫 (電話:2390 6822)
銅鑼灣軒尼詩道 502 號黃金廣場 6/F (電話:2725 5718)
灣仔堅拿道西 10 號冠景樓 1 樓 (電話:2499 7577)
尖沙咀金馬倫道 5 號太興廣場 2 樓 (電話:2723 7313)
旺角彌敦道 620-628 號瓊華中心 5 樓 (電話:2395 2730)
九龍城太子道西 408-410 號 1 樓 (電話:2716 0120)
灣仔克街 9-13 號地舖 (電話:2831 9098)
Related Posts Plugin for WordPress, Blogger...