2016年2月26日 星期五

老友聚頭‧食餐好既@Otto

出完一輪Trip,工作當然要清,忙到斷哂氣咁,但點都要食飯既:)

於是就黎呢到試新野啦!
呢間位於銅鑼灣既Otto都幾就腳,門面仲幾有格調喎XD




隔離係吧枱,早到可以Happy Hour飲住等,但明顯我係遲到個位啦XD


廢話少講,野食先上。
牛角包大愛:)仲有D條條,配住秘製黑松露牛油食,好香黑松露味,加埋微咸既牛油,連麻麻地黑松露既我都Like,Ya!!!
前菜黎個蟹肉沙律,But食肉獸既我當然只食蟹肉啦,配埋魚子,成啖都係鮮味,好滿足:)


黑松露溫泉蛋大菇藜麥,外形就夠哂靚,但係要撈埋食架,撈埋個樣都幾......XP
健康既野食真係唔太岩我((打飛


拿拿拿,呢個就岩哂我胃口啦!
活龍蝦石鍋濃湯,用紙包住D湯用石鍋上,唔驚D龍蝦痴住舊石,又可以Keep住熱辣辣,正!
湯超濃兼充滿海水既咸香味,原來個湯唔係剩係得龍蝦架,仲用左好多唔同既海鮮煲個湯,最後先俾埋隻大龍蝦,睇到都覺得好味道:)
順帶一提,平時我都唔太鐘意飲龍蝦湯,一煲得唔好就成陣腥味,呢個真係無得頂!


食完個濃味野,黎個青檸雪芭清清味蕾,雪芭下面仲有埋乳酪,醒神又開胃,又安排得唔錯喎。


主菜黎啦!
真係有少少目不暇給添,同朋友聚會最大既好處就係可以開心Share,試乜都得。
等我續個講下啦。

堡雲蘇紐西蘭羊鞍(左上):唔食羊,無可奉告。

龍蝦帶子意大利飯(左下):飯既軟硬度岩岩好,飯粒飽滿又夠香口,龍蝦同帶子燒得好香口,Nice!

海龍王紙包深海鱸魚(中):偏食既小朋友唔食魚XD但個魚湯零腥味仲同一般魚湯好唔同,入面有好多菇,推薦大家試下。

西班牙黑毛豬鞍(右上):望落好似好肥? 但咬落嫩滑得黎又幾有咬口,配少少汁醬或者旁邊既南瓜蓉一齊食都好味!

鵝肝牛柳(右下):鵝肝我食架,但太殘忍既原因所以拒食,所以淨係食左牛^^"牛柳都係比較嫩既,牛味唔算太重,不過不失啦,但因為本身我都幾鐘意食牛,所以偏心地加多少少分啦XD


我係少有唔好甜既女仔,但老友聚頭點都走唔甩^^"
唔算好甜得黎有幾分清香,不過應該係有奶的,所以我即刻要去返轉洗手間>.<
甜味,真係唔係我個皮。


飲住杯檸茶邊吹邊飲,唔到人地收工都唔肯走XD

Related Posts Plugin for WordPress, Blogger...