2015年6月27日 星期六

我不是美眉但有一雙美眉‧同場加映夏日水漾卸妝體驗

從來未俾人叫過我「美眉」,但呢個詞居然係我身上出現左!!!

係就係「美眉」,但係美既只係堂眉^^"
Well~好過冇啦,都係美係我身上呀嘛((攤手


大家都很苦手的畫眉時間,shu:ATELIER 專業彩妝團隊一早唸好對策,帶黎全新眉妝產品幫助大家畫出條好眉,就連初學者都可以輕鬆畫出3D眉型。



雙色塑型眉粉 brow: palette (HK$280 / 2色調)
手上係淺啡X石灰色既組合,啞緻色調既雙色眉粉,自然兼易於暈染。
淺啡描繪,石灰暈染出立體感。


配合埋呢兩枝專業眉掃,畫返條有層次兼立體既眉,完全無難度。


首先用淺啡色由眉中央位向前掃向眉頭,之後再沾少少色,都係由眉中央開始畫返條眉尾。
畫完成條眉既色已經整齊兼色調平均,同未畫既個邊好大對比。
之後就係俾返個層次感佢,用石灰色由眉中央開始再畫多次去到既尾。
最後用棉頭Blend返開個連接位,再刷鬆多少少個眉頭。


成堂眉唔洗5分鐘就畫好啦!
柔和得黎夠整齊,仲好3D添:)

完成埋其他化妝步驟就可以去街街啦!


去完街街緊係要落妝,今次唔係平時用既落妝油啦XD
新登場! 水漾卸妝啫喱 (HK$275/150ml)
比落妝油更易於控制,防水妝都可以卸得乾乾淨淨,仲做埋深層淨化肌膚既效果添。


變左啫喱既卸妝油,唔會郁下就流走左,真係易控制左。
推開有少少粒狀,係包住維他命E既微細膠囊黎架,一接觸到肌膚就會釋放出黎鞏固返肌膚既水屏障,防止水份流失。
加埋醫藥珍品日本鈴蘭,提升水份不但止,仲提升埋肌膚天然保濕因子(NMFs)添。


乳化埋再過過水,落完妝肌膚仲Juicy過平時呀!
邊個話洗完面肌膚會乾架?!佢一定係無用過shu uemura 水漾卸妝啫喱啦XD

shu uemura Facebook Fan Page連結: https://www.facebook.com/shuuemura.hk
shu uemura 網頁連結: http://www.shu-uemura.com.hk
shu uemura 微博: http://weibo.com/shuuemurahk
shu uemura Instagram: http://instagram.com/shuuemurahk#

「產品及有關資料由品牌提供」

沒有留言:

張貼留言

Related Posts Plugin for WordPress, Blogger...