2016年8月9日 星期二

宅宅也能展現個性美‧小精靈訓練員出動!!!

「vision of beauty」彩妝系列黎到Vol. 03 nude atelier,展現個性美:)
第一章:brave beauty勇の美
第二章:haute street 街頭藝術

今次又會帶出我宅宅既一面俾大家XD

表面上我係個貪靚既普通OL,但係認識我既人都發現我係機不離手既XD
除左今期大熱既POKEMON GO,我手機有一半其實都係遊戲。
可以宅在家既日子我係死都唔肯出街既,但今日要出街捉小精靈,不過都係要靚,所以我地一齊化個靚妝,做靚靚小精靈訓練員!!!




今次用既係「vision of beauty」彩妝系列Vol. 03 nude atelier,以裸妝為基本,用最精簡既產品同色調,展現個性美,體現簡約中見豐盛 (simple but rich)既精髓。


眉毛係妝容既重點,而染眉膏係眉毛既靈魂所在,想要特出個性,我會揀自然但又可以令眉毛略略變淺既顏色,呢隻棕啡ash brown就岩哂我既要求。


雖然之前已經飄過眉,但都已經甩左大半,所以要先輕輕補返少少色,之後用染眉膏短掃毛個邊從後向眉頭方向推進,為眉毛上多,再轉去長掃毛個邊向後梳返整齊眉毛。


最後用遮瑕膏稍稍修正返邊緣,成堂眉就畫好架啦。
有畫同無畫眉,真係可以差好遠>.<
不過好在我有個齊陰,有時都可以偷下雞唔畫XD


眼妝方面,係限量版既nude atelier 眼影組合 (HK$480@),特別為亞洲人既膚色配搭既眼影組,深淺、濃淡皆宜,唔同裸色同質感既組合亦令顏色變化更多元。

我手上係暖色系既組合,由左至右分別係
ME 淡粉紅 126
ME 淺啡 853
ME棕橙 270
M 深啡 895

應用度極高既組合


今次眼妝只係最基礎由淺化到深,眼窩位置落左少少ME棕橙 270,即時已經Feel到對眼仔好Bling Bling,淡淡溫婉既感覺,好有漫畫感XD


再加返條眼線,眼妝完成!


限量版絲滑胭脂唇蜜,裸珊瑚nudy coral色>////<
我一向都大愛絲滑胭脂唇蜜系列,而今次呢隻色真係超令人著迷!!!
易推又平滑,帶黃調好岩亞洲人既膚色,帶出暖暖的健康色調,Nude得黎都唔會病樣架。


我本身嘴唇都Dry Dry地,下唇有少少Dry爆左,但慢慢印上嘴仔到,效果睇落好平滑。
唇心位再加返少少粉紅色做咬唇妝,記得印埋上胭脂,兩用架,帶埋去捉小精靈時補妝一流。


化靚靚做返自己,記得帶返頂帽先好出發捉小精靈呀:)

更多植村秀產品詳情可瀏覽以下網址:
植村秀香港官方網站: www.shu-uemura.com.hk
植村秀香港Facebook fanpage: http://www.facebook.com/shuuemura.hk

「產品及有關資料由品牌提供」
Related Posts Plugin for WordPress, Blogger...