2016年8月11日 星期四

油都無有怕‧夏日抗痘有辦法@La Roche Posay

夏天係令人又愛又恨既季節,本身混合性肌膚既我一到夏天,油水就突然爆發,偏偏面頰又Dry得濟,化親妝都緊有一Part會溶,最慘慘豬就係已經焗出幾粒痘T^T
唔想咁樣?
揀岩產品就好重要啦:)

相信唔少SIS都有同我差唔多既夏日煩惱^^"
La Roche-Posay為我送黎呢套解決方案,每款產品都有溫泉水既成分,具舒緩、鎮定與抗自由基功效。等我試下K唔KO到我既夏日煩惱先:)


Effaclar Cleansing Gel 控油潔面啫喱 ($210 / 200ml)

清潔一定係護膚既第一步,肌膚唔乾淨,搽再好既保養品都無用。
Effaclar Cleansing Gel 無鹼性、無酒精、無色素、無防腐劑,pH值仲好溫和,去除多餘的油脂,仲幫你平衡返油脂分泌。

氣味唔算太好聞,但清清地都唔錯既,特別鐘意佢洗起黎感覺好溫和,洗完清爽得黎唔會太乾,肌膚感覺仲係好飽滿咁。

Effaclar DUO [+] 粉刺淨化雙效精華[+] ($260 / 40ml)

痘痘故然係討厭,但痘痘好返之後十世都唔退既痘印更乞人憎>.<"
呢枝特別針對混合性粉刺同時預防痘印既精華,含有專利成分 –– 革命性根源抗印成份PROCERADTM,抗炎並阻隔痘印形成,減退並預防啡紅痘印。同時亦具消炎及殺菌功效,預防細菌滋生。

每日早晚潔面後,均勻塗抺於全臉及頸部就得架啦。
暗瘡肌膚係化妝前,仲可以當底霜用,一次過幫你完成精華、面霜、隔離霜三個步驟。


如果好似我咁,已經生左暗瘡,都可以用粉刺淨化雙效精華[+]當隔離霜打底,用落感覺夠清爽,控油保濕、改善油脂分泌,仲可以隔離外來刺激及抑制細菌繁殖,避免暗瘡患處再受感染,仲唔洗怕一堆化妝品會焗住皮膚,咁化妝都化得安心D啦:)


Serozinc Spray 控油淨膚舒緩噴霧 ($90 / 150ml)

我向來對噴霧狀既產品都有特別偏好XD貪佢用起黎夠方便,噴霧非常平均、輕柔,妝後都可以用,絕對唔怕噴花個靚妝。

呢枝仲有功能多多,鎮靜舒緩及Refresh的功效之外,仲含活性成分礦物鋅更可加快傷口修復,抗菌消炎,舒緩敏感肌既不適。

佢特別有效於控油收毛孔,功效比吸油紙仲快,可以令肌膚持續啞緻清爽。
即刻試下係咪咁勁先。

我本身係混合性肌膚既,T-Zone位比較油,午飯後拎張面油紙印一印,睇到鼻鼻既毛孔位每一粒都充滿油份@口@
再輕輕印埋額頭、面頰、下巴等位置,都未算好嚴重,但都有少少透。

即時噴一噴,等佢30秒到就吸收哂,焗促感無哂,感覺肌膚好清爽,好似岩岩洗完面既感覺,毛孔都收細埋,啞緻肌膚。

再拎張面油紙出黎,印返全面試一試,未致於零油份,但油量大減,皮膚感覺通爽,粉刺都無咁易留得底。

如果有化妝,用佢黎補妝仲可以加強持妝力,比起單用蜜粉補妝,妝效Keep得更好架。
油性肌膚可以係早晚潔面後使用,當係第二次清潔,舒緩淨膚、控油收毛孔,仲可以抑制瑕疵增生,咁就唔驚成面都係千年痘印啦!

係咪心思思想試下呢?
即刻去拎返份試用裝同$50購物現金卷啦:http://goo.gl/e41C5P

「產品及有關資料由品牌提供」
Related Posts Plugin for WordPress, Blogger...