對於揀飲擇食到一個點既我黎講，鐘意食既野並唔多，除左打邊邊，串燒係近期最愛，貪佢食完唔會好飽，但坐得耐又可以多D時間同朋友吹水，食飯緊係要開心放鬆嘛：）
所以今次就黎左呢間位置銅鑼灣既上樓私房菜，叫八寸既居酒屋Enjoy enjoy。
話明係居酒屋，緊係唔少得酒啦XDD
我雖不是酒鬼，但食飯飲返兩杯絕對無問題，待應俾左一系列既杯我地揀，原來係老闆Alex既變藏品，希望客人次次黎都有D新鮮感，所以呢到就出現左揀杯仔呢個特色啦：）
揀杯我就OK，但揀酒就真係唔在行，所以今日所有飲飲食食都交俾Alex幫我地唸，我只係負責吹水同食XD
酒作為就幫我地揀左清酒同梅酒。
清酒好清=口="哈哈，我意思係幾易入口。
梅酒係老闆自家釀製既，真係好好飲，甜甜地好順喉，仲無乜苦澀味。
友人病病豬，所以我地都陪佢飲左杯無酒精既洛神花蜜，清清甜甜，幾岩配串燒喎。
頭盤黎個九宮格，入面D碟仔都係隻隻唔同架，唔洗問應該都係老闆既收藏品啦?
呢九格會用時令食材整，次次都帶D唔同，而且食材同配搭都好特別，好有驚喜。
我就大愛呢個鮑魚，淡淡既咸鮮味，上面仲放左D金薄。
仲有呢個魚仔，半淋既感覺好有嚼口。
呢個海幸卷係特別推介，Size比一般卷物細少少，預你一啖啪入口。
面頭既辣椒絲其實又唔係好辣，海膽既鮮味加埋帶子既幼滑，仲有魚子既爽脆感覺，然後青瓜同蝦乾、蟹棒、蟹膏香味慢慢滲出黎，仲加左個好特別既「肌之樹昆布」，唔知係咪帶美顏作用既呢XD
之後黎左個重口味、又係要一啖啪入口既...唔記得係咩野^^"
上面係酸梅醬，入面有片好濃味既葉，有少少似韓燒用黎包肉食個片紫蘇葉味再重口味多少少。
下面個款呢...唔係普通既肉肉，係雞腳既"肉球"＠口＠"
真係第一次試，原來都幾好咬XD
再黎同牛牛親密接觸一下，有特厚牛舌同肉肉，唔知點解師傅可以燒得咁香口，仲係外脆內嫩個隻，正!
唔鐘意食葉既我，居然肯食呢兩款。
燒粟米唔係你想像中咁簡單。
精髓係老闆Alex親自調配既蒜蓉牛油，咸香口味令本身香甜既粟米大大加分。
最後以紅豆豆腐甜品作結，可能本身我唔太好甜，紅豆就真係甜得濟，但豆腐好清香：）
整體感覺食物質素同水準都好高，待應風趣仲會同無開玩笑，而且招呼周到，感覺賓至如歸。
但我估老闆太睇少我地4個女仔既食量啦，下次落單前要同老闆單聲我好大食先得XD
沒有留言:
張貼留言