新年跟貓咪一起撲蝶去ヽ(✿ﾟ▽ﾟ)ノ

呢幾日既新年假期，終於可以宅在家清一清D文債^^"
好在之前一直有將想寫既野Mark底，唔係我應該會腦閉塞的XD


shu uemura為新正頭推出左新年版潔顏油，仲有升級版既calligraph:ink 持久顯色眼線液。




ultime8 黃金琥珀潔顏油相信都唔洗我多介紹，今次既特別版以紙鳶為題，邀請左風箏傳承人張效東，設計左兩款圖案，印係最具人氣既ultime8 黃金琥珀潔顏油同blanc:chroma 火山泥淨白潔顏油既瓶身，寓意「脫變」及「彌生」，為大家送上吉祥、幸福。

手上既既ultime8 黃金琥珀潔顏油，圖案以蝴蝶、仙鶴、山茶花組成，蝴蝶代表愛情忠貞，寓意甜蜜美滿的愛情婚姻；仙鶴則代表長壽富貴，配以像徵著高雅和純潔的山茶花，寓意破繭成蝶的過程，組成幸福美滿的祝福。

咁今次我就用升級版既calligraph:ink 持久顯色眼線液，畫返個貓咪撲蝶妝黎祝大家新一年活潑健康，精精靈靈啦：）

以亞洲既書法藝術為基礎設計既眼線液，同時有現代化既方便，用之前要先裝上墨水。


等墨水慢慢滲滿筆頭就用得啦!
呢枝眼線液可謂陪住我大的，岩岩開始化妝無耐我就係用佢架啦，轉過幾次配方同設計都無損我對佢既愛。
顏色夠黑夠實，全新微粒炭黑水墨眼線液配方，擁有反射光線既順滑表面，營造出光澤感覺，令線條更俐落。
加上筆頭有彈性得黎筆尖又夠幼細，柔順易畫又易控制，快乾，仲有防水、防汗兼長效持久配方。


畫完即刻黎個30秒沖水測試都無有怕。


即刻開始今次既貓咪妝>v<
先畫一條適中既眼線，眼尾水平拉長少少畫上貓耳，再順住眼尾畫上貓尾，仔細幫貓咪填色，再連貫畫返半條下眼線。


今次既眼妝帶D玩味，但勝在簡單俐落，用左shu既眼線液就好用易畫，粗幼都好影控制，隨心所慾，個人鐘意貓咪者，大家鐘意既，畫返隻馬騮仔應下節都話咁易：）



shu uemura Facebook Fan Page連結: https://www.facebook.com/shuuemura.hk
shu uemura網頁連結: http://www.shu-uemura.com.hk
shu uemura 微博: http://weibo.com/shuuemurahk
shu uemura Instagram: http://instagram.com/shuuemurahk#
「產品及有關資料由植村秀提供」