2016年6月9日 星期四

當個春夏小小都會女孩@MAJESTIC LEGON

Halo!
又係穿搭既時候,大家都知Yandy係半個肥妹仔,周身都係肉肉,仲係小矮人一名>.<"
但係今次MAJESTIC LEGON居然俾我不一樣既突破!!!

話說早前出席左【MAJESTIC LEGON屯門店開業】活動,係咁而試左幾套,咁就一試愛上左^^"點講呢,材質質感好、Cutting靚、款式易襯又多色揀,最重要係修飾到身型上既缺點,件件著落都覺得氣質加分:)

今次就同大家分享兩套我心水既MAJESTIC LEGON既穿搭,一齊「當個春夏小小都會女孩」啦:)

Top : MAJESTIC LEGON 膊頭 Cut Out格紋綴蝴蝶結上衣 HK$428
Skirt: MAJESTIC LEGON 碎花裙 HK$638
Bag : TaoBao
Accessorie: R's Handmade


相信大家都比較少見Yandy著得咁斯文,人靠衣裝係真架,氣質即時出現XD

上身係膊頭 Cut Out格紋綴蝴蝶結上衣,呢種拼摺近年好流行,一條衫用左兩種唔同質感,令層次更豐富,但又不失統一性,加埋可愛既蝴蝶結,典雅得黎有年輕既感覺,返工、出街麵好好襯架。

記憶中有兩、三隻色揀既,白色手袖位會再透少少,更加有夏日感覺架。

我平時比較驚Handle碎花,好驚會變村姑Feel>.<"
但呢條碎花裙真係太有氣質啦:)
碎花繪圖質類似水彩風,淡雅既用色係氣質既來源。
重點係佢既高腰A Line cutting,大PP會被A字比較窄既地方修飾,而相對A字下方比較闊既裙擺,大腿望落就有修細效果啦!

Detail位亦非常加分,腰位兩邊前推之餘,仲做左個交叉位,令腰位望落更纖細,內里仲係褲子設計,唔怕裙子被吹起,上電梯仲唔驚走光添,加埋個袋,女仔一定知道有袋既裙有幾難能可貴。

襯返個素色既小包包,好岩我呢D係中環返工既OL對不對?!XDDD

飾物係點精既部分,頸鏈係友人自家製既設計,用左乾花配搭製成,好有少女味XD
夏天出外有D熱,加返個花花夾夾起頭髮就更加清爽,再黎個蝴蝶結耳環襯返袖口位既蝴蝶結,成身都係女仔最愛既花同蝴蝶>////<

Top : MAJESTIC LEGON 短袖蕾絲off shoulder t-恤 HK$428
Skirt: MAJESTIC LEGON 綴荷葉邊楔型短裙 HK$578
Shoes : TaoBao
Bag : TED BAKER
Accessorie: GU

比起上一套,呢套更有少女味,上班、出門、約會都好岩,泛用性奇高既穿搭:)


上身是亮點所在,off shoulder係年季大熱既元素,相信香港女仔大部分都係偏向下半身會比較多肉肉,對手臂位置又唔太有信心,咁你就一定要試下off shoulder啦,因為肩膀通常唔會太長肉,大部分女仔都應該會著得好睇架。

呢件絕對推薦俾初試off shoulder既sis,因為如果你發現off shoulder唔多handle到,佢可以拉返起當做普通既蕾絲上衣著都好靚。

我呢,返工會比較保持少少拉起shoulder位,放工去街街緊係拉返落黎吸下晴啦:)

蕾絲質感好靚,兩層式既設計令層次感更豐富,加返少少飾物配襯已經好靚。
襯左個花花Clutch Bag,帶出春夏既感覺。


本身有少少抗拒粉色既我,意外地發現原來粉色都幾岩我>////<
藕粉色半截裙帶荷葉邊,女仔得黎唔會too cute。
小A字既裙款同樣有修飾下身線條既效果,但比較一般既A字裙望落更斯文。
內里同樣係褲子設計,好貼心。

配襯簡單既小飾物,成個感覺已經好靚,好女仔啦:)


唔知你地覺唔覺得平時睇D Model著咩都好靚,但當你真係決心買下來既時候,著上身永遠都覺得唔係Model著個件XD
其實只要搵到靚衫幫自己修飾下小缺點,其實都可以靚靚自信地走上街:)

MAJESTIC LEGON既衫係價位上的確唔算平,但以品質、精緻度同細心位,你絕對唔會後悔。單品既配襯度亦非常之高,混搭起黎亦好簡單。
如果你同我一樣不善穿搭,非常建議你揀返D品質較好既單品開始練習,你會發覺穿搭變得容易,慢慢就會對穿搭更有信心啦。

希望大家鐘意我今之既兩套「當個春夏小小都會女孩」既穿搭啦:)


最後要大感謝Rain幫我拍攝:)

MAJESTIC LEGON
Facebook Page: https://www.facebook.com/MAJESTICLEGONHK/
Website: http://majesticlegon.jp/
Shop:
○ 尖沙咀 The One UG201舖
○ 銅鑼灣世貿中心 3 樓 P315 舖
○ 太古城中心 II 期 Apita 地下 07舖
○ 屯門市廣場 I 期 2 樓 2195A 舖

「產品及有關資料由品牌提供」
Related Posts Plugin for WordPress, Blogger...