2015年11月1日 星期日

西餐大排檔潮食fusion礦泉水火鍋

早前跟朋友去尖沙咀high tea食左餐意想不到既下午茶,老闆原來已經由尖沙咀殺到黎銅鑼灣,除左high tea,今次dinner都跟住high:)


之前係尖沙咀勁愛既西班牙48個月橡樹果級別黑毛豬風乾腿,果香味道會慢慢滲出黎,今次配埋菠蘿食,多左份清新感。
同樣Encole左BB鴿,外層香脆,肉嫩又Juicy,比中式酒樓炸出黎既更有水準,唔會一味得個鹹字。


田螺係友人指定,唔流自己剝殻再有脆脆包住,口感UP+薯蓉都好食,不過油左少少啦。
松露煮日本年糕係呢到既必食推介,Encole again。

再黎個冷盤飽魚,醃左淡淡既醬油,食落零腥味仲帶幾分特別,加埋特製芥末味醬料,加分!


主菜黎啦! 西式打邊爐,真係人生第一次>////<
湯底係Bonaqua礦泉水加少少菜同西班牙48個月橡樹果級別黑毛豬風乾腿兩片,水滾後順序一樣一樣食,待應會因應你叫左咩料幫你排次序架。
先食蝦,湯底岩岩滾起,撒少少老闆親自調教既岩鹽調味,食到個蝦既鮮甜味。
之後落帶子,有蝦膏既香味,同帶子既清甜味好夾啊:)
再放魚柳...我唔食魚架,Skip!
個湯底經過三輪海鮮充滿左鮮味,係時候落牛肉啦!
嫩口又充滿牛肉香味,再落黑毛豬好有咬口,最後湯底已經完滿,落埋年糕吸返哂D精華再一啖入口,成件事有層次得黎真係連湯都可以飲乾淨,正!


燒烤係銅鑼灣先有架,燒西班牙黑毛豬肋條肉要一啖豬、一啖菠蘿咁食,無咁易食濟,食完菠蘿仲好refresh添。
牛舌係友人大愛,我就一般般,不過配埋佢個醬汁又OK接受到,無咁似同牛牛Kiss...XD 
最後隻大蝦真係有我成隻手掌長,肉質Juicy又香口,Like!


食完燒烤野最好緊係黎個雪芭清清佢,原個菠蘿上既雪芭夠哂氣勢,好香菠蘿味:)


餐廳岩岩開業,仲未有酒牌,暫時只提供Mocktail同果汁,我今次就揀左款懷舊黑牛,個雪糕勁香朱古力味。

你見我Encore左咁多野就知質素好啦,加入左BBQ元素多左選擇,礦泉水火鍋又幾有新鮮感,座位都幾舒服,開開心心又一餐。
Related Posts Plugin for WordPress, Blogger...