2017年3月7日 星期二

一枝旁身‧眼仔碌碌@TALIKA Youth Energy Booster

早前出席左Talika Workshop,認識左唔少眼周護理既新產品。

情人節個日,呢個新朋友就加入左我既Talika大家庭啦:)



眼週時空導入儀 Youth Energy Booster
光學儀器顧名思義就係以光護膚,結合兩種具有經科學認可美容特性既 590(橙光)同 630(紅光)納米光頻,再加埋離子導入x微震兩種尖端技術,一分鐘全面修護眼周肌膚。

機身輕巧便攜,13cm 長,背面向下推出面蓋,一粒AA電池就用得。

開機制就係電池位對上,按一下出現藍色燈表示成功啟動。長按三秒左右關機。
啟動後只要將機頭與肌膚接觸就自動運行,左右換手時仲識自動暫停。

任何眼霜都可以配合眼週時空導入儀 Youth Energy Booster一齊用架。
佢可以幫助護膚品(如眼霜、眼部精華液等)有效護理成分更有效地滲透至眼周肌膚底層,令功效顯著提升。
我就配合致臻精粹晝夜眼霜Eye Quintessence。

將眼霜直接放係機頭上,如果係比較水狀既眼部精華就可以搽係眼周,然後以眼週時空導入儀 Youth Energy Booster按摩一分鐘。
由眼頭至眼尾打圈,或在穴位上稍稍停留,一分鐘後自動關閉。
過程掂到肌膚就可以,唔好用力拉扯呀。
用既時候會有輕微和暖感,Feel到光源閃閃下既同時會Feel到眼周肌膚好活躍,微震感覺仲超舒服。


短短一分鐘,我既豆豉眼已經有大改善>////<
雙眼皮既肉肉明顯無咁浮腫,眼袋亦都收緊左,眼尾位置提升,成隻眼望落大左唔少呀:)
效果超級神奇,超鐘意Talika既產品永遠係一分鐘內就睇到效果,完全係急救佳品,長用亦Keep住靚。

據品牌統計,連續使用 7 天后,可以減少 27﹪肌膚泛紅;14 天后可以增加 26﹪膠原蛋白含量;而 28 天后更可減褪 30﹪皺紋。


化妝前花一分鐘幫對眼仔消除浮腫,眼妝絕對加分不少:)
用左兩星期左右既時間,亦感覺到佢有減淡到黑眼圈,眼紋都提升左。

BTW,我仲同時試緊另一款Talika既產品,令眼仔更靚,遲下再報告:)

更多資料:
Talika官網: http://www.talika.com/
Facebook: http://www.facebook.com/TalikaHK

「產品及有關資料由品牌提供」

沒有留言:

張貼留言

Related Posts Plugin for WordPress, Blogger...