2015年5月2日 星期六

專注小食甜品‧Cafe還是閒聊吹水比較好@Unique Cafe & Kitchen Dinner

早前跟家人興生,弟弟在觀塘上班。

發掘了這家位於工廠大廈內的Unique Cafe & Kitchen Dinner。




位置寬敞,空間感十足,座位亦坐得足哂舒適,三五知己聚一聚就最適合不過。


餐湯先上,外型夠哂吸引,薯仔忌廉湯係是日餐湯,薯仔味幾出,但同忌廉硬係唔太夾,除左薯仔味就無咩味道,有D寡。
雜菌忌廉湯就好好多,菇味香濃,如果再Creamy D就更好啦:)


忌廉白酒大蜆,必叫!!!
隻隻蜆都大大隻,忌廉白酒好滑好香口,蜆肉唔會甩哂出黎,個殻盛住少少汁,食落去好Juicy!

墨汁海鮮意大利飯,海鮮烤過先放上面,好香口!
意大利飯應該偏向傳統意大利口味,飯身外軟內硬,檸檬汁偏多,但比較唔會濟。

炸魚配著條,由於無著條,轉左薯角,都無所謂。
個魚雖然軟綿綿,但好重化學味,試左幾啖就唔敢再食了...

黑毛豬火腿配田園長通粉,黑毛豬火腿好香好夠味。
但個田園長通粉青椒味好濃,個人不喜歡。


但甜品搶返唔小分,柚子芝士凍餅,好清,淡淡既柚子味,唔會濟:)
野飲揀左佢地既Unique Drink 蕉糖蘋果,個Cream超好味,好香蘋果味,但飲落帶酸,不過撈埋D Cream就Prefect Match!
另外仲點左杯海鹽焦糖朱古力咖啡,少少鹽味令個Cream好醒神,不過說好的朱古力味呢?

整體對呢間Cafe感覺好不錯,特別係空間感很好,坐得夠舒服之餘,大大聲講野都唔會嘈到格隔位,朋友聚會我一定揀佢。
但主食類真的有待改善,不過小食同甜品又好OK,下次黎應該要揀返D下午茶時段XD
Related Posts Plugin for WordPress, Blogger...