盛夏♥清簡妝容@REVLON全新眼部防水彩妝

黎到夏天，妝容最講究既就係持久度，REVLON推出左一系列防水眼部彩妝產品，唔洗驚脫妝脫到不似人型啦：）




♥ ColorStay™ Brow Pencil 持久修形眉筆 (HK$88@)
24小時持久不脫色眉筆，防水、防汗、防暈染，顏色方面有2種色調: #210 Soft Brown #320 Dark Brown
我手上既係#210 Soft Brown，色調做得好自然，有D淺色眉筆既顏色好黃，畫完眉會令膚色睇落暗沈左，好似唔多精神咁架。
而我真係幾鐘意呢種雙頭設計，一邊眉筆、一邊螺旋眉刷，用起黎非常方便。


用眉筆勾劃眉形，再用刷頭輕輕一掃就搞掂。
斜角設計用黎畫眉峰及眉形都好就手，效果自然柔和。


好岩用黎畫最近大熱既自然毛流眉，仲同我本身既髮色自然溶合。


♥ REVLON NEW ColorStay™Crème Eye Shadow全新持久持久亮麗眼影霜 (HK$78@)
6種幻彩色調： #Licorice #Cherry Blossom #Vanilla #Crème Brulee # Caramel #Black Currant
蓋到變埋專業角形眼影掃，上妝非常方便快捷，直接用手指上亦無問題。


顯色度係高既，質感會由Cream狀轉化做粉末狀，做到24小時持久，防水，不脱妝既效果。
由於我手上兩隻都係淺色，所以加左隻橙色係眼尾做出層次感，再加返條眼線就完成眼妝啦！


♥ NEW REVLON MEGA MULTIPLIER™ MASCARA 360O立體睫毛膏 (HK$138@)
最後點一點精，搽返靚D眼睫毛。
設有兩種色調，包括：極黑色及自然深啡色。


三角掃頭設計，加上獨特三角及心形纖維，可緊緊扣緊每根睫毛，360°濃密纖長效果。
濃密纖長效果感覺效果唔算太明顯，但勝在防水、防油、防暈染，而且夠自然，反覆掃都唔會結塊。


盛夏，清簡妝容，保持住乾淨已經好吸晴啦！


「產品及有關資料由品牌提供」